2کُرِنتھِیوں 1:19 - کِتاب مُقدّس سرائیکی ترجمہ

¹⁹ کیوں جو خُدا دے پوتر یسُوع مسیح، جیندی تبلیغ سِیلاس، تِیمُتِھیُس تے مَیں تُہاڈے وچال کیتی، اُوندے ءچ ”ہاں“ تے ”نہ“ ڈوہائیں نہ ہَن بلکہ اُوندے ءچ ہمیشاں ”ہاں“ ای ہئی۔

2کُرِنتھِیوں 1:19 Iomraidhean Croise

متّی 17:5

او ایہ آدھا ای پِیا ہا جو ڈیکھو ہِک نُورانی بدلی اُنہاں اُتے چھاں کر ڈِتی تے اُوں بدلی ءچوں اواز آئی جو ”ایہ میڈا پیارا پوتر ہے جیندے تُوں مَیں بہُوں خوش ہاں، اِیندی سُنڑو۔“

متّی 24:35

اسمان تے زمین ٹَل ویسن پر میڈے گالھیں کڈھائیں نہ ٹَلسن۔

متّی 27:40

”ہیکل کُوں ڈھا تے ترے ڈینہہ ءچ بنڑاوݨ آلے! آپنڑے آپ کُوں بچا۔ جے تُوں خُدا دا پوتر ہیں تاں صلیب تُوں لہہ آ۔“

متّی 27:54

جِیں ویلے صوبیدار تے اُوندے ساتھی جیہڑے یسُوع دی نِگرانی کریندے پئے ہَن، زلزلہ تے سارا واقعہ ڈِٹھا تاں بہُوں ای ڈر تے آکھنڑ لگے جو ”سچ مُچ ایہ خُدا دا پوتر ہا۔“

متّی 3:17

تے اسمان تُوں ایہ اواز آئی جو ”ایہ میڈا پیارا پوتر ہے جیندے کنُوں مَیں بہُوں خوش ہاں۔“

متّی 4:3

وَل ابلیس کولھ آ تے اُونکُوں آکھیا، ”جے تُوں خُدا دا پوتر ہیں تاں اِنہاں پتھراں کُوں آکھ جو ایہ روٹیاں بنڑ ونجنڑ۔“

مرقس 1:1

خُدا دے پوتر یسُوع مسیح دے بارے ءچ خوشخبری دا شروع ایہ ہے۔

لُوقا 1:35

فرشتہ جواب ءچ اُونکُوں آکھیا، ”رُوح القُدس تیڈے اُتے نازل تھیسی تے خُدا تعالیٰ دی قُدرت تیڈے اُتے چھاں کریسی۔ اِیں وجہ کنُوں او مُقدّس بچّہ، خُدا دا پوتر اکھویسی۔

یُوحنّا 1:34

بس مَیں ڈِٹھے تے گواہی ڈِتی ہے جو ایہ خُدا دا پوتر ہے۔“

یُوحنّا 1:49

نتن ایل آکھیا، ”ربّی! تُساں خُدا دے پوتر ہیوے۔ تُساں اِسرائیل دے بادشاہ ہیوے۔“

یُوحنّا 19:7

یہُودیاں جواب ڈِتا ”ساڈے کولھ ہِک شریعت ہے تے اُوں شریعت دے مطابق او موت دے لائق ہے کیوں جو اُوں آکھیا ہے جو مَیں خُدا دا پوتر ہاں۔“

یُوحنّا 20:28

توما اُونکُوں آکھیا، ”میڈے خُداوند! میڈے خُدا!“

یُوحنّا 20:31

پر ایہ اِیں واسطے لِکھے گئے جو تُساں اِیمان گِھن آؤ جو یسُوع ای خُدا دا پوتر، المسیح ہے تے اِیمان گِھن آ تے اُوندے ناں ءچ زندگی پاؤ۔

