1 تِیمُتھِیُس 3:1 - کِتاب مُقدّس سرائیکی ترجمہ

¹ ایہ گالھ سچ ہے جو ”جیہڑا بندہ کلیسیا ءچ نگہبان بنڑݨ چاہندے، او چنگے کم دی خواہش کریندے۔“

1 تِیمُتھِیُس 3:1 Iomraidhean Croise

لُوقا 15:10

مَیں تُہاکُوں آدھا ہاں جو اِینویں ای ہِک گُنہگار دے توبہ کرݨ نال خُدا دے فرشتیاں دے سامنڑے خوشی منائی ویندی ہے۔“

اعمال 1:20

پطرس وَل آکھیا، ”زبُور ءچ لِکھیا ہے جو ’اُوندا گھر برباد تھی ونجے تے اُوندے ءچ راہنڑ آلا کوئی نہ ہووے‘ تے ’اُوندی خدمت کوئی بِیا گِھن گِھنے۔‘

اعمال 20:28

بس آپنڑا تے آپنڑے سارے اِجڑ دا خیال رکھو جیندے تُساں رُوح القُدس دی طرفوں نگہبان مقرر کیتے گئے ہیوے تاں جو خُدا دی کلیسیا دی نگہبانی کرو، جِینکُوں اُوں آپنڑے پوتر دے خون نال مُل گِھدے۔

رومیوں 11:13

ہُنڑ مَیں تُساں غیریہُودیاں کُوں آدھا ہاں۔ مَیں غیریہُودیاں کیتے رسُول مقرر تھیّا ہاں اِیں واسطے آپنڑی خدمت دی تعریف کریندا ہاں،

اِفِسیوں 4:12

تاں جو مُقدّس لوک خدمت دے کم کرݨ دے قابل بنڑݨ تے اِینویں مسیح دے بدن دی ترقی تھیوے،

فِلِپّیوں 1:1

ایہ خط مسیح یسُوع دے خادماں پولُس تے تِیمُتِھیُس دی طرفوں، نگہباناں تے کلیسیا دے اِنتظام کرݨ آلیاں سمیت فِلپی دے سارے مُقدّساں دے ناں ہے جیہڑے یسُوع المسیح دے ہِن۔

1تھِسّلُنیکیوں 5:14

بِھراؤ! اساں تُہاڈی مِنت کریندے ہیں جو آلسیاں کُوں سمجھاؤ، بے دِلاں کُوں ہِمت ڈیواؤ، کمزوراں دی مدد کرو تے سارے لوکاں نال صبر نال پیش آؤ۔

1 تِیمُتھِیُس 1:15

ایہ گالھ سچ تے ہر لحاظ نال قبول کرݨ دے لائق ہے جو ”مسیح یسُوع گُنہگاراں کُوں نجات ڈیوݨ کیتے دُنیا ءچ آیا،“ جِنہاں ءچوں سبھ تُوں وڈا گُنہگار مَیں ہاں۔

1 تِیمُتھِیُس 4:9

ایہ گالھ سچ تے ہر لحاظ نال قبول کرݨ دے لائق ہے۔

2 تِیمُتھِیُس 2:11

ایہ گالھ سچ ہے جو جے اساں مسیح نال مر گئے تاں اُوندے نال زندہ وی راہسوں۔

طِطُس 1:7

نگہبان کُوں خُدا دے لوکاں دا مُختار ہووݨ دے سببّوں بے اِلزام ہوونڑا چاہیدے۔ او ضِدی تے کوڑیل نہ ہووے، شرابی تے مار کُٹ کرݨ آلا نہ ہووے تے نہ ای پیسے دا لالچی ہووے۔

طِطُس 3:8

ایہ گالھ سچ ہے تے مَیں چاہندا ہاں جو تُوں اِنہاں گالھیں اُتے خاص زور ڈے تاں جو خُدا اُتے اِیمان گِھن آوݨ آلے دھیان نال نیک کماں ءچ مصروف راہوݨ۔ ایہ گالھیں سبھ کیتے چنگیاں تے مفید ہِن۔

عبرانیوں 12:15

دھیان کرو جو کوئی بندہ خُدا دے فضل کنُوں محروم نہ رہ ونجے، اِینویں نہ تھیوے جو کوئی بندہ کڑوی جڑھ آلی کار پُھٹ تے تُہاکُوں تکلیف ڈیوے تے بہُوں سارے لوکاں کُوں وِگاڑ ڈیوے۔

1 پطرس 2:25

پہلے تُساں بھیڈاں وانگُوں آوارہ پِھردے ہَوے پر ہُنڑ آپنڑیاں جاناں دے آجڑی تے نگہبان دے کولھ واپس آ گئے ہیوے۔

1 پطرس 4:15

پر تُہاڈے ءچوں کوئی وی ایجھا نہ ہووے جیہڑا کہیں کُوں قتل کرݨ، چوری یا بدکاری کرݨ یا ڈُوجھیاں دے کم ءچ دَخل ڈیوݨ دی وجہ کنُوں ڈُکھ چاوے۔

1 پطرس 5:2

تُساں خُدا دے اِجڑ دی نگہبانی کرو، جیہڑا تُہاڈے سپُرد کیتا گئے۔ ایہ خدمت مجبوری نال نئیں بلکہ خُدا دی مرضی دے مطابق خوشی نال، مال دولت دے لالچ کیتے نئیں بلکہ دِلی شوق نال کرو۔