1تھِسّلُنیکیوں 5:6 - کِتاب مُقدّس سرائیکی ترجمہ

⁶ اِیں واسطے اساں ڈُوجھیاں وانگُوں سُتے نہ راہوں بلکہ جاگدے تے ہوشیار راہوں۔

1تھِسّلُنیکیوں 5:6 Iomraidhean Croise

متّی 13:25

پر جِیں ویلے لوک سُتے پئے ہَن تاں اُوندا دُشمنڑ آیا تے کنڑک ءچ کڑوے دانڑے دا بیج رَہا گِیا۔

متّی 24:42

بس جاگدے راہو کیوں جو تُساں نئیں جانڑدے جو تُہاڈا مالک کیہڑے ڈینہہ آسی۔

متّی 25:13

اِیں واسطے جاگدے راہو کیوں جو تُساں نہ اُوں ڈینہہ کُوں جانڑدے ہیوے نہ اُوں ویلے کُوں۔

متّی 25:5

جِیں ویلے گھوٹ دے آوݨ ءچ دیر تھی گئی تاں سبھ ہنگلاوݨ لگیاں تے سَم گئیاں۔

متّی 26:38

اُوں ویلے اُوں اُنہاں کُوں آکھیا، ”غم دی شِدت کنُوں مَیں مرݨ آلا ہاں۔ تُساں اِتھائیں راہو تے میڈے نال جاگدے راہو۔“

مرقس 13:37

جیہڑا کُجھ مَیں تُہاکُوں آدھا ہاں، اُوہو سبھ کُوں آدھا ہاں جو جاگدے راہو۔“

لُوقا 12:37

او نوکر مُبارک ہِن، جِنہاں کُوں اُنہاں دا مالک آ تے جاگدا ڈیکھے۔ مَیں تُہاکُوں سچ آدھا ہاں جو او خود تیار تھی تے اُونکُوں دسترخوان اُتے بِلھیسی تے اُنہاں دی خدمت کرݨ لگ ویسی۔

لُوقا 12:39

پر یاد رکھائے جو جے گھر دے مالک کُوں چور دے آوݨ دا ویلا پتہ ہوندا تاں او جاگدا راہندا تے آپنڑے گھر ءچ سَندھ نہ مارݨ ڈیندا۔

لُوقا 21:36

بس ہر ویلے جاگدے تے دُعا کریندے راہو تاں جو تُہاکُوں اِنہاں سارے گالھیں کنُوں جیہڑیاں تھیوݨ آلیاں ہِن، بچنڑ تے اِبنِ آدم دے حضُور ءچ کھڑے تھیوݨ دی قُدرت ہووے۔“

لُوقا 22:46

تے اُنہاں کُوں آکھیا، ”تُساں کیوں سُتے پئے ہیوے؟ اُٹھی تے دُعا کرو تاں جو ازمائش ءچ نہ پوو۔“

اعمال 20:31

اِیں واسطے خبردار رہوائے تے یاد رکھائے جو مَیں ترے سال تئیں ڈینہہ رات ہنجُو وہا وہا تے ہر ہِک کُوں خطرے تُوں آگاہ کریندا ریہا۔

1کُرِنتھِیوں 15:34

چنگی طرحاں ہوش ءچ آؤ تے گُناہ نہ کرو۔ کیجھی شرم دی گالھ ہے جو ہُنڑ وی تُہاڈے ءچوں کُجھ خُدا کُوں نئیں جانڑدے۔ ایہ میں تُہاکُوں شرم ڈیواوݨ کیتے آدھا ہاں۔

1کُرِنتھِیوں 16:13

جاگدے راہو۔ اِیمان ءچ قائم راہو۔ دلیر تھیؤ تے مضبوط تھیندے ونجو۔

اِفِسیوں 2:3

ہِک وقت ہا جِیں ویلے اساں وی اُنہاں ءچ شامل ہسے تے نفسانی خواہشاں ءچ زندگی گُزریندے تے دل تے دماغ دی ہر ہَوس کُوں پُورا کرݨ ءچ لگے راہندے ہسے۔ اساں ڈُوجھیاں وانگُوں فطرتی طور تے غضب دے حقدار ہسے۔

اِفِسیوں 5:14

کیوں جو جیہڑا کُجھ روشنی ءچ گِھن آیا ویندے، او روشن تھی ویندے۔ اِیں واسطے فرمایا گئے جو ”اے سمنڑ آلے، جاگ مُردیاں ءچوں زندہ تھی وَنج تاں مسیح دا نُور تیڈے اُتے چمکسی۔“

اِفِسیوں 6:18

ہر ویلے رُوح القُدس ءچ ہر طرحاں نال دُعا تے مِنت کریندے راہو۔ تے اِیں مقصد کیتے جاگدے راہو تے سارے مُقدّساں کیتے ہر ویلے دُعا کریندے راہو۔

فِلِپّیوں 4:5

تُہاڈی نرم دِلی سارے لوکاں اُتے ظاہر تھیوے۔ یاد رکھو جو خُداوند آوݨ آلا ہے۔

کلُسِّیوں 4:2

شُکرگزاری تے بیداری نال دُعا کرݨ ءچ مصروف راہو۔

1تھِسّلُنیکیوں 4:13

بِھراؤ! اساں نئیں چاہندے جو تُساں اُنہاں اِیمانداراں دے حال دے بارے ءچ ناواقف راہو جیہڑے سَم گئے ہِن، تاں جو تُساں اُنہاں وانگُوں غم نہ کرو جِنہاں کُوں کوئی اُمید نئیں۔

1تھِسّلُنیکیوں 5:10

مسیح ساڈی خاطر اِیں واسطے جان ڈِتی جو اساں اُوندے نال زندہ راہوں، بھانویں اُوندی آمد دے ڈینہہ موئے ہوؤں یا زندہ،

1تھِسّلُنیکیوں 5:8

پر اساں ڈینہہ دے فرزند ہیں، اِیں واسطے ساکُوں چاہیدے جو اِیمان تے محبت دا سینہ بند لا تے، تے نجات دی اُمید دا جنگی ٹوپ پا تے ہوشیار راہوں۔

1 تِیمُتھِیُس 2:15

پر اُونکُوں بال جمنڑ نال نجات مِلسی، پر شرط ایہ ہے جو او اِیمان، محبت، پاکیزگی تے پرہیزگاری نال زندگی گُزریندی راہوے۔

1 تِیمُتھِیُس 2:9

اِینویں ای عورتاں مناسب کپڑے پا تے آپنڑے آپ کُوں حیاداری تے پرہیزگاری نال سنوارݨ، نہ جو فیشن کر تے وال بنڑاوݨ نال تے نہ ای سونے دے زیور یا موتیاں یا قیمتی پُشاک نال۔

1 تِیمُتھِیُس 3:11

اُنہاں دی ذالاں کُوں وی چاہیدے جو او سنجیدہ ہووݨ، ڈُوجھیاں کُوں بدنام کرݨ آلیاں نہ ہووݨ بلکہ پرہیز گار تے ہر گالھ ءچ اِیماندار ہووݨ۔

1 تِیمُتھِیُس 3:2

اِیں واسطے نگہبان کُوں چاہیدے جو او بے اِلزام، ہِک ذال دا پایا، پرہیزگار، مُتّقی، شریف، مہمان نواز تے تعلیم ڈیوݨ دے قابل ہووے۔

2 تِیمُتھِیُس 4:5

پر تُوں ہر حال ءچ ہوشیار رہ، ڈُکھ برداشت کر، خوشخبری دی تبلیغ کر، تے آپنڑی خدمت کُوں پُورا کر۔

طِطُس 2:12

او فضل ساکُوں تربیت ڈیندے جو اