1 تِیمُتھِیُس 2:2 - کِتاب مُقدّس سرائیکی ترجمہ

² بادشاہاں تے وڈے اِختیار آلیاں کیتے وی تاں جو اساں خُدا ترسی تے عزت نال پُر امن تے پُر سکون زندگی گُزار سگوں۔

1 تِیمُتھِیُس 2:2 Iomraidhean Croise

لُوقا 1:6

او ڈوہائیں خُدا دی نظر ءچ نیک ہَن تے خُداوند دے سارے حُکماں تے قانُوناں اُتے بے عیب عمل کریندے ہَن۔

لُوقا 2:25

یروشلیم ءچ ہِک بندہ ہا جِیندا ناں شمعون ہا۔ او نیک تے خُدا ترس تے اِسرائیل دی نجات دا اِنتظار کریندا پِیا ہا تے رُوح القُدس اُوندے اُتے ہا۔

اعمال 10:22

اُنہاں آکھیا، ”کُرنیلیُس صوبیدار جیہڑا راستباز تے خُدا دا خوف مننڑ آلا بندہ ہے تے یہُودیاں دی ساری قوم ءچ نیک ناں ہے، اُوں خُدا دے پاک فرشتہ کنُوں ہدایت پاتی جو تیکُوں آپنڑے گھر سڈ تے تُہاڈے تُوں کلام سُنڑے۔“

اعمال 24:16

اِیں واسطے میڈی تاں اِیہو کوشش راہندی ہے جو خُدا تے اِنسان ڈوہائیں دے سامنڑے میڈی نیّت نیک راہوے۔

رومیوں 12:18

جئیں تئیں ممکن ہووے تُساں آپنڑی طرفوں ہر اِنسان نال صُلح رکھو۔

فِلِپّیوں 4:8

بِھراؤ، آخری گالھ ایہ ہے جو جِتّی گالھیں سچیاں ہِن، جِتّی گالھیں شرافت دیاں ہِن، جِتّی گالھیں اِنصاف دیاں ہِن، جِتّی گالھیں پاک ہِن تے جِتّی گالھیں سوہنڑیاں تے چنگیاں لگدیاں ہِن یعنی جِتّی گالھیں نیک تے تعریف دے لائق ہِن، اُنہاں اُتے غور کریندے راہو۔

1تھِسّلُنیکیوں 4:11

تے جِینویں اساں تُہاکُوں ہدایت کیتی ہے، ہر بندہ چُپ چاپ رہ تے آپنڑے کم ءچ لگا راہوے تے آپنڑے ہتھ نال محنت کر تے روٹی کماوݨ دی کوشش کرے۔

عبرانیوں 12:14

ہِک ڈُوجھے نال صُلح سلامتی نال راہو تے اُوں پاکیزگی دے طالب راہو، جیندے بغیر کوئی خُداوند کُوں نہ ڈیکھسی۔