یُوحنّا 3:16

کیوں جو خُدا دُنیا نال ایجھی محبت کیتی جو اُوں آپنڑا اِکلوتا پوتر بخش ڈِتا تاں جو جیہڑا کوئی اُوندے اُتے اِیمان گِھن آوے، ہلاک نہ تھیوے بلکہ ہمیشاں دی زندگی پاوے۔

یُوحنّا 6:69

تے اساں اِیمان گِھن آئے تے جاݨ گئے ہیں جو خُدا دے قدُّوس تُساں ای ہیوے۔“

یُوحنّا 8:58

یسُوع اُنہاں کُوں آکھیا، ”مَیں تُہاکُوں سچ آدھا ہاں جو اِیں کنُوں پہلے جو ابرہام پیدا تھیّا، مَیں ہاں۔“

اعمال 15:22

وَل رسُولاں تے بزُرگاں ساری کلیسیا سمیت مناسب سمجھیا جو آپنڑے ءچوں کُجھ بندیاں کُوں چُنڑ تے پولُس تے برنباس دے نال انطاکِیہ بھیجنڑ یعنی یہُوداہ کُوں جیہڑا برسبّا اکھویندے تے سِیلاس کُوں۔ ایہ بِھرانواں ءچ قابل ِ احترام ہَن۔

اعمال 16:1

پولُس دِربے تے وَل لُسترہ ءچ وی پُجیا، جِتھاں تِیمُتِھیُس ناں دا ہِک شاگرد ہا۔ اُوندی ماء تاں یہُودی ہئی جیہڑی مسیح اُتے اِیمان گِھن آئی ہئی پر اُوندا پِیُو یُونانی ہا۔

اعمال 18:5

جِیں ویلے سِیلاس تے تِیمُتِھیُس مَکِدُنیہ تُوں آئے تاں پولُس آپنڑا سارا وقت کلام دی تبلیغ کرݨ ءچ گُزارݨ لگا۔ او یہُودیاں دے سامنڑے گواہی ڈیندا ہا جو یسُوع ای المسیح ہے۔

اعمال 8:36

او رستے ءچ ویندے ہوئے، ایجھی جاہ اُتے پُجے جِتھاں پانڑی ہا۔ خوجے آکھیا ”ڈیکھ اِتھاں پانڑی موجود ہے، ہُنڑ میکُوں بپتسمہ گِھننڑ تُوں کیہڑی چیز روکیندی ہے؟“

اعمال 9:20

تے فوراً عبادت خانیاں ءچ یسُوع دی تبلیغ کرݨ لگا جو او خُدا دا پوتر ہے۔

2کُرِنتھِیوں 1:1

ایہ خط میں پولُس دی طرفوں ہے جیہڑا خُدا دی مرضی نال مسیح یسُوع دا رسُول ہاں، تے ساڈے بِھرا تِیمُتِھیُس دی طرفوں، خُدا دی کلیسیا دے ناں جیہڑی کُرِنتُھس شہر ءچ ہے تے پُورے اَخیہ دے سارے مُقدّساں دے ناں۔

1تھِسّلُنیکیوں 1:1

ایہ خط پولُس، سِیلاس تے تِیمُتِھیُس دی طرفوں تھِسّلُنِیکے دی کلیسیا دے ناں ہے جیہڑی خُدا باپ تے خُداوند یسُوع المسیح ءچ ہے۔ فضل تے اِطمینان تُہاکُوں حاصل تھیندا راہوے۔

2تھِسّلُنیکیوں 1:1

ایہ خط پولُس، سِیلاس تے تِیمُتِھیُس دی طرفوں تھِسّلُنِیکے دی کلیسیا دے ناں ہے جیہڑی خُدا باپ تے خُداوند یسُوع المسیح ءچ ہے۔

1 تِیمُتھِیُس 3:16

اِیندے ءچ کوئی شک نئیں جو ساڈے اِیمان دا راز وڈا ہے یعنی او جِسم ءچ ظاہر تھیّا، رُوح دے وسیلے نال صادق ثابت تھیّا فرشتیاں کُوں ڈِکھالی ڈِتا، غیر قوماں ءچ اُوندی تبلیغ تھئی دُنیا ءچ لوک اُوندے اُتے اِیمان گِھن آئے تے او جلال ءچ اسمان اُتے چاتا گِیا۔

