1 تِیمُتھِیُس 6:10 - کِتاب مُقدّس سرائیکی ترجمہ

¹⁰ کیوں جو پیسیاں دا لالچ ہر قِسم دی بُرائی دی جڑھ ہے تے کُجھ لوک دولت دے لالچ ءچ آ تے آپنڑے اِیمان تُوں گُمراہ تھی گئے تے آپنڑے آپ کُوں بہُوں ڈُکھ ڈِتے۔

1 تِیمُتھِیُس 6:10 Iomraidhean Croise

متّی 13:22

تے جھاڑیاں ءچ رہایا گِیا بیج اُوندی مثال ہے جیہڑا کلام کُوں سُنڑدا تاں ہے پر دُنیا دی فِکر تے دولت دا فریب اُونکُوں دبا ڈیندے تے اُونکُوں پھل نئیں لگدا۔

متّی 23:13

منافق شریعت دے عالمو تے فریسیو، تُہاڈے اُتے افسوس۔ تُساں اسمان دی بادشاہی لوکاں کیتے بند کریندے ہیوے۔ نہ تاں آپ داخل تھیندے ہیوے تے نہ اُنہاں کُوں جیہڑے داخل تھیوݨ چاہندے ہِن داخل تھیوݨ ڈیندے ہیوے۔

متّی 6:19

آپنڑے کیتے زمین اُتے مال جمع نہ کرو جِتھاں کیڑا تے زنگ لگ ویندے تے چور سَندھ مار تے چوری کر گِھندے۔

مرقس 4:19

پر دُنیا دی فِکر تے دولت دا فریب تے ڈُوجھیاں چیزاں دا لالچ آ تے کلام کُوں دبا ڈیندے تے اُونکُوں پھل نئیں لگ دا۔

کلُسِّیوں 3:5

بس تُساں آپنڑیاں دُنیاوی خواہشاں کُوں ختم کر ڈیؤ یعنی زِنا کاری، ناپاکی، شہوت پرستی، بُریاں خواہشاں تے لالچ کُوں جیہڑا بُت پرستی دے برابر ہے۔

1 تِیمُتھِیُس 3:3

او شرابی تے مار کُٹائی کرݨ آلا نہ ہووے بلکہ نرم دل ہووے۔ او بحث کرݨ آلا تے پیسیاں دا لالچی نہ ہووے۔

1 تِیمُتھِیُس 6:21

کُجھ لوک ایجھے علم دی وجہ کنُوں آپنڑے اِیمان تُوں گُمراہ تھی گئے ہِن۔ خُدا دا فضل تُساں سبھ نال راہوے۔

1 تِیمُتھِیُس 6:9

جیہڑے لوک دولت مند تھیوݨ چاہندے ہِن، او ازمائش ءچ پے تے بہُوں فضول تے نُقصان پُچاوݨ آلیاں خواہشاں دے پھندے ءچ پَھس ویندے ہِن تے تباہی تے ہلاکت دے دریا ءچ غرق تھی ویندے ہِن۔

2 تِیمُتھِیُس 3:2

لوک خود غرض، پیسیاں دے لالچی، شیخی مارݨ آلے، تکبر کرݨ آلے، چُغلی کرݨ آلے، ماء پِیُو دے نا فرمان، نا شُکرے، ناپاک،

2 تِیمُتھِیُس 4:10

کیوں جو دیماس دُنیا نال محبت کر تے میکُوں چھوڑ ڈِتے تے تھِسّلُنِیکے چلیا گئے۔ تے کریسکینس گلِتیہ تے طِطُس دلمتیہ کُوں روانہ تھی گئے۔

طِطُس 1:11

ایجھے لوکاں دا مُنہ بند کرݨ ضروری ہے، اِیں واسطے جو او ناجائز نفع دی خاطر غلط تعلیم سِکھا تے گھراں دے گھر برباد کر ڈیندے ہِن۔

یعقُوب 5:19

میڈے بِھراؤ! جے تُہاڈے ءچوں کوئی سچائی دے رستے کنُوں پِھر ونجے تے کوئی ڈُوجھا اُونکُوں ولا گِھن آوے،

یہُوداہ 1:11

اِنہاں اُتے افسوس! کیوں جو ایہ قائن دے رستے اُتے ٹُرے تے بلعام وانگُوں پیسے دے لالچ ءچ لوکاں کُوں دوکھا ڈیندے ریہے تے قورح وانگُوں مخالفت کر تے ہلاک تھئے۔

مُکاشفہ 18:13

دار چینی، مصالحے، عُود، مُر، لُبان، انگُور دا رَس، زیتون دا تیل، میدہ تے کنڑک، ڈھانڈے، بھیڈاں، گھوڑے تے رَتھ تے بندے غُلاماں دے طور تے۔