2کُرِنتھِیوں 1:12 - کِتاب مُقدّس سرائیکی ترجمہ

¹² ساکُوں آپنڑے ضمیر دی اِیں گواہی اُتے فخر ہے جو اساں دُنیا ءچ تے خاص طور تے تُہاڈے سامنڑے اُوں پاک دِلی تے سچائی نال زندگی گُزاری ہے جیہڑی خُدا دی طرفوں مِلدی ہے۔ ایہ ساڈی آپنڑی اِنسانی حِکمت نال نئیں بلکہ خُدا دے فضل نال تھئے۔

2کُرِنتھِیوں 1:12 Iomraidhean Croise

اعمال 23:1

پولُس عدالت دے ارکان کُوں غور نال ڈیکھ تے آکھیا، ”میڈے بِھراؤ! مَیں اَج تئیں بہُوں نیک نیّتی نال خُدا دے حُکماں دے مطابق زندگی گُزریندا ریہا ہاں۔“

اعمال 24:16

اِیں واسطے میڈی تاں اِیہو کوشش راہندی ہے جو خُدا تے اِنسان ڈوہائیں دے سامنڑے میڈی نیّت نیک راہوے۔

رومیوں 9:1

مَیں مسیح ءچ سچ آدھا ہاں، کُوڑ نئیں بُولیندا بلکہ میڈا ضمیر وی رُوح القُدس دے تابع تھی تے گواہی ڈیندے،

1کُرِنتھِیوں 1:17

کیوں جو مسیح میکُوں بپتسمہ ڈیوݨ کیتے نئیں بلکہ خوشخبری سُنڑاوݨ کیتے بھیجے، او وی حِکمت آلی تقریر نال نئیں تاں جو یسُوع المسیح دی صلیب بے اثر نہ تھیوے۔

1کُرِنتھِیوں 12:8

کہیں کُوں رُوح القُدس دی طرفوں حِکمت نال بھریا ہویا کلام ڈِتا ویندے تے کہیں کُوں اُونہئی رُوح دے وسیلے علم نال بھریا ہویا کلام۔

1کُرِنتھِیوں 15:10

پر ہُنڑ مَیں جیہڑا کُجھ ہاں، خُدا دے فضل نال ہاں، تے او فضل جیہڑا اُوں میڈے اُتے کیتا او ضائع نئیں تھیّا کیوں جو مَیں ساریاں تُوں زیادہ محنت کیتی، بےشک ایہ محنت مَیں آپنڑی کوشش نال نئیں بلکہ خُدا دے فضل نال کیتی، جیہڑا میڈے اُتے ہا۔

1کُرِنتھِیوں 2:13

ایہ گالھیں اساں اِنسانی حِکمت دے سِکھائے ہوئے لفظاں نال نئیں بلکہ رُوح القُدس دے سِکھائے ہوئے لفظاں ءچ بیان کریندے ہیں۔ اساں رُوحانی لوکاں کُوں رُوحانی گالھیں سمجھیندے ہیں۔

1کُرِنتھِیوں 4:4

میڈا ضمیر میکُوں ملامت نئیں کریندا پر اِیں تُوں مَیں بے قصُور ثابت نئیں تھیندا، بلکہ میڈا پرکھنڑ آلا خُداوند ہے۔

1کُرِنتھِیوں 5:8

بس آؤ اساں عید مناؤں پر پُرانڑی خمیری روٹی نال نئیں جیہڑی گُناہ تے بدی دی روٹی ہے بلکہ بے خمیری روٹی نال جیہڑی خالص دِلی تے سچائی دی روٹی ہے۔

2کُرِنتھِیوں 1:17

جِیں ویلے مَیں اِرادہ کیتا تاں کیا بغیر سوچے سمجھے کیتا ہا؟ یا جیہڑے منصوبے بنڑیندا ہاں کیا دُنیاوی لوکاں آلی کار بنڑیندا ہاں جو ”ہاں ہاں“ وی کراں تے ”نہ نہ“ وی؟

2کُرِنتھِیوں 11:3

پر میکُوں ڈر ہے، کِتھائیں اِینویں نہ تھیوے جو جِینویں نانگ آپنڑی مکاری نال حوّا کُوں ورغلا گِھدا، اُونویں ای تُہاڈے خیال وی خراب تھی ونجنڑ تے تُساں مسیح کیتے اُوں خلوص دِلی تے پاک دامنی کُوں چھوڑ ڈیؤ۔

