1 تِیمُتھِیُس 3:2 - کِتاب مُقدّس سرائیکی ترجمہ

² اِیں واسطے نگہبان کُوں چاہیدے جو او بے اِلزام، ہِک ذال دا پایا، پرہیزگار، مُتّقی، شریف، مہمان نواز تے تعلیم ڈیوݨ دے قابل ہووے۔

1 تِیمُتھِیُس 3:2 Iomraidhean Croise

لُوقا 1:6

او ڈوہائیں خُدا دی نظر ءچ نیک ہَن تے خُداوند دے سارے حُکماں تے قانُوناں اُتے بے عیب عمل کریندے ہَن۔

لُوقا 2:36

اُتھاں ہِک نبِیّہ وی ہئی یعنی فنُوایل دی دِھی حنّاہ، جیہڑی آشر دے قبیلے ءچوں ہئی۔ او بہُوں بُڈھی ہئی، تے آپنڑی شادی دے بعد سَت سال تئیں آپنڑے پئے نال راہندی ریہی ہئی۔

رومیوں 12:13

مُقدّساں دیاں ضرورتاں پُوریاں کرو، مہمان نوازی کریندے راہو۔

فِلِپّیوں 2:15

تاں جو تُساں بے اِلزام تے پاک تھی تے ٹیڑھے تے گُمراہ لوکاں ءچ خُدا دے بے عیب فرزند بنڑے راہو، جِنہاں دے وچال تُساں اسمان دے تاریاں وانگُوں چمکدے ہیوے۔

1 تِیمُتھِیُس 3:12

اِنتظام کرݨ آلے ہِک ذال آلے ہووݨ تے آپنڑے بالاں تے گھراں کُوں چنگی طرحاں سنبھالنڑ آلے ہووݨ۔

1 تِیمُتھِیُس 3:8

اِینویں ای جماعت دا اِنتظام کرݨ آلیاں کُوں وی چاہیدے جو او سنجیدہ ہووݨ، ڈُو زباناں آلے، شرابی تے پیسے دے لالچی نہ ہووݨ۔

1 تِیمُتھِیُس 4:3

ایہ لوک شادی کرݨ تُوں منع کریندے ہِن تے اُنہاں کھانڑیاں کنُوں پرہیز کرݨ دا حُکم ڈیندے ہِن، جِنہاں کُوں خُدا اِیں واسطے پیدا کیتے جو اِیماندار جیہڑے سچائی کُوں جانڑدن، اُنہاں کُوں شُکرگزاری نال کھاوݨ۔

1 تِیمُتھِیُس 5:10

تے نیک کم کرݨ ءچ مشہور ہووے یعنی اُوں آپنڑے بالاں دی تربیت کیتی ہووے، مہمان نوازی کیتی ہووے، مُقدّساں دی خدمت ءچ اُنہاں دے پیر دھوتے ہووݨ، مُصیبت دے ماریاں دی مدد کیتی ہووے تے ہر نیک کم کرݨ ءچ مصروف ریہی ہووے۔

1 تِیمُتھِیُس 5:22

کہیں بندے اُتے ہتھ رکھ تے اُونکُوں خدمت کیتے مقرر کرݨ ءچ جلدی نہ کر، تے نہ ڈُوجھیاں دے گُناہاں ءچ شریک تھی۔ آپنڑے آپ کُوں پاک رکھ۔

1 تِیمُتھِیُس 5:9

بیوہ عورتاں دی فہرست ءچ صرف اُوں بیوہ دا ناں لِکھیا ونجے جیندی عُمر سَٹھ سال تُوں زیادہ ہووے تے ہِک پئے دی زال ریہی ہووے،

2 تِیمُتھِیُس 2:24

تے خُداوند دے خادم کُوں جھیڑا نئیں کرنڑا چاہیدا بلکہ او ساریاں نال نرمی نال پیش آوے، تعلیم ڈیوݨ دے لائق تے برداشت کرݨ آلا ہووے۔

طِطُس 2:2

بزُرگ مرداں کُوں سِکھا جو او پرہیزگار، شریف تے مُتّقی ہووݨ تے اِیمان رکھنڑ ءچ تے محبت تے صبر کرݨ ءچ مضبوط ہووݨ۔

عبرانیوں 13:2

مسافراں دی مہمان نوازی نہ بُھلو کیوں جو اِینویں کرݨ نال کُجھ لوکاں بے خبری ءچ فرشتیاں دی مہمان نوازی کیتی ہے۔

عبرانیوں 3:14

کیوں جو اساں مسیح ءچ شریک تھی گئے ہیں پر شرط ایہ ہے جو جیہڑا اعتماد اساں شروع ءچ کریندے ریہے ہیں اُوندے اُتے آخر تئیں مضبوطی نال قائم راہوں۔

1 پطرس 4:7

سبھ چیزاں دے خاتمے دا وقت نیڑے ہے۔ اِیں واسطے دُعا کرݨ کیتے سنجیدہ تے ہوشیار راہو۔

1 پطرس 4:9

بُڑبُڑ کیتے بغیر مہمان نوازی کرو۔

1 پطرس 5:8

ہوشیار تے خبردار راہو کیوں جو تُہاڈا دُشمنڑ ابلیس گجنڑ آلے ببرشیر وانگُوں گولھیندا ودے جو کہیں کُوں پھاڑ کھاوے۔