عبرانیوں 1:11

او ختم تھی ویسن پر تُوں قائم راہسیں۔ او سارے کپڑیاں وانگُوں گھس ویسن۔

عبرانیوں 13:8

یسُوع مسیح کل تے اَج بلکہ ہمیشاں تئیں ہِکو جِیہا ہے۔

1 پطرس 5:12

مَیں سِیلاس دے ہتھ جیہڑا میڈی نظر ءچ ہِک وفادار بِھرا ہے، ایہ مختصر خط لِکھوا تے تُہاکُوں بھیجیا ہے تاں جو تُہاڈی حوصلہ افزائی تھیوے۔ مَیں گواہی ڈیندا ہاں جو خُدا دا سچا فضل اِیہو ہے۔ اِیندے اُتے قائم راہو۔

2 پطرس 1:17

اُوں خُدا باپ تُوں اُوں ویلے عزت تے جلال پایا، جِیں ویلے اُوں عظیم جلال ءچوں اُونکُوں ایہ اواز آئی جو ”ایہ میڈا پیارا پوتر ہے جیندے تُوں مَیں بہُوں خوش ہاں۔“

1 یُوحنّا 1:3

جیہڑا کُجھ اساں ڈِٹھا تے سُنڑیا، اُوندی خبر تُہاکُوں ڈیندے ہیں تاں جو تُساں وی اِیں رفاقت ءچ ساڈے نال شریک تھیؤ۔ تے ساڈی رفاقت تاں باپ تے اُوندے پوتر یسُوع مسیح دے نال ہے۔

1 یُوحنّا 5:20

اساں ایہ وی جانڑدے ہیں جو خُدا دا پوتر آ گِیا ہے تے اُوں ساکُوں سمجھ بخشی ہے تاں جو برحق خُدا کُوں جانڑوں۔ تے اساں اُوندے ءچ ہیں جیہڑا برحق ہے یعنی اُوندے پوتر یسُوع مسیح ءچ۔ حقیقی خُدا تے ہمیشاں دی زندگی اُوہو ہے۔

2 یُوحنّا 1:9

ہر کوئی جیہڑا مسیح دی تعلیم اُتے قائم نئیں راہندا بلکہ اگُوں ودھ ویندے، اُوندے کولھ خُدا نئیں۔ جیہڑا وی یسُوع دی تعلیم اُتے قائم راہندے اُوندے کولھ باپ تے پوتر ڈُوہائیں ہِن۔

مُکاشفہ 1:11

جیہڑی آدھی پئی ہئی جو ”جیہڑا کُجھ تُوں ڈیدھا ہیں اُونکُوں ہِک کتاب ءچ لِکھ گِھن تے ستّاں کلیسیاواں کُوں بھیج ڈے جیہڑیاں اِفِسُس، سمُرنہ، پِرگمُن، تھواتِیرہ، سردِیس، فِلدِلفیہ تے لَودِیکیہ ءچ ہِن۔“

مُکاشفہ 1:17

اُونکُوں ڈیکھ تے مَیں اُوندے پیراں ءچ بے جان جِیہا تھی تے ڈھے پِیا، پر اُوں آپنڑا سجا ہتھ میڈے اُتے رکھیا تے آکھیا جو ”خوف نہ کر، مَیں اوّل تے آخر ہاں۔

مُکاشفہ 1:8

خُداوند خُدا جیہڑا ہے، جیہڑا ہا تے جیہڑا آوݨ آلا ہے یعنی قادر ِ مُطلق فرمیندے، ”الفا تے اومیگا مَیں ہاں۔“

مُکاشفہ 2:18

تھواتِیرہ دی کلیسیا دے فرشتہ کُوں لِکھ جو خُدا دا پوتر جیندے اکھیں بھاہ دے شعلہ وانگُوں تے جیندے پیر خالص پِتّل وانگُوں ہِن، ایہ فرمیندے جو