1 تِیمُتھِیُس 1:2 - کِتاب مُقدّس سرائیکی ترجمہ

² تِیمُتِھیُس دے ناں جیہڑا اِیمان دے لحاظ نال میڈے حقیقی پوتر وانگُوں ہے۔ تیکُوں خُدا باپ تے ساڈے خُداوند یسُوع مسیح دی طرفوں فضل، رحم تے اِطمینان حاصل تھیندا راہوے۔

1 تِیمُتھِیُس 1:2 Iomraidhean Croise

رومیوں 1:7

ایہ خط اُنہاں سارے خُدا دے پیاریاں دے ناں ہے جیہڑے روم ءچ ہِن تے مُقدّس تھیوݨ کیتے سڈے گئے ہِن۔ ساڈے باپ خُدا تے خُداوند یسُوع المسیح دی طرفوں تُہاکُوں فضل تے اِطمینان حاصل تھیندا راہوے۔

گلتِیوں 1:3

خُدا باپ تے ساڈے خُداوند یسُوع مسیح دی طرفوں تُہاکُوں فضل تے اِطمینان حاصل تھیندا راہوے۔

1تھِسّلُنیکیوں 3:2

تے تِیمُتِھیُس کُوں، جیہڑا ساڈا بِھرا تے مسیح دی خوشخبری دی تبلیغ ءچ خُدا دا خادم ہے، تُہاڈے کولھ بھیجیا تاں جو تُہاکُوں مضبوط کرے تے اِیمان ءچ تُہاڈا حوصلہ ودھاوے،

1 تِیمُتھِیُس 1:12

مَیں آپنڑے خُداوند یسُوع مسیح دا شُکر کریندا ہاں جئیں میکُوں طاقت ڈِتی تے دیانتدار جاݨ تے آپنڑی خدمت کیتے مقرر کیتا۔

1 تِیمُتھِیُس 1:18

تِیمُتِھیُس میڈے پوتر، مَیں تیکُوں ایہ نصیحت اُنہاں پیشنگوئیاں دے مطابق کریندا ہاں جیہڑیاں تیڈے بارے ءچ کیتیاں گئیاں ہَن تاں جو تُوں اُنہاں دی مدد نال چنگی لڑائی لڑیں،

1 تِیمُتھِیُس 6:20

تِیمُتِھیُس! اِیں امانت دی جیہڑی تیڈے سپُرد کیتی گئی ہے، حفاظت کر، تے بے ہُودہ گالھیں تے فضول خیالاں کنُوں کنارہ کر، کیوں جو ایجھے علم کُوں علم آکھنڑ ای غلط ہے۔

2 تِیمُتھِیُس 1:2

ایہ خط پیارے پوتر تِیمُتِھیُس دے ناں ہے۔ ساڈے خُدا باپ تے خُداوند یسُوع مسیح دی طرفوں تیکُوں فضل، رحم تے اِطمینان حاصل تھیندا راہوے۔

2 تِیمُتھِیُس 2:1

بس میڈے فرزند، تُوں اُوں فضل دے ذریعے جیہڑا مسیح یسُوع ءچ تیڈے اُتے تھئے، مضبوط تھی۔

طِطُس 1:4

ایہ خط طِطُس دے ناں ہے جیہڑا اِیمان دی شراکت دے مطابق میڈا سچا فرزند ہے۔ تیکُوں خُدا باپ تے ساڈے نجات ڈیوݨ آلے مسیح یسُوع دی طرفوں فضل تے اِطمینان حاصل تھیندا راہوے۔

طِطُس 2:2

بزُرگ مرداں کُوں سِکھا جو او پرہیزگار، شریف تے مُتّقی ہووݨ تے اِیمان رکھنڑ ءچ تے محبت تے صبر کرݨ ءچ مضبوط ہووݨ۔

طِطُس 3:15

میڈے سبھ ساتھی تیکُوں سلام آدھے ہِن۔ جیہڑے اِیمان ءچ ساکُوں عزیز رکھیندے ہِن، اُنہاں کُوں ساڈا سلام آکھ۔ خُدا دا فضل تُساں ساریاں نال راہوے۔

1 پطرس 1:2

خُدا باپ تُہاکُوں ازلی علم دے مطابق چُنڑ گِھدا تے اُوندے رُوح تُہاکُوں مخصوص تے مُقدّس کیتا۔ نتیجے ءچ تُساں یسُوع مسیح دی فرمانبرداری کریندے ہیوے تے اُوندے چِھنڈکے گئے خون نال پاک صاف تھی گئے ہیوے۔ تُہاکُوں ڈھیر سارا فضل تے اِطمینان حاصل تھیندا راہوے۔

2 یُوحنّا 1:3

خُدا باپ تے باپ دے پوتر یسُوع مسیح دی طرفوں سچائی تے محبت سمیت فضل، رحم تے اِطمینان ساڈے نال راہسن۔

3 یُوحنّا 1:4

میڈے کیتے اِیں کنُوں ودھ بئی کوئی خوشی نئیں، جو مَیں آپنڑے بالاں کُوں سچائی دے مطابق زندگی گُزریندے ہوئے سُنڑاں۔

یہُوداہ 1:2

تُہاکُوں ڈھیر سارا رحم، اِطمینان تے محبت حاصل تھیندی راہوے۔