1 تِیمُتھِیُس 5:10 - کِتاب مُقدّس سرائیکی ترجمہ

¹⁰ تے نیک کم کرݨ ءچ مشہور ہووے یعنی اُوں آپنڑے بالاں دی تربیت کیتی ہووے، مہمان نوازی کیتی ہووے، مُقدّساں دی خدمت ءچ اُنہاں دے پیر دھوتے ہووݨ، مُصیبت دے ماریاں دی مدد کیتی ہووے تے ہر نیک کم کرݨ ءچ مصروف ریہی ہووے۔

1 تِیمُتھِیُس 5:10 Iomraidhean Croise

متّی 25:17

اِینویں ای جِینکُوں ڈُو مِلے ہَن اُوں ڈُو بئے کَما گِھدے۔

متّی 5:16

اِیں طرحاں تُہاڈی روشنی لوکاں دے سامنڑے چمکے تاں جو او تُہاڈے نیک کماں کُوں ڈیکھ تے تُہاڈے اسمانی باپ دی تمجید کرݨ۔

لُوقا 7:38

تے اُوندے پِچُھوں کھڑ تے روندے ہوئے اُوندے پیراں کُوں ہنجُواں نال پُساوݨ لگی تے آپنڑے والاں نال پُونجھیا، تے اُوندے پیراں کُوں بوسے ڈے تے اُنہاں اُتے عِطر لایا۔

لُوقا 7:44

تے وَل اُوں عورت دو مُڑ تے شمعون کُوں آکھیا، ”کیا تُوں اِیں عورت کُوں ڈیدھا ہیں؟ مَیں تیڈے گھر ءچ داخل تھیّا، تَیں میکُوں پیر دھووݨ کیتے پانڑی نہ ڈِتا۔ پر اِیں عورت آپنڑے ہنجُواں نال میڈے پیر پُسا ڈِتے تے آپنڑے والاں نال اُنہاں کُوں پُونجھیا۔

اعمال 10:22

اُنہاں آکھیا، ”کُرنیلیُس صوبیدار جیہڑا راستباز تے خُدا دا خوف مننڑ آلا بندہ ہے تے یہُودیاں دی ساری قوم ءچ نیک ناں ہے، اُوں خُدا دے پاک فرشتہ کنُوں ہدایت پاتی جو تیکُوں آپنڑے گھر سڈ تے تُہاڈے تُوں کلام سُنڑے۔“

اعمال 22:12

اُتھاں حننیاہ ناں دا ہِک بندہ جیہڑا شریعت دا سخت پابند تے اُتھوں دے یہُودیاں ءچ بہُوں نیک ناں ہا،

اعمال 6:3

اِیں واسطے بِھراؤ! آپنڑے ءچوں سَت نیک ناں بندے چُنڑ گِھنو جیہڑے رُوح القُدس تے دانائی نال بھرے ہووݨ جو اساں اُنہاں کُوں اِیں کم کیتے مقرر کرُوں۔

اعمال 9:36

تے یافا ءچ ہِک شاگردہ ہئی جِیندا ناں تبِیتا ہئی جِیندا مطلب ہرنی ہے، او بہُوں ای نیک کم کریندی تے خیرات کریندی راہندی ہئی۔

اعمال 9:39

پطرس اُٹھی تے اُنہاں نال ٹُر پِیا۔ جِیں ویلے اُتھاں پُجیا تاں اُونکُوں اُتلے کمرے ءچ گِھن گئے تے ساریاں بیوہ عورتاں روندیاں ہوئیاں اُوندے کولھ آ تے جیہڑے چولے تے کپڑے تبِیتا اُنہاں نال راہندے ہوئے بنڑائے ہَن، ڈِکھاوݨ لگیاں۔

رومیوں 12:13

مُقدّساں دیاں ضرورتاں پُوریاں کرو، مہمان نوازی کریندے راہو۔

اِفِسیوں 2:10

کیوں جو اساں خُدا دی کاریگری ہیں تے اُوں ساکُوں مسیح یسُوع ءچ نیک کماں کیتے نویں سِروں پیدا کیتا۔ ایہ نیک کم اُوں پہلے ای ساڈے کیتے تیار کیتے ہَن۔

کلُسِّیوں 1:10

تاں جو تُہاڈا چال چلنڑ خُداوند دے لائق ہووے تے اُونکُوں ہر طرحاں پسند آوے۔ تے تُساں ہر چنگے کم ءچ پھلدار بنڑو تے خُدا دی پچھاݨ ءچ ودھدے ونجو۔

1 تِیمُتھِیُس 2:10

بلکہ آپنڑے آپ کُوں نیک کماں نال سنوارݨ جِینویں خُدا پرستی دا دعویٰ کرݨ آلیاں عورتاں کُوں مناسب ہے۔

1 تِیمُتھِیُس 3:2

اِیں واسطے نگہبان کُوں چاہیدے جو او بے اِلزام، ہِک ذال دا پایا، پرہیزگار، مُتّقی، شریف، مہمان نواز تے تعلیم ڈیوݨ دے قابل ہووے۔

1 تِیمُتھِیُس 3:7

تے او غیر اِیمانداراں ءچ وی نیک ناں ہووے، اِینویں نہ تھیوے جو کوئی اُونکُوں بُرا بھلا آکھے تے او ابلیس دے پھندے ءچ پَھس ونجے۔