2کُرِنتھِیوں 2:17

اساں اُنہاں اکثر لوکاں آلی کار نئیں جیہڑے پیسے کیتے خُدا دے کلام ءچ ملاوٹ کریندے ہِن بلکہ خُدا دی طرفوں تے اُونکُوں حاضر جاݨ تے مسیح ءچ سچے دل نال گالھ کریندے ہیں۔

2کُرِنتھِیوں 4:2

اساں شرم دے لُکے گالھیں کُوں چھوڑ ڈِتے۔ نہ اساں مکاری کریندے ہیں تے نہ ای خُدا دے کلام ءچ ملاوٹ کریندے ہیں۔ بلکہ سچائی کُوں ظاہر کر تے خُدا دے حضُور ہر بندے دے دل ءچ آپنڑے آپ کُوں نیک ظاہر کریندے ہیں۔

2کُرِنتھِیوں 8:8

مَیں تُہاکُوں اِینویں کرݨ دا حُکم نئیں ڈیندا پِیا بلکہ ڈُوجھیاں دے جوش دے مُقابلہ ءچ تُہاڈی محبت دی سچائی کُوں ازمیندا پِیا ہاں۔

گلتِیوں 6:4

اِیں واسطے ہر بندہ آپنڑے کماں کُوں پرکھے، وَل جے او چنگے ہووݨ تاں ایہ ڈُوجھیاں دے نال مُقابلہ کیتے بغیر آپنڑے آپ اُتے فخر کرݨ دا موقع ہوسی۔

اِفِسیوں 6:14

بس اِینویں قائم راہو یعنی سچائی دا پٹکا آپنڑی چیل نال بَدھ گِھنو، راستبازی دا سینہ بند بَدھ گِھنو،

فِلِپّیوں 1:10

تاں جو تُساں پچھاݨ سگو جو کیہڑے گالھیں چنگیاں ہِن تے تُساں مسیح دے واپس آوݨ دے ڈینہہ تئیں صاف دل تے بے عیب راہو،

1تھِسّلُنیکیوں 2:10

تُساں وی گواہ ہیوے تے خُدا وی گواہ ہے جو تُساں اِیمان گِھن آوݨ آلیاں نال ساڈا چل چلنڑ کیجھا پاک، راست تے بے عیب ریہا۔

1 تِیمُتھِیُس 1:5

میڈی اِیں نصیحت دا مقصد او محبت ہے جیہڑی پاک دِلی، نیک نیّتی تے حقیقی اِیمان نال پیدا تھیندی ہے۔

طِطُس 2:7

تُوں خود سارے گالھیں ءچ نیک کم کر تے اُنہاں کیتے نمونہ بنڑ۔ تیڈی تعلیم ءچ صاف دِلی تے شرافت نظر آوے،

عبرانیوں 13:18

ساڈے کیتے دُعا کریندے راہو۔ ساکُوں یقین ہے جو ساڈا دل صاف ہے تے اساں ہر لحاظ نال نیک زندگی گُزارݨ چاہندے ہیں۔

یعقُوب 4:6

پر او تاں ساکُوں زیادہ توفیق ڈیندے۔ اِیں واسطے کلام ءچ آکھیا گئے جو، ”خُدا مغرُوراں دا مُقابلہ کریندے پر عاجزی کرݨ آلیاں اُتے مہربانی کریندے۔“

1 پطرس 3:16

تے آپنڑی نیّت صاف رکھو تاں جو تُہاڈے نیک چال چلنڑ دے بارے ءچ جیہڑا مسیح ءچ ہے، غلط بیانی کرݨ آلے آپنڑے اِلزام لاوݨ اُتے شرمندہ تھیوݨ۔

1 پطرس 3:21

اُوہو پانڑی بپتسمہ دو اِشارہ ہے جیہڑا یسُوع مسیح دے زندہ تھیوݨ دے وسیلے نال ہُنڑ تُہاکُوں بچیندے۔ ایہ نئیں جو تُہاڈے جِسم دی گندگی دھویج ویندی ہے بلکہ تُساں نیک نیّتی نال خُدا دے طالب تھی ویندے ہیوے۔