2کُرِنتھِیوں 1:15 - کِتاب مُقدّس سرائیکی ترجمہ

¹⁵ اِیں گالھ اُتے بھروسا رکھ تے مَیں اِرادہ کیتا ہا جو پہلے تُہاڈے کولھ آواں تاں جو تُہاکُوں ڈُونڑا فائدہ تھیوے۔

2کُرِنتھِیوں 1:15 Iomraidhean Croise

متّی 1:19

اِیں واسطے اُوندے پئے یُوسف، جیہڑا راستباز ہا تے اُونکُوں بدنام کرݨ نہ چاہندا ہا، اُونکُوں چُپ کر تے چھوڑ ڈیوݨ دا اِرادہ کیتا۔

رومیوں 1:11

کیوں جو مَیں تُہاکُوں مِلنڑ دی بہُوں سِک رکھیندا ہاں تاں جو تُہاکُوں کوئی ایجھی رُوحانی نعمت ڈے سگاں جیہڑی تُہاڈے اِیمان دی مضبوطی دا سبب بنڑے،

رومیوں 15:29

مَیں جانڑدا ہاں جو جِیں ویلے تُہاڈے کولھ آساں تاں مسیح دیاں ساریاں برکتاں گِھن تے آساں۔

1کُرِنتھِیوں 11:34

جے کوئی بُکھا ہووے تاں آپنڑے گھرُوں کھا گِھنے تاں جو تُہاڈا کٹھا تھیوݨ سزا دا سبب نہ بنڑے۔ مَیں بئے گالھیں اُتھائیں آ تے ٹھیک کریساں۔

1کُرِنتھِیوں 16:7

مَیں ایہ نئیں چاہندا جو میڈی مُلاقات تُہاڈے نال رستے ءچ تھیوے بلکہ میکُوں اُمید ہے جو جے خُداوند دی مرضی تھئی تاں کُجھ عرصہ تُہاڈے کولھ راہساں۔

1کُرِنتھِیوں 4:19

پر جے خُداوند دی مرضی تھئی تاں مَیں بہُوں جلدی تُہاڈے کولھ آساں، تے وَل مَیں اِنہاں شیخی بازاں دی نہ صرف گالھیں بلکہ اِنہاں دی طاقت وی جاݨ گِھنساں۔

2کُرِنتھِیوں 12:14

ڈیکھو! مَیں تریجھی پھیری تُہاڈے کولھ آوݨ کیتے تیار ہاں۔ مَیں تُہاڈے اُتے بھار نہ بنڑساں کیوں جو مَیں تُہاڈے مال دا نئیں بلکہ تُہاڈا ای طالب ہاں۔ کیوں جو بالاں کُوں ماء پِیُو کیتے نئیں بلکہ ماء پِیُو کُوں بالاں کیتے پیسہ جمع کرݨ چاہیدے۔

2کُرِنتھِیوں 6:1

اساں جیہڑے خُدا دے کم ءچ شریک ہیں تُہاڈی مِنت کریندے ہیں جو خُدا دے اُوں فضل کُوں جیہڑا تُہاڈے اُتے تھئے بے فائدہ نہ تھیوݨ ڈیؤں۔