1 تِیمُتھِیُس 5:16

جے کہیں اِیماندار عورت دے خاندان ءچ بیوہ عورتاں ہووݨ تاں او اُنہاں دی مدد کرے تے کلیسیا اُتے بھار نہ سٹیا ونجے تاں جو او اُنہاں دی مدد کر سگے جیہڑیاں واقعی بے سہارا ہِن۔

1 تِیمُتھِیُس 5:25

اِینویں ای کُجھ نیک کم صاف نظر آندے ہِن تے جیہڑے صاف نظر نئیں آندے او لُکے نئیں رہ سگدے۔

1 تِیمُتھِیُس 6:18

اُنہاں کُوں حُکم ڈے جو او نیکی کرݨ تے نیک کماں دے لحاظ نال دولت مند بنڑݨ تے ہمیشاں سخاوت کر تے ڈُوجھیاں دی مدد کرݨ کیتے تیار راہوݨ۔

2 تِیمُتھِیُس 1:5

میکُوں تیڈا او حقیقی اِیمان وی یاد آندے جیہڑا پہلے تیڈی نانی لُوئِس تے تیڈی ماء یُونِیکے دا ہا، تے میکُوں یقین ہے جو اُوہو اِیمان تیڈا وی ہے۔

2 تِیمُتھِیُس 2:21

بس جے کوئی آپنڑے آپ کُوں اِنہاں بے ہُودہ گالھیں کنُوں پاک صاف رکھیسی تاں او عزت کیتے اِستعمال تھیوݨ آلے تھاں وانگُوں بنڑ ویسی۔ او مُقدّس ہوسی، آپنڑے مالک دے کم آسی تے ہر نیک کم کیتے تیار تھیسی۔

2 تِیمُتھِیُس 3:15

تے تُوں چھوٹے لا کنُوں خُدا دے پاک صحیفیاں تُوں واقف ہیں جیہڑے تیکُوں مسیح یسُوع اُتے اِیمان گِھن آوݨ نال نجات حاصل کرݨ دی دانائی بخش سگدن۔

2 تِیمُتھِیُس 3:17

تاں جو خُدا دا بندہ کامِل بنڑے تے ہر ہِک نیک کم کرݨ کیتے تیار تھی ونجے۔

طِطُس 2:14

مسیح آپنڑے آپ کُوں ساڈی خاطر ڈے ڈِتا تاں جو ساڈا فِدیہ ڈے تے ساکُوں ہر طرحاں دی بدکاری کنُوں چُھڑا گِھنے، تے ساکُوں پاک کر تے آپنڑے کیتے ہِک ایجھی اُمت بنڑا گِھنے جیہڑی نیک کم کرݨ ءچ سرگرم راہوے۔

طِطُس 2:7

تُوں خود سارے گالھیں ءچ نیک کم کر تے اُنہاں کیتے نمونہ بنڑ۔ تیڈی تعلیم ءچ صاف دِلی تے شرافت نظر آوے،

طِطُس 3:1

لوکاں کُوں یاد ڈیوا جو او حاکماں تے اِختیار آلیاں دے تابع راہوݨ، اُنہاں دا حُکم مننڑ تے ہر نیک کم کُوں کرݨ کیتے تیار راہوݨ،

طِطُس 3:14

ساڈے لوکاں کُوں وی چاہیدے جو او چنگے کماں ءچ لگے راہونڑا سِکھنڑ تاں جو ضرورتاں کُوں پُورا کر سگنڑ تے بے پھل زندگی نہ گُزارݨ۔

طِطُس 3:8

ایہ گالھ سچ ہے تے مَیں چاہندا ہاں جو تُوں اِنہاں گالھیں اُتے خاص زور ڈے تاں جو خُدا اُتے اِیمان گِھن آوݨ آلے دھیان نال نیک کماں ءچ مصروف راہوݨ۔ ایہ گالھیں سبھ کیتے چنگیاں تے مفید ہِن۔

عبرانیوں 10:24

تے آؤ اساں غور کرُوں جو کِینویں ہِک ڈُوجھے کُوں محبت تے نیک کم کرݨ کیتے اُبھار سگدے ہیں۔

عبرانیوں 13:2

مسافراں دی مہمان نوازی نہ بُھلو کیوں جو اِینویں کرݨ نال کُجھ لوکاں بے خبری ءچ فرشتیاں دی مہمان نوازی کیتی ہے۔

عبرانیوں 13:21

تُہاکُوں ہر چنگی شے ڈیوے تاں جو تُساں اُوندی مرضی پُوری کر سگو، تے جیہڑا کُجھ اُوندی نظر ءچ پسندیدہ ہے، او یسُوع مسیح دے وسیلے نال ساڈے ءچ پیدا کرے۔ مسیح دی تعریف ہمیشاں تئیں تھیندی راہوے۔ آمین۔

1 پطرس 2:12

غیر قوماں ءچ آپنڑا چال چلنڑ ایجھا نیک رکھو جو بیشک او تُہاڈے اُتے بدکار ہووݨ دے اِلزام لیندن پر تُہاڈے نیک کماں کُوں ڈیکھ تے عدالت دے ڈینہہ خُدا دی حمد کرݨ۔

1 پطرس 4:9

بُڑبُڑ کیتے بغیر مہمان نوازی کرو۔

3 یُوحنّا 1:12

دیمیترِیُس دے حق ءچ سبھ لوک چنگی گواہی ڈیندے ہِن تے خود سچائی وی گواہی ڈیندی ہے۔ اساں وی اِیہو گواہی ڈیندے ہیں تے تُوں جانڑدیں جو ساڈی گواہی سچی ہے۔