1 تِیمُتھِیُس 5:3 - کِتاب مُقدّس سرائیکی ترجمہ

³ اُنہاں بیوہ عورتاں دا خیال رکھ، تے عزت کر جیہڑیاں واقعی ضرورت مند ہِن۔

1 تِیمُتھِیُس 5:3 Iomraidhean Croise

متّی 15:6

تاں او اُوں چیز نال آپنڑے ماء پِیُو دی خدمت بےشک نہ کرے۔ بس تُساں آپنڑی رسم نال خُدا دے کلام کُوں بے اثر کر ڈِتے۔

متّی 23:13

منافق شریعت دے عالمو تے فریسیو، تُہاڈے اُتے افسوس۔ تُساں اسمان دی بادشاہی لوکاں کیتے بند کریندے ہیوے۔ نہ تاں آپ داخل تھیندے ہیوے تے نہ اُنہاں کُوں جیہڑے داخل تھیوݨ چاہندے ہِن داخل تھیوݨ ڈیندے ہیوے۔

لُوقا 2:37

او چُوراسی (84) سال کنُوں بیوہ ہئی، تے ہیکل ءچوں نہ نِکلدی ہئی بلکہ ڈینہہ رات روزہ رکھ تے دُعا تے عبادت کریندی راہندی ہئی۔

لُوقا 7:12

جِیں ویلے او شہر دے پھاٹک دے نیڑے پُجیا تاں ہِک مُردہ کُوں باہر گِھدی ویندے ہَن۔ او آپنڑی ماء دا ہِکو ہِک پوتر ہا تے او بیوہ ہئی۔ شہر دے بہُوں سارے لوک اُوندے نال ہَن۔

یُوحنّا 1:47

یسُوع نتن ایل کُوں آندے ڈِٹھا تاں اُوندے بارے آکھیا، ”ڈیکھو! ایہ اصلی اِسرائیلی ہے، اِیندے ءچ مکر نئیں۔“

اعمال 6:1

اُنہاں ڈینہاں ءچ جِیں ویلے شاگرداں دی تعداد ودھدی ویندی ہئی تاں یُونانی بولنڑ آلے یہُودی، عبرانیاں دی شکایت کرݨ لگے جو ہر روز جِیں ویلے کھانڑا تقسیم تھیندا ہے تاں ساڈیاں بیوہ عورتاں کُوں نظر انداز کیتا ویندے۔

اعمال 9:39

پطرس اُٹھی تے اُنہاں نال ٹُر پِیا۔ جِیں ویلے اُتھاں پُجیا تاں اُونکُوں اُتلے کمرے ءچ گِھن گئے تے ساریاں بیوہ عورتاں روندیاں ہوئیاں اُوندے کولھ آ تے جیہڑے چولے تے کپڑے تبِیتا اُنہاں نال راہندے ہوئے بنڑائے ہَن، ڈِکھاوݨ لگیاں۔

اعمال 9:41

اُوں ہتھ پکڑ تے اُونکُوں کھڑا کیتا تے مُقدّساں تے بیوہ عورتاں کُوں سڈ تے تبِیتا کُوں زندہ اُنہاں دے حوالے کیتا۔

1تھِسّلُنیکیوں 2:6

اساں آدمیاں دی تعریف دے مُتھاج نئیں نہ ای تُہاڈی نہ بئے دی، بھانویں اساں مسیح دے رسُول ہووݨ دی حیثیت نال تُہاڈے اُتے آپنڑا بھار سَٹ سگدے ہسے۔

1 تِیمُتھِیُس 5:2

وڈی عُمر آلیاں عورتاں کُوں ماء سمجھ تے، تے جوان عورتاں کُوں پاکیزگی نال بھینڑاں سمجھ تے۔

یعقُوب 1:27

ساڈے خُدا باپ دی نظر ءچ حقیقی تے بے عیب دینداری ایہ ہے جو یتیماں تے بیوہ عورتاں دی مُصیبت ویلے خبر گِیری کرو تے آپنڑے آپ کُوں دُنیا کنُوں بچا تے بے داغ رکھو۔

1 پطرس 2:17

سبھ دی عزت کرو، آپنڑے اِیماندار بِھرانواں نال محبت رکھو۔ خُدا تُوں ڈرو تے بادشاہ دی عزت کرو۔

1 پطرس 3:7

پائیو! تُساں وی آپنڑیاں ذالاں کُوں آپنڑے تُوں کمزور جاݨ تے اُنہاں دے نال سمجھداری نال زندگی گُزارو، تے اُنہاں کُوں زندگی دیاں نعمتاں ءچ برابر شریک جاݨ تے اُنہاں دی عزت کرو تاں جو تُہاڈیاں دُعاواں رُک نہ ونجنڑ۔