2کُرِنتھِیوں 10:7 - کِتاب مُقدّس سرائیکی ترجمہ

⁷ تُساں ظاہری چیزاں اُتے غور کریندے ہیوے۔ جے کہیں کُوں آپنڑے آپ اُتے ایہ بھروسا ہے جو او مسیح دا ہے تاں اُونکُوں ایہ وی سوچ گِھننڑاں چاہیدے جو جِینویں او مسیح دا ہے اُونویں ای اساں وی ہیں۔

2کُرِنتھِیوں 10:7 Iomraidhean Croise

متّی 23:5

او آپنڑے سبھ کم لوکاں کُوں ڈِکھاوݨ کیتے کریندے ہِن۔ او وڈے تعوِیذ پیندے ہِن، تے آپنڑی پُشاک دے گھیرے چوڑے رکھیندے ہِن۔

لُوقا 16:15

یسُوع اُنہاں کُوں آکھیا جو ”تُساں او ہیوے جیہڑے لوکاں دے سامنڑے آپنڑے آپ کُوں راستباز ظاہر کریندے ہیوے پر خُدا تُہاڈے دِلاں دی حالت کنُوں واقف ہے کیوں جو جیہڑی چیز آدمیاں دی نِگاہ ءچ اعلیٰ ہے او خُدا دے حضُور مکرُوہ ہے۔

یُوحنّا 7:24

صرف ظاہر کُوں ڈیکھ تے فیصلہ نہ کرو بلکہ اِنصاف نال کرو۔“

1کُرِنتھِیوں 1:12

میڈا مطلب ایہ ہے جو تُہاڈے ءچوں کوئی آپنڑے آپ کُوں ”پولُس دا شاگرد“ آدھے، کوئی ”اپُلّوس دا“ کوئی ”کیفا دا“ تے کوئی ”مسیح دا۔“

1کُرِنتھِیوں 14:37

جے کوئی آپنڑے آپ کُوں نبی یا رُوحانی سمجھے تاں اُونکُوں پتہ ہوونڑاں چاہیدے جو جیہڑا کُجھ مَیں لِکھدا ہاں خُداوند دا حُکم ہے۔

1کُرِنتھِیوں 15:23

پر ہر ہِک آپنڑی آپنڑی واری نال۔ سبھ تُوں پہلے مسیح جیہڑا پہلا پھل ہے، تے وَل مسیح دے آوݨ تے اُوندے لوک۔

1کُرِنتھِیوں 3:23

سبھ کُجھ تُہاڈا ہے تے تُساں مسیح دے ہیوے تے مسیح خُدا دا ہے۔

1کُرِنتھِیوں 9:1

کیا مَیں ازاد نئیں؟ کیا مَیں رسُول نئیں؟ کیا مَیں یسُوع کُوں نئیں ڈِٹھا جیہڑا ساڈا خُداوند ہے؟ کیا تُساں خُداوند کیتے میڈی خدمت دا پھل نئیں؟

2کُرِنتھِیوں 10:1

ہُنڑ مَیں پولُس جیندے بارے ءچ کُجھ لوک آدھے ہِن جو تُہاڈے سامنڑے تاں عاجز ہاں پر غیر حاضری ءچ دلیر ہاں، مسیح دی عاجزی تے نرمی یاد ڈیویندے ہوئے خود تُہاکُوں درخاست کریندا ہاں۔

2کُرِنتھِیوں 11:18

پر جڈاں بہُوں سارے دُنیاوی طور تے فخر کریندے ہِن تاں مَیں وی کریساں۔

2کُرِنتھِیوں 11:23

کیا او مسیح دے خادم ہِن؟ میں ایہ گالھ پاگل آلی کار کریندا پِیا ہاں۔ مَیں اُنہاں کنُوں زیادہ اُوندا خادم ہاں۔ مَیں اُنہاں کنُوں زیادہ محنت کیتی، زیادہ دفعہ قید تھیّا، زیادہ کوڑے کھادے، کئی پھیری موت دا سامنڑا کیتا۔

2کُرِنتھِیوں 11:4

کیوں جو جے کوئی آ تے کہیں بئے یسُوع دی تبلیغ کریندے، جیندی اساں نئیں کیتی، یا جے تُساں کہیں بئی طرحاں دی رُوح قبول کریندے ہیوے جیہڑی اُوں رُوح تُوں فرق ہے جیہڑی تُہاکُوں مِلی ہئی، یا جے تُساں بئی خوشخبری قبول کریندے ہیوے جیہڑی اُوں خوشخبری کنُوں فرق ہے جیہڑی تُساں قبول کیتی ہئی، تاں تُساں اُونکُوں صحیح برداشت کریندے ہیوے۔

2کُرِنتھِیوں 12:11

تُساں ای میکُوں مجبور کیتے جو مَیں فخر کر تے بیوقُوف بنڑ ونجاں، جڈاں جو تُہاکُوں تاں میڈی تعریف کرنڑی چاہیدی ہئی۔ بےشک مَیں کُجھ وی نئیں پر وَل وی تُہاڈے ”افضل رسُولاں“ کنُوں کہیں گالھ ءچ گھٹ نئیں۔

2کُرِنتھِیوں 13:3

کیوں جو تُساں اِیں گالھ دا ثبوت منگدے ہیوے جو مسیح میڈے ءچ کلام کریندے۔ او تُہاکُوں سِدھا کرݨ کیتے کمزور نئیں بلکہ تُہاڈے وچال زور آور ہے۔

2کُرِنتھِیوں 5:12

اِیندا مطلب ایہ نئیں جو اساں تُہاڈے سامنڑے ولا کنُوں آپنڑے نیک تھیوݨ دا اعلان کریندے پئے ہیں بلکہ تُہاکُوں موقع ڈیوݨ چاہندے ہیں جو تُساں ساڈے اُتے فخر کرو تے اُنہاں کُوں جواب ڈے سگو جیہڑے دل دے گالھیں اُتے نئیں بلکہ ظاہری گالھیں اُتے فخر کریندے ہِن۔

گلتِیوں 3:29

تے جے تُساں مسیح دے ہیوے تاں ابرہام دی نسل تے وعدے دے مطابق وارث وی ہیوے۔

1 یُوحنّا 4:6

پر اساں خُدا کنُوں ہیں تے جیہڑا کوئی خُدا کُوں جانڑدے او ساڈی سُنڑدے۔ پر جیہڑا خُدا کنُوں نئیں او ساڈی نئیں سُنڑدا۔ اِینویں اساں سچائی دی رُوح تے گُمراہ کرݨ آلی رُوح ءچ فرق کر سگدے ہیں۔