1 تِیمُتھِیُس 3:4 - کِتاب مُقدّس سرائیکی ترجمہ

⁴ او آپنڑے گھر دا چنگی طرحاں بندوبست کرݨ آلا ہووے تے آپنڑے بالاں کُوں بہُوں سنجیدگی نال قابو ءچ رکھنڑ آلا ہووے۔

1 تِیمُتھِیُس 3:4 Iomraidhean Croise

اعمال 10:2

او بہُوں دیندار ہا تے آپنڑے گھرانڑے سمیت خُدا کنُوں ڈردا ہا، تے یہُودیاں کُوں بہُوں خیرات ڈیندا تے ہر ویلے خُدا کنُوں دُعا کریندا ہا۔

اِفِسیوں 5:24

اِیں واسطے جِینویں کلیسیا مسیح دے تابع ہے اُونویں ای ذالاں وی ہر گالھ ءچ آپنڑے پایاں دے تابع راہوݨ۔

فِلِپّیوں 4:8

بِھراؤ، آخری گالھ ایہ ہے جو جِتّی گالھیں سچیاں ہِن، جِتّی گالھیں شرافت دیاں ہِن، جِتّی گالھیں اِنصاف دیاں ہِن، جِتّی گالھیں پاک ہِن تے جِتّی گالھیں سوہنڑیاں تے چنگیاں لگدیاں ہِن یعنی جِتّی گالھیں نیک تے تعریف دے لائق ہِن، اُنہاں اُتے غور کریندے راہو۔

1 تِیمُتھِیُس 3:12

اِنتظام کرݨ آلے ہِک ذال آلے ہووݨ تے آپنڑے بالاں تے گھراں کُوں چنگی طرحاں سنبھالنڑ آلے ہووݨ۔

طِطُس 1:6

بزُرگ بے اِلزام ہووے، ہِک ذال آلا ہووے، اُوندے بال اِیماندار ہووݨ تے عیاشی تے نافرمانی دے اِلزام کنُوں پاک ہووݨ۔

طِطُس 2:2

بزُرگ مرداں کُوں سِکھا جو او پرہیزگار، شریف تے مُتّقی ہووݨ تے اِیمان رکھنڑ ءچ تے محبت تے صبر کرݨ ءچ مضبوط ہووݨ۔

طِطُس 2:7

تُوں خود سارے گالھیں ءچ نیک کم کر تے اُنہاں کیتے نمونہ بنڑ۔ تیڈی تعلیم ءچ صاف دِلی تے شرافت نظر آوے،