1تھِسّلُنیکیوں 5:9 - کِتاب مُقدّس سرائیکی ترجمہ

⁹ کیوں جو خُدا ساکُوں اِیں واسطے نئیں چُنڑیا جو ساڈے اُتے غضب نازل تھیوے بلکہ اِیں واسطے جو اساں آپنڑے خُداوند یسُوع مسیح دے وسیلے نال نجات حاصل کرُوں۔

1تھِسّلُنیکیوں 5:9 Iomraidhean Croise

متّی 26:24

اِبنِ آدم تاں جِینویں اُوندے حق ءچ لِکھیا ہے ویندا ای ہے، پر اُوں بندے اُتے افسوس جیندے ذریعے اِبنِ آدم پکڑوایا ویندے۔ اُوندے کیتے چنگا ہا جو او پیدا ای نہ تھیندا۔“

اعمال 1:20

پطرس وَل آکھیا، ”زبُور ءچ لِکھیا ہے جو ’اُوندا گھر برباد تھی ونجے تے اُوندے ءچ راہنڑ آلا کوئی نہ ہووے‘ تے ’اُوندی خدمت کوئی بِیا گِھن گِھنے۔‘

اعمال 1:25

جو او رسُول ہووݨ تے اِیں خدمت دی ذمہ داری چاوے جِینکُوں یہُوداہ چھوڑ تے اُوں جاہ چلیا گِیا جیندے او لائق ہا۔“

اعمال 13:48

جِیں ویلے غیر قوم آلیاں ایہ سُنڑیا تاں بہُوں خوش تھئے تے خُداوند دے کلام دی تعریف کرݨ لگے تے جِتّی ہمیشاں دی زندگی کیتے مقرر کیتے گئے ہَن، اِیمان گِھن آئے۔

رومیوں 11:30

جِینویں تُساں غیریہُودی پہلے نافرمان ہَوے پر ہُنڑ یہُودیاں دی نافرمانی دے سببّوں تُہاڈے اُتے خُدا دا رحم تھیّا ہے،

رومیوں 11:7

تاں نتیجہ کیا نِکلیا؟ بنی اِسرائیل کُوں او چیز نہ مِلی جِینکُوں او گولھیندا ریہا۔ پر او خُدا دے چُنڑے ہوئے لوکاں کُوں مِل گئی جڈاں جو باقی سارے سخت دل کر ڈِتے گئے۔

1تھِسّلُنیکیوں 1:10

تے ایہ وی جو تُساں اُوندے پوتر دے اسمان کنُوں آوݨ دا اِنتظار کریندے ہیوے، یعنی یسُوع جِینکُوں خُدا مُردیاں ءچوں زندہ کیتا تے جیہڑا ساکُوں آوݨ آلے غضب کنُوں بچیندے۔

1تھِسّلُنیکیوں 3:3

تاں جو اِنہاں مُصیبتاں دے سببّوں کوئی گھبرا نہ ونجے، کیوں جو تُساں خود جانڑدے ہیوے جو اساں اِنہاں کیتے مقرر کیتے گئے ہیں۔

1 تِیمُتھِیُس 1:13

بھانویں مَیں پہلے کُفر بَکنڑ آلا، اِیمانداراں کُوں ستاوݨ تے بے عزت کرݨ آلا ہم، پر خُدا میڈے اُتے رحم کیتا کیوں جو مَیں اِیمان گِھن آوݨ کنُوں پہلے تے نادانی ءچ ایہ سبھ کُجھ کیتا ہا۔

1 تِیمُتھِیُس 1:16

پر میڈے اُتے رحم اِیں واسطے تھیّا جو خُداوند یسُوع مسیح میڈے ذریعے جیہڑا سبھ تُوں وڈا گُنہگار ہاں، آپنڑا کمال صبر ظاہر کرے تاں جو مَیں اُنہاں ساریاں کیتے نمونہ بنڑ سگاں جیہڑے اُوندے اُتے اِیمان گِھن آ تے ہمیشاں دی زندگی پیسن۔

2 تِیمُتھِیُس 2:10

اِیں واسطے مَیں خُدا دے چُنڑے ہوئے لوکاں دی خاطر سبھ کُچھ سہندا ہاں تاں جو او وی اُوں نجات کُوں جیہڑی مسیح یسُوع دے ذریعے مِلدی ہے، ابدی جلال سمیت حاصل کرݨ۔

1 پطرس 2:10

پہلے تُساں کوئی اُمت نہ ہَوے، پر ہُنڑ خُدا دی اُمت بنڑ گئے ہیوے۔ پہلے تُہاڈے اُتے رحمت نہ تھئی ہئی پر ہُنڑ تُہاڈے اُتے رحمت تھئی ہے۔

1 پطرس 2:8

تے او ”تُھڈا لواوݨ دا ہِک پتھر تے ٹھوکر کھواوݨ دی ہِک چٹان بنڑ گِیا۔“ او کلام اُتے اِیمان نہ گِھن آوݨ دی وجہ کنُوں تُھڈا کھاندے ہِن۔ تے اِیہو کُجھ اُنہاں دا مُقدر وی ہا۔

2 پطرس 1:1

ایہ خط میں شمعون پطرس دی طرفوں جیہڑا یسُوع مسیح دا خادم تے رسُول ہاں، اُنہاں لوکاں دے ناں ہے جِنہاں ساڈے خُدا تے نجات ڈیوݨ آلے یسُوع مسیح دی راستبازی دے ذریعے ساڈے وانگُوں قیمتی اِیمان حاصل کیتے۔

2 پطرس 2:3

لالچ دے سببّوں ایہ اُستاد فرضی گالھیں سُنڑا تے تُہاڈے تُوں ناجائز فائدہ چیسن۔ پر اُنہاں دی سزا دا حُکم بہُوں پہلے کنُوں تھی گئے، تے او سزا تیار ہے تے اُنہاں دی ہلاکت ءچ دیر نہ تھیسی۔

یہُوداہ 1:4

کُجھ بدکار لوک لُک تے تُہاڈے وچال آ گئے ہِن جیہڑے ساڈے خُدا دے فضل کُوں آپنڑی شہوت پرستی دا بہانہ بنڑائی پئے ہِن، تے ساڈے واحد مالک تے خُداوند یسُوع مسیح دا اِنکار کریندے ہِن۔ ایجھے لوکاں دی سزا دا حُکم بہُوں پہلے کنُوں ای لِکھ ڈِتا گِیا ہا۔