1 تِیمُتھِیُس 4:16 - کِتاب مُقدّس سرائیکی ترجمہ

¹⁶ آپنڑے چال چلنڑ تے آپنڑی تعلیم دا خاص خیال رکھ۔ اِنہاں گالھیں اُتے عمل کریندا رہ کیوں جو اِینویں کرݨ نال تُوں آپنڑی تے آپنڑے سُنڑݨ آلیاں دی نجات دا سبب ہوسیں۔

1 تِیمُتھِیُس 4:16 Iomraidhean Croise

مرقس 13:9

پر تُساں خبردار رہوائے کیوں جو لوک تُہاکُوں عدالتاں ءچ پیش کریسن تے تُساں عبادت خانیاں ءچ ماراں کھاسو، تے میڈی وجہ کنُوں حاکماں تے بادشاہاں دے سامنڑے حاضر کیتے ویسو تے ایہ تُہاڈے کیتے گواہی ڈیوݨ دا موقع ہوسی۔

لُوقا 21:34

بس خبردار راہو، اِینویں نہ تھیوے جو تُہاڈے دل عیاشی تے شراب پِیوݨ تے اِیں زندگی دیاں فِکراں ءچ سُست تھی ونجنڑ تے او ڈینہہ تُہاڈے اُتے پھندے وانگُوں اچانک آ ونجے۔

اعمال 26:22

پر مَیں خُدا دی مدد نال اَج تئیں ہر چھوٹے وڈے دے سامنڑے گواہی ڈیندا ہاں۔ مَیں اُنہاں گالھیں دے سِوا کُجھ نئیں آدھا جِنہاں دی پیشن گوئی نبیاں تے مُوسیٰ کیتی ہے،

اعمال 6:4

پر اساں تاں دُعا ءچ تے کلام دی خدمت ءچ مصروف راہسوں۔“

رومیوں 11:14

تاں جو کہیں طرحاں وی مَیں آپنڑی قوم آلیاں کُوں غیرت ڈیوا تے اُنہاں ءچوں بہُوں کُوں نجات ڈیوا سگاں۔

رومیوں 16:17

ہُنڑ بِھراؤ! مَیں تُہاڈی مِنت کریندا ہاں جو اُنہاں لوکاں تُوں خبردار راہو جیہڑے پارٹی بازی کرویندن تے اُوں تعلیم دے خلاف جیہڑی تُہاکُوں مِلی ہے، تعلیم ڈے تے تُھڈا کھواوݨ دا سبب ہِن۔ اُنہاں تُوں دُور راہو۔

رومیوں 2:7

جیہڑے نیک کماں ءچ قائم رہ تے جلال، عزت تے ختم نہ ہووݨ آلی زندگی دے طالب ہِن اُنہاں کُوں ہمیشاں دی زندگی ڈیسی۔

1کُرِنتھِیوں 1:21

کیوں جو خُدا آپنڑی حِکمت دے مطابق ایہ فیصلہ کیتے جو دُنیا آلے آپنڑی حِکمت نال خُدا کُوں نہ جانڑݨ بلکہ خُدا کُوں ایہ پسند آیا جو اِیں بیوقُوفی دے پیغام دے وسیلے نال جیندی اساں تبلیغ کریندے ہیں اِیمان گِھن آوݨ آلیاں کُوں نجات بخشے۔

1کُرِنتھِیوں 9:22

کمزوراں دی خاطر کمزور بنڑیا تاں جو کمزوراں کُوں گِھن آواں۔ مَیں ساریاں لوکاں دی خاطر سبھ کُجھ بنڑیا تاں جو کہیں نہ کہیں طرحاں کُجھ کُوں بچا سگاں۔

1کُرِنتھِیوں 9:27

بلکہ مَیں آپنڑے بدن اُتے سختی کریندا ہاں تے اُونکُوں قابو ءچ رکھیندا ہاں، اِینویں نہ تھیوے جو ڈُوجھیاں کُوں تبلیغ کر تے، مَیں خود اِنعام تُوں محروم تھی وَنجاں۔

اِفِسیوں 4:14

وَل اساں اگُوں تے بال نہ راہسوں تے غلط تعلیم دی ہر تیز ہوا نال پانڑی دیاں چھلاں وانگُوں اِڈے اُڈے واہندے نہ راہوں، تے چالباز تے مکار لوکاں دے گُمراہ کر ڈیوݨ آلے منصوبیاں دا شکار نہ بنڑوں۔

کلُسِّیوں 4:17

اَرخِپُس کُوں اکھائے جو جیہڑی خدمت خُداوند ءچ اُوندے سپُرد تھئی ہے اُونکُوں ہوشیاری نال پُورا کرے۔

1تھِسّلُنیکیوں 2:16

کیوں جو او ساکُوں غیر قوماں کُوں خُدا دا کلام سُنڑاوݨ کنُوں روکیندے ہِن تاں جو او نجات نہ پاوݨ۔ اِینویں اُنہاں دے گُناہاں دا پیالہ بھریندا راہندے۔ پر آخر خُدا دا غضب اُنہاں اُتے نازل تھی گِیا۔

1 تِیمُتھِیُس 1:3

مَیں مَکِدُنیہ دو روانہ تھیندے ویلے تیکُوں نصیحت کیتی ہئی جو تُوں اِفِسُس ءچ رہ تے، غلط تعلیم ڈیوݨ آلیاں کُوں تاکید کر جو او اِینویں کرݨ تُوں باز آ ونجنڑ،

1 تِیمُتھِیُس 4:15

اِنہاں گالھیں اُتے دھیان ڈے، تے آپنڑے آپ کُوں اُنہاں کیتے وقف کر ڈے تاں جو سارے لوک تیڈی ترقی ڈیکھنڑ۔

1 تِیمُتھِیُس 4:6

تِیمُتِھیُس جے تُوں بِھرانواں کُوں ایہ گالھیں یاد کرویسیں تاں مسیح یسُوع دا چنگا خادم ہوسیں، ایجھا خادم جئیں اُوں اِیمان تے چنگی تعلیم دے گالھیں نال پرورش پاتی ہووے جیندے اُتے تُوں عمل کریندا آ یا ہیں۔

2 تِیمُتھِیُس 2:10

اِیں واسطے مَیں خُدا دے چُنڑے ہوئے لوکاں دی خاطر سبھ کُچھ سہندا ہاں تاں جو او وی اُوں نجات کُوں جیہڑی مسیح یسُوع دے ذریعے مِلدی ہے، ابدی جلال سمیت حاصل کرݨ۔

2 تِیمُتھِیُس 3:14

پر تُوں اِنہاں گالھیں اُتے قائم رہ جیہڑیاں تَیں سکھیاں ہِن تے جِنہاں دا تیکُوں پُورا یقین ہے، کیوں جو تُوں جانڑدا ہیں جو اِنہاں گالھیں کُوں سِکھاوݨ آلے کوݨ ہِن۔

2 تِیمُتھِیُس 4:2

جو تُوں کلام دی تبلیغ کر، تے اِیندے کیتے چنگے ماڑے ویلے تیار رہ، بہُوں صبر نال تے تعلیم ڈیندے ہوئے لوکاں کُوں سمجھا، ملامت کر، تے نصیحت کر۔

طِطُس 1:9

جیہڑا سچا کلام اُونکُوں سِکھایا گئے، او اُوندے اُتے قائم راہوے تاں جو او صحیح تعلیم نال ڈُوجھیاں کُوں نصیحت ڈے سگے تے مخالفاں کُوں وی سمجھا سگے۔

طِطُس 2:15

تُوں ایہ گالھیں سِکھا، تے پُورے اِختیار نال نصیحت تے تنبیہ کریندا رہ۔ کوئی وی تیکُوں حقیر نہ سمجھے۔

طِطُس 2:7

تُوں خود سارے گالھیں ءچ نیک کم کر تے اُنہاں کیتے نمونہ بنڑ۔ تیڈی تعلیم ءچ صاف دِلی تے شرافت نظر آوے،

فِلیمون 1:19

مَیں پولُس آپنڑے ہتھ نال لِکھیندا ہاں جو میں تیکُوں او ادا کر ڈیساں۔ ایہ یاد ڈیواوݨ دی لوڑ نئیں جو میڈا قرض جیہڑا تیڈے اُتے ہے، او تُوں خود ہیں۔

عبرانیوں 12:15

دھیان کرو جو کوئی بندہ خُدا دے فضل کنُوں محروم نہ رہ ونجے، اِینویں نہ تھیوے جو کوئی بندہ کڑوی جڑھ آلی کار پُھٹ تے تُہاکُوں تکلیف ڈیوے تے بہُوں سارے لوکاں کُوں وِگاڑ ڈیوے۔

عبرانیوں 13:9

قِسم قِسم دیاں عجیب تعلیماں کنُوں گُمراہ نہ تھیؤ۔ چنگا ایہ ہے جو تُہاڈے دل خُدا دے فضل نال طاقت پاوݨ، نہ جو کھاوݨ دے اصُولاں نال جیندے اُتے ٹُرݨ نال کوئی رُوحانی فائدہ نئیں تھیندا۔

یعقُوب 5:20

تاں یاد رکھو جو گُنہگار کُوں گُمراہی کنُوں واپس گِھن آوݨ آلا، ہِک جان کُوں موت کنُوں بچیسی تے بہُوں سارے گُناہاں اُتے پڑدہ پیسی۔