1 تِیمُتھِیُس 5:21 - کِتاب مُقدّس سرائیکی ترجمہ

²¹ مَیں خُدا، مسیح یسُوع تے چُنڑے ہوئے فرشتیاں کُوں گواہ بنڑا تے تیکُوں تاکید کریندا ہاں جو اِنہاں گالھیں اُتے بغیر تعصب تے بغیر طرفداری دے عمل کر۔

1 تِیمُتھِیُس 5:21 Iomraidhean Croise

متّی 16:27

کیوں جو اِبنِ آدم آپنڑے باپ دے جلال ءچ آپنڑے فرشتیاں نال آسی۔ اُوں ویلے ہر ہِک کُوں اُوندے کماں دے مطابق اجر ڈیسی۔

متّی 25:41

وَل او آپنڑے کھبے پاسے آلیاں کُوں اکھیسی، ’لعنتیو! میڈے سامنڑے کنُوں پرے تھی ونجو، تے اُوں ہمیشاں تئیں بلنڑ آلی بھاہ ءچ چلے ونجو جیہڑی ابلیس تے اُوندے فرشتیاں کیتے تیار کیتی گئی ہے۔

متّی 28:20

تے اُنہاں کُوں ایہ تعلیم ڈیؤ جو اُنہاں سبھ گالھیں اُتے عمل کرݨ جِنہاں دا مَیں تُہاکُوں حُکم ڈِتے، تے ڈیکھو مَیں دُنیا دے آخر تئیں ہمیشاں تُہاڈے نال ہاں۔“

لُوقا 20:21

اُنہاں اُوں کنُوں پُچھیا، ”اُستاد! اساں جانڑدے ہیں جو تُہاڈا کلام تے تعلیم درُست ہے تے تُساں کہیں دی طرفداری نئیں کریندے بلکہ سچائی نال خُدا دی راہ دی تعلیم ڈیندے ہیوے۔

لُوقا 9:26

کیوں جو جیہڑا کوئی مَیں کنُوں تے میڈے کلام کنُوں شرمیسی، مَیں اِبنِ آدم وی جِیں ویلے آپنڑے تے آپنڑے باپ دے تے پاک فرشتیاں دے جلال ءچ آساں تاں اُوں کنُوں شرمیساں۔

2کُرِنتھِیوں 5:16

بس ہُنڑ اساں کہیں کُوں دُنیاوی نظر نال نئیں ڈیدھے۔ ہا، بےشک ہِک وقت اساں مسیح کُوں وی اُونویں ای ڈِٹھا ہا پر ہُنڑ اُونکُوں اِینویں نئیں ڈیدھے۔

1تھِسّلُنیکیوں 5:27

مَیں خُداوند دے ناں ءچ تُہاکُوں تاکید کریندا ہاں جو سارے بِھرانواں کُوں ایہ خط پڑھ تے سُنڑایا ونجے۔

1 تِیمُتھِیُس 6:13

مَیں خُدا کُوں جیہڑا ہر چیز کُوں زندگی ڈیندے تے مسیح یسُوع کُوں جئیں پنطیُس پِیلاطُس دے سامنڑے چنگا اِقرار کیتا ہا، گواہ بنڑا تے تیکُوں تاکید کریندا ہاں،

2 تِیمُتھِیُس 2:14

ایہ گالھیں لوکاں کُوں یاد ڈیوا، تے خُداوند کُوں گواہ بنڑا تے اُنہاں کُوں تاکید کر جو لفظاں دے بارے ءچ تکرار نہ کرݨ کیوں جو اِیں تُوں کُجھ حاصل نئیں تھیندا بلکہ سُنڑݨ آلے وِگڑ ویندے ہِن۔

2 تِیمُتھِیُس 4:1

مَیں خُدا تے یسُوع مسیح کُوں جیہڑا زندیاں تے مُردیاں دی عدالت کریسی، گواہ بنڑا تے مسیح دے ظہور تے بادشاہی دی یاد ڈیوا تے تیکُوں تاکید کریندا ہاں،

یعقُوب 3:17

پر جیہڑی حِکمت اسمان کنُوں آندی ہے، اوّل تاں او پاک ہوندی ہے، وَل امن پسند، نرم مزاج تے تربیت قبول کرݨ آلی ہوندی ہے تے رحم تے چنگے کماں نال بھری ہوندی ہے۔ اُوندے ءچ طرفداری تے منافقت نئیں ہوندی۔

2 پطرس 2:4

ڈیکھو، خُدا اُنہاں فرشتیاں کُوں نئیں چھوڑیا جِنہاں گُناہ کیتا، بلکہ اُنہاں کُوں اندھارے دیاں زنجیراں نال بَدھ تے دوزخ ءچ سَٹ ڈِتا تاں جو عدالت دے ڈینہہ تئیں قید ءچ راہوݨ۔

یہُوداہ 1:6

تے جیہڑے فرشتیاں آپنڑے مقام کُوں قائم نہ رکھیا بلکہ آپنڑی مقررہ جاہ کُوں چھوڑ ڈِتا، اُنہاں کُوں خُدا ابدی زنجیراں نال بَدھ تے عدالت دے عظیم ڈینہہ تئیں اندھارے ءچ قید رکھیا ہے۔

مُکاشفہ 14:10

اُونکُوں وی خُدا دے قہر دی شراب پِیونڑی پوسی جیہڑی بغیر ملاوٹ دے، اُوندے غضب دے پیالہ ءچ بھری گئی ہے۔ تے او پاک فرشتیاں تے لیلے دے سامنڑے بھاہ تے گندھک دے عذاب ءچ مُبتلا راہسی۔