1 تِیمُتھِیُس 4:3 - کِتاب مُقدّس سرائیکی ترجمہ

³ ایہ لوک شادی کرݨ تُوں منع کریندے ہِن تے اُنہاں کھانڑیاں کنُوں پرہیز کرݨ دا حُکم ڈیندے ہِن، جِنہاں کُوں خُدا اِیں واسطے پیدا کیتے جو اِیماندار جیہڑے سچائی کُوں جانڑدن، اُنہاں کُوں شُکرگزاری نال کھاوݨ۔

1 تِیمُتھِیُس 4:3 Iomraidhean Croise

متّی 14:19

تے اُوں لوکاں کُوں گھاہ اُتے بَہوݨ دا حُکم ڈِتا۔ وَل پنج روٹیاں تے ڈُو مچھیاں گِھدیاں تے اسمان دو ڈیکھ تے برکت ڈِتی، تے روٹیاں تروڑ تے شاگرداں کُوں ڈِتیاں تے شاگرداں لوکاں کُوں۔

متّی 15:11

جیہڑی چیز مُنہ ءچ ویندی ہے او بندے کُوں ناپاک نئیں کریندی، پر جیہڑی چیز مُنہ ءچوں نِکلدی ہے اُوہو بندے کُوں ناپاک کریندی ہے۔“

متّی 15:36

تے وَل اُوں سَت روٹیاں تے مچھیاں گِھدیاں تے شُکر کر تے تروڑیاں تے شاگرداں کُوں ڈیندا گِیا تے شاگرد لوکاں کُوں۔

لُوقا 24:30

جِیں ویلے او کھانڑا کھاوݨ کیتے اُنہاں دے نال بیٹھا تاں اُوں روٹی گِھن تے برکت ڈِتی تے تروڑ تے اُنہاں کُوں ڈیوݨ لگا۔

یُوحنّا 6:23

وَل کُجھ چھوٹیاں کشتیاں تِبریاس تُوں اُوں جاہ دے نیڑے آئیاں جِتھاں اُنہاں یسُوع مالک دے شُکر کرݨ دے بعد روٹی کھادی ہئی۔

اعمال 27:35

ایہ آکھ تے پولُس کُجھ روٹی گِھدی تے ساریاں دے سامنڑے خُدا دا شُکر کیتا تے اُونکُوں تروڑ تے کھاوݨ لگا۔

رومیوں 14:17

کیوں جو خُدا دی بادشاہی کھاوݨ پِیوݨ دے بارے ءچ نئیں بلکہ راستبازی، میل مِلاپ تے اُوں خوشی دے بارے ءچ ہے جیہڑی رُوح القُدس دی طرفوں مِلدی ہے۔

رومیوں 14:3

ہر چیز دے کھاوݨ آلا پرہیز کرݨ آلے کُوں کم تر نہ سمجھے تے پرہیز کرݨ آلا کھاوݨ آلے اُتے اِلزام نہ لاوے کیوں جو اُونکُوں خُدا قبول کر گِھدے۔

رومیوں 14:6

جیہڑا بندہ کہیں ڈینہہ کُوں خاص سمجھ تے منیندے، او اُونکُوں خُدا دی خاطر منیندے۔ تے جیہڑا گوشت کھاندے او خُداوند دی تعظیم ءچ کھاندے کیوں جو او خُدا دا شُکر کریندے۔ تے جیہڑا پرہیز کریندے او وی خُداوند دی تعظیم ءچ پرہیز کریندے تے او وی خُدا دا شُکر کریندے۔

1کُرِنتھِیوں 6:13

بےشک ”کھانڑا پیٹ کیتے تے پیٹ کھانڑے کیتے ہے تے خُدا اِنہاں ڈُوہائیں کُوں ختم کر ڈیسی۔“ پر بدن حرام کاری کیتے نئیں بلکہ خُداوند کیتے ہے تے اُوہو اُوندا مالک ہے۔

1کُرِنتھِیوں 7:28

پر جے تُوں شادی کر وی گِھدی ہے تاں ایہ کوئی گُناہ نئیں تے جے کوئی کُنواری چھوہیر شادی کر گِھنے تاں ایہ وی گُناہ نئیں۔ پر ایجھے لوک مُصیبتاں برداشت کریسن تے مَیں تُہاکُوں مُصیبت تُوں بچاوݨ چاہندا ہاں۔

1کُرِنتھِیوں 8:8

اصل ءچ کھانڑا ساکُوں خُدا دے نیڑے نہ گِھن آسی۔ جے اساں نہ کھاؤں تاں ساڈا کوئی نُقصان نئیں تے جے کھا گِھنوں تاں فائدہ وی نئیں۔

کلُسِّیوں 2:16

اِیں واسطے کوئی وی تُہاکُوں کھاوݨ، پِیوݨ، عید مناوݨ، نویں چَن تے سبت دے بارے ءچ قصُوروار نہ کھڑاوے۔

کلُسِّیوں 3:17

تے جیہڑا کُجھ تُساں آدھے یا کریندے ہیوے خُداوند یسُوع دے ناں نال کرو تے اُوندے وسیلے نال خُدا باپ دا شُکر ادا کرو۔

1 تِیمُتھِیُس 2:4

او چاہندے جو سبھ لوک نجات پاوݨ تے سچائی کُوں پچھاݨ گِھننڑ۔

1 تِیمُتھِیُس 4:4

خُدا دی پیدا کیتی ہوئی ہر ہِک چیز چنگی ہے تے جے شُکرگزاری نال کھادی ونجے تاں کہیں وی چیز تُوں اِنکار نئیں کرݨ چاہیدا،

1 تِیمُتھِیُس 5:14

اِیں واسطے مَیں جوان بیوہ عورتاں کُوں صلاح ڈیندا ہاں جو او شادی کرݨ، بال جمنڑ، آپنڑا گھر سنبھالنڑ تے کہیں مخالف کُوں بدگوئی کرݨ دا موقع نہ ڈیوݨ۔

عبرانیوں 13:4

شادی کرݨ سبھ لوکاں ءچ عزت دی گالھ سمجھی ونجے تے میاں بیوی دا رشتہ بے داغ راہوے، کیوں جو خُدا حرام کاراں تے زِنا کاراں دی عدالت کریسی۔

عبرانیوں 13:9

قِسم قِسم دیاں عجیب تعلیماں کنُوں گُمراہ نہ تھیؤ۔ چنگا ایہ ہے جو تُہاڈے دل خُدا دے فضل نال طاقت پاوݨ، نہ جو کھاوݨ دے اصُولاں نال جیندے اُتے ٹُرݨ نال کوئی رُوحانی فائدہ نئیں تھیندا۔