1 تِیمُتھِیُس 1:13 - کِتاب مُقدّس سرائیکی ترجمہ

¹³ بھانویں مَیں پہلے کُفر بَکنڑ آلا، اِیمانداراں کُوں ستاوݨ تے بے عزت کرݨ آلا ہم، پر خُدا میڈے اُتے رحم کیتا کیوں جو مَیں اِیمان گِھن آوݨ کنُوں پہلے تے نادانی ءچ ایہ سبھ کُجھ کیتا ہا۔

1 تِیمُتھِیُس 1:13 Iomraidhean Croise

لُوقا 12:47

تے او نوکر جئیں آپنڑے مالک دی مرضی جاݨ گِھدی تے تیاری نہ کیتی تے نہ اُوندی منشا دے مطابق عمل کیتا، بہُوں مار کھاسی۔

لُوقا 23:34

یسُوع آکھیا، ”باپ! اِنہاں کُوں معاف کر کیوں جو ایہ نئیں جانڑدے جو کیا کریندے ہِن۔“ تے اُنہاں پرچی پا تے اُوندے کپڑے آپس ءچ وَنڈ گِھدے۔

اعمال 22:4

مَیں مسیح دی راہ اُتے چلنڑ آلیاں کُوں ستایا، ایہ تئیں جو قتل وی کیتا۔ مَیں مرداں تے عورتاں ڈوہائیں کُوں بَدھ بَدھ تے قید خانہ ءچ سٹوا ڈِتا۔

اعمال 3:17

تے ہُنڑ میڈے بِھراؤ! مَیں جانڑدا ہاں جو تُساں ایہ کم نادانی ءچ کیتا تے اِینویں ای تُہاڈے سرداراں وی۔

اعمال 8:3

پر ساؤل کلیسیا کُوں تباہ کریندا ریہا۔ او گھر گھر وَنج تے مرداں تے عورتاں کُوں گِھیل تے قید کرویندا ہا۔

اعمال 9:1

ساؤل جیہڑا ہُنڑ تئیں خُداوند دے شاگرداں کُوں دھمکاوݨ تے قتل کرݨ دی دُھن ءچ ہا، کاہِن ِ اعظم کولھ گِیا،

اعمال 9:13

حننیاہ جواب ڈِتا ”اے خُداوند! مَیں اِیں بندے دے بارے ءچ بہُوں لوکاں کنُوں سُنڑیا ہے جو یروشلیم ءچ اِیں تیڈے مُقدّساں نال کیجھیاں کیجھیاں بُرائیاں کیتیاں ہِن۔

اعمال 9:5

ساؤل پُچھیا ”اے خُداوند! تُساں کوݨ ہیوے؟“ اُوں آکھیا ”مَیں یسُوع ہاں جِینکُوں تُوں سَتیندیں؟

1کُرِنتھِیوں 15:9

کیوں جو مَیں رسُولاں ءچوں ساریاں کنُوں کمتر ہاں بلکہ رسُول اکھواوݨ دے لائق وی نئیں، اِیں واسطے جو مَیں خُدا دی کلیسیا کُوں سَتیندا ہم۔

1کُرِنتھِیوں 7:25

کُنواریاں دے بارے ءچ خُداوند دا ڈِتا ہویا کوئی حُکم میڈے کولھ نئیں، پر خُداوند دی رحمت نال ہِک دیانتدار بندے دی حیثیت نال مَیں آپنڑی شخصی رائے ڈیندا ہاں۔

گلتِیوں 1:13

تُساں تاں سُنڑیا ہے جو جِیں ویلے مَیں یہُودی طور طریقے دا پابند ہم تاں میڈا چال چلنڑ کیجھا ہا۔ مَیں خُدا دی کلیسیا کُوں کِینویں حد تُوں زیادہ ستیندا تے اُنہاں کُوں تباہ کرݨ دی کوشش کریندا ہم۔

فِلِپّیوں 3:6

تے میں اِتنا غیرت مند ہم جو کلیسیا کُوں ستیندا ہم تے شریعت دی راستبازی دے اعتبار نال بے اِلزام ہم۔

1 تِیمُتھِیُس 1:16

پر میڈے اُتے رحم اِیں واسطے تھیّا جو خُداوند یسُوع مسیح میڈے ذریعے جیہڑا سبھ تُوں وڈا گُنہگار ہاں، آپنڑا کمال صبر ظاہر کرے تاں جو مَیں اُنہاں ساریاں کیتے نمونہ بنڑ سگاں جیہڑے اُوندے اُتے اِیمان گِھن آ تے ہمیشاں دی زندگی پیسن۔

عبرانیوں 4:16

اِیں واسطے اساں خُدا دے فضل دے تخت دے کولھ دلیری نال جُلوں تاں جو او ساڈے اُتے رحم کرے تے اساں اُوں فضل کُوں حاصل کرُوں جیہڑا ضرورت ویلے ساڈی مدد کرے۔

1 پطرس 2:10

پہلے تُساں کوئی اُمت نہ ہَوے، پر ہُنڑ خُدا دی اُمت بنڑ گئے ہیوے۔ پہلے تُہاڈے اُتے رحمت نہ تھئی ہئی پر ہُنڑ تُہاڈے اُتے رحمت تھئی ہے۔