1 تِیمُتھِیُس 5:8 - کِتاب مُقدّس سرائیکی ترجمہ

⁸ جیہڑا بندہ آپنڑے رشتہ داراں، خاص کر آپنڑے گھر آلیاں دا خیال نئیں کریندا او اِیمان دا مُنکر ہے تے غیر اِیمانداراں کنُوں وی بدتر ہے۔

1 تِیمُتھِیُس 5:8 Iomraidhean Croise

متّی 18:17

جے او اُنہاں دی وی نہ سُنڑے تاں کلیسیا کُوں ڈسا، تے جے او کلیسیا دی وی نہ سُنڑے تاں اُونکُوں محصُول گِھننڑ آلیاں تے غیر قوماں دے برابر جاݨ۔

متّی 7:11

جِیں ویلے تُساں بُرے ہووݨ دے باوجود آپنڑے بالاں کُوں چنگیاں چیزاں ڈیوݨ جانڑدے ہیوے تاں تُہاڈا اسمانی باپ، آپنڑے منگنڑ آلیاں کُوں چنگیاں چیزاں کیوں نہ ڈیسی؟

یُوحنّا 15:22

جے مَیں آ تے اُنہاں نال کلام نہ کریندا تاں او گُنہگار نہ تھیندے پر ہُنڑ اُنہاں دے گُناہ دا اُنہاں کولھ کوئی عُذر نئیں۔

1کُرِنتھِیوں 6:6

بلکہ بِھرا ڈُوجھے بِھرانواں اُتے مقدمہ کریندن تے او وی غیر اِیمانداراں دے سامنڑے۔

2کُرِنتھِیوں 12:14

ڈیکھو! مَیں تریجھی پھیری تُہاڈے کولھ آوݨ کیتے تیار ہاں۔ مَیں تُہاڈے اُتے بھار نہ بنڑساں کیوں جو مَیں تُہاڈے مال دا نئیں بلکہ تُہاڈا ای طالب ہاں۔ کیوں جو بالاں کُوں ماء پِیُو کیتے نئیں بلکہ ماء پِیُو کُوں بالاں کیتے پیسہ جمع کرݨ چاہیدے۔

2کُرِنتھِیوں 6:15

مسیح دا ابلیس نال کیا اِتفاق؟ یا اِیماندار دی غیر اِیماندار نال کیا شراکت؟

گلتِیوں 6:10

اِیں واسطے جئیں تئیں موقع مِلے اساں ساریاں نال نیکی کرُوں، خاص کر اہل ِ اِیمان نال۔

2 تِیمُتھِیُس 2:12

جے اساں ڈُکھ سَہسوں تاں اُوندے نال بادشاہی وی کریسوں۔ جے اساں اُوندا اِنکار کریسوں تاں او وی ساڈا اِنکار کریسی۔

2 تِیمُتھِیُس 3:5

او دیندار تاں لگسن پر زندگی ءچ دینداری دا کوئی اثر قبول نہ کریسن۔ ایجھیاں کنُوں دُور ای راہویں۔

طِطُس 1:16

او خُدا دی پچھاݨ دا دعویٰ تاں کریندے ہِن پر آپنڑے کماں تُوں اُوندا اِنکار کریندے ہِن، کیوں جو او مکرُوہ تے نافرمان ہِن تے کوئی نیک کم کرݨ دے قابل نئیں۔

2 پطرس 2:1

پر جِینویں بنی اِسرائیل ءچ کُوڑے نبی وی ہَن، اُونویں ای تُہاڈے ءچ وی کُوڑے اُستاد ہوسن۔ او چلاکی نال ہلاک کرݨ آلیاں بِدعتاں کِھنڈیسن، بلکہ آپنڑے اُوں مالک دا اِنکار کریسن جئیں اُنہاں کُوں مُل گِھدا ہا۔ ایجھے کماں نال او آپنڑے اُتے جلد ہلاکت گِھن آسن۔

یہُوداہ 1:4

کُجھ بدکار لوک لُک تے تُہاڈے وچال آ گئے ہِن جیہڑے ساڈے خُدا دے فضل کُوں آپنڑی شہوت پرستی دا بہانہ بنڑائی پئے ہِن، تے ساڈے واحد مالک تے خُداوند یسُوع مسیح دا اِنکار کریندے ہِن۔ ایجھے لوکاں دی سزا دا حُکم بہُوں پہلے کنُوں ای لِکھ ڈِتا گِیا ہا۔

مُکاشفہ 2:13

”مَیں جانڑدا ہاں جو جِتھاں تُوں راہندیں اُتھاں شیطان دا تخت ہے، پر وَل وی تُوں میڈے ناں نال وفادار ریہا ہیں۔ تے اُنہاں ڈینہاں ءچ وی جِیں ویلے میڈا سچا گواہ اِنتپاس تیڈے شہر ءچ شہید کیتا گِیا جِتھاں شیطان راہندے، اُوں ویلے وی تَیں میڈے اُتے اِیمان رکھنڑ تُوں اِنکار نئیں کیتا۔

مُکاشفہ 3:8

”مَیں تیڈے کماں کُوں جانڑدا ہاں۔ ڈیکھ! مَیں تیڈے سامنڑے ہِک دروازہ کھول رکھے جِینکُوں کوئی بند نئیں کر سگدا۔ مَیں جانڑدا ہاں جو تیڈے ءچ طاقت گھٹ ہے پر تَیں میڈے کلام اُتے عمل کیتے تے میڈے ناں دا اِنکار نئیں کیتا۔