1 تِیمُتھِیُس 3:10 - کِتاب مُقدّس سرائیکی ترجمہ

¹⁰ پر ضروری ہے جو او پہلے چنگی طرحاں پرکھے ونجنڑ، وَل جے بے اِلزام نِکلنڑ تاں اُنہاں کُوں اِنتظام کرݨ دی خدمت ڈیؤ۔

1 تِیمُتھِیُس 3:10 Iomraidhean Croise

1کُرِنتھِیوں 1:8

اُوہو تُہاکُوں آخر تئیں قائم وی رکھیسی تاں جو تُساں ساڈے خُداوند یسُوع مسیح دے واپس آوݨ دے ڈینہہ بے اِلزام تھیؤ۔

کلُسِّیوں 1:22

پر ہُنڑ مسیح دی جِسمانی موت دے وسیلے نال اُوں تُہاڈے نال صُلح کر گِھدی ہے تاں جو تُہاکُوں پاک، بے عیب تے بے اِلزام بنڑا تے آپنڑے حضُور پیش کرے۔

1 تِیمُتھِیُس 3:13

کیوں جو جیہڑے اِنتظام کرݨ آلے چنگی خدمت کریندے ہِن اُنہاں کُوں چنگا مرتبہ مِلدے تے او مسیح یسُوع اُتے آپنڑے اِیمان ءچ دلیری وی حاصل کریندے ہِن۔

1 تِیمُتھِیُس 3:2

اِیں واسطے نگہبان کُوں چاہیدے جو او بے اِلزام، ہِک ذال دا پایا، پرہیزگار، مُتّقی، شریف، مہمان نواز تے تعلیم ڈیوݨ دے قابل ہووے۔

1 تِیمُتھِیُس 3:6

او نواں نواں ایماندار نہ ہووے، اِینویں نہ تھیوے جو او مغرُور تھی تے ابلیس وانگُوں سزا پاوے۔

1 تِیمُتھِیُس 5:22

کہیں بندے اُتے ہتھ رکھ تے اُونکُوں خدمت کیتے مقرر کرݨ ءچ جلدی نہ کر، تے نہ ڈُوجھیاں دے گُناہاں ءچ شریک تھی۔ آپنڑے آپ کُوں پاک رکھ۔

1 یُوحنّا 4:1

عزیزو! تُساں ہر ہِک رُوح دا یقین نہ کرو بلکہ رُوحاں کُوں پرکھو جو او خُدا دی طرفوں ہِن یا نئیں۔ کیوں جو بہُوں سارے کُوڑے نبی دُنیا ءچ نِکل آئے ہِن۔