1 تِیمُتھِیُس 1:17 - کِتاب مُقدّس سرائیکی ترجمہ

¹⁷ ہُنڑ ازلی تے ابدی بادشاہ یعنی غیرفانی تے نظر نہ آوݨ آلے واحد خُدا دی عزت تے تعریف ہمیشاں تئیں تھیندی راہوے۔ آمین۔

1 تِیمُتھِیُس 1:17 Iomraidhean Croise

متّی 25:34

وَل بادشاہ آپنڑے سجے پاسے آلیاں کُوں اکھیسی، ’آؤ میڈے باپ دے مُبارک لوکو، اُوں بادشاہی کُوں جیہڑی دُنیا بنڑݨ تُوں پہلے تُہاڈے کیتے تیار کیتی گئی ہے، میراث ءچ گِھنو۔

متّی 28:20

تے اُنہاں کُوں ایہ تعلیم ڈیؤ جو اُنہاں سبھ گالھیں اُتے عمل کرݨ جِنہاں دا مَیں تُہاکُوں حُکم ڈِتے، تے ڈیکھو مَیں دُنیا دے آخر تئیں ہمیشاں تُہاڈے نال ہاں۔“

متّی 6:13

تے ساکُوں ازمائش ءچ نہ پا بلکہ بُرائی تُوں بچا۔ [کیوں جو بادشاہی، قُدرت تے جلال ہمیشاں تیڈے ای ہِن۔ آمین۔]

یُوحنّا 1:18

خُدا کُوں کڈھائیں کہیں نئیں ڈِٹھا پر اِکلوتا پوتر جیہڑا باپ دی گود ءچ ہے، اُوں ای اُونکُوں ظاہر کیتا۔

یُوحنّا 5:44

تُساں ہِک ڈُوجھے کنُوں عزت چاہندے ہیوے، تے جیہڑی عزت خُدائے واحد دی طرفوں مِلدی ہے اُونکُوں حاصل کرݨ نئیں چاہندے۔ تُساں کِینویں اِیمان گِھن آ سگدے ہیوے؟

رومیوں 1:20

کیوں جو دُنیا دی پیدائش کنُوں گِھن تے اَج تئیں خُدا دیاں اَن ڈِٹھیاں صفتاں یعنی اُوندی ابدی قُدرت تے الٰہی ذات، بنڑائیاں ہوئیاں چیزاں کنُوں صاف ڈِکھالی ڈیندیاں ہِن۔ اِیں واسطے اِنسان دے کولھ کوئی بہانہ نئیں۔

رومیوں 1:23

تے غیرفانی تے جلالی خُدا دی بجائے فانی اِنسان، پکھیاں، ڈھورڈنگراں تے کیڑے مکوڑیاں دی پُوجا کیتی۔

رومیوں 11:36

کیوں جو ساریاں چیزاں اُوندی طرفوں، اُوندے وسیلے نال تے اُوندے کیتے ہِن۔ اُوندی تمجید ہمیشاں تئیں تھیندی راہوے۔ آمین۔

رومیوں 16:27

تے ہُنڑ یسُوع مسیح دے وسیلے نال اُوں واحد تے حِکمت آلے خُدا دی ابد تئیں تمجید تھیندی راہوے۔ آمین۔

رومیوں 2:10

پر ہر اُوں بندے کُوں جیہڑا نیکی کریندے جلال، عزت تے سکون مِلسی، پہلے یہُودی کُوں ولا غیریہُودی کُوں۔

رومیوں 2:7

جیہڑے نیک کماں ءچ قائم رہ تے جلال، عزت تے ختم نہ ہووݨ آلی زندگی دے طالب ہِن اُنہاں کُوں ہمیشاں دی زندگی ڈیسی۔

کلُسِّیوں 1:15

مسیح اَن ڈِٹھے خُدا دی ظاہری صورت ہے تے ساری مخلوقات اُتے پلوٹھا ہے۔

عبرانیوں 11:27

اِیمان دی وجہ کنُوں ای اُوں بادشاہ دی کاوڑ کنُوں خوف نہ کھادا تے مِصر چھوڑ ڈِتا۔ او اِینویں ثابت قدم ریہا جِینویں اَن ڈِٹھے خُدا کُوں ڈِٹھا ہووے۔

عبرانیوں 2:7

تَیں اُونکُوں فرشتیاں کنُوں کُجھ ای گھٹ بنڑایا۔ تے جلال تے عزت دا تاج اُونکُوں پوایا۔ [تے آپنڑے ہتھاں دے کماں اُتے اُونکُوں مُختار بنڑایا۔]

1 پطرس 5:11

سلطنت ہمیشاں تئیں اُوندی ای راہوے۔ آمین۔

2 پطرس 3:18

بلکہ ساڈے خُداوند تے نجات ڈیوݨ آلے یسُوع مسیح دے فضل تے علم ءچ ودھدے ونجو۔ اُوندی تعریف ہُنڑ وی تھیوے تے ہمیشاں تئیں تھیندی راہوے۔ آمین۔

1 یُوحنّا 4:12

خُدا کُوں کہیں کڈھائیں نئیں ڈِٹھا پر جے اساں ہِک ڈُوجھے نال محبت رکھیندے ہیں تاں خُدا ساڈے ءچ راہندے تے اُوندی محبت ساڈے ءچ کامِل تھی گئی ہے۔

یہُوداہ 1:25

ساڈے نجات ڈیوݨ آلے واحد خُدا دا جلال، عظمت، قُدرت تے اِختیار ساڈے خُداوند یسُوع مسیح دے وسیلے نال جِینویں ازل تُوں ہے، ہُنڑ وی ہووے تے ہمیشاں تئیں تھیندا راہوے۔ آمین۔

مُکاشفہ 15:3

تے او خُدا دے بندہ مُوسیٰ دا گیت تے لیلے دا گیت گاندے پئے ہَن، ”اے خُداوند، قادر ِ مُطلق خُدا! تیڈے کم کتنے عظیم تے عجیب ہِن۔ اے قوماں دے ازلی بادشاہ! تیڈیاں راہاں راست تے سچیاں ہِن۔

مُکاشفہ 17:14

او لیلے نال جنگ کریسن پر لیلا اُنہاں اُتے غالب آسی کیوں جو او خُداونداں دا خُداوند تے بادشاہاں دا بادشاہ ہے۔ اُوندے نال اُوندے سڈے ہوئے، چُنڑے ہوئے تے وفادار لوک وی ہِن۔“

مُکاشفہ 19:1

اِیندے بعد مَیں اسمان اُتے لوکاں دی ہِک بہُوں وڈی جماعت کُوں ایہ آدھے ہوئے سُنڑیا جو ”ہلّلُویاہ! نجات تے جلال تے قُدرت ساڈے خُدا ای دی ہے،

مُکاشفہ 19:16

اُوندے کپڑیاں تے ستھل اُتے ایہ ناں لِکھیا ہویا ہے ”بادشاہاں دا بادشاہ، خُداونداں دا خُداوند۔“

مُکاشفہ 19:6

وَل مَیں ہِک وڈی جماعت جیہی اواز جیہڑی زور نال واہندے پانڑی جیہی تے بجلی دی گجکار وانگُوں ہئی، ایہ آدھے ہوئے سُنڑی، ”ہلّلُویاہ! کیوں جو ساڈا خُداوند قادر ِ مُطلق خُدا بادشاہی کریندے۔

مُکاشفہ 7:12

آکھنڑ لگے ”آمین! حمد تے جلال تے حِکمت تے شُکر تے عزت تے قُدرت تے طاقت ہمیشاں تئیں ساڈے خُدا دی ہووے۔ آمین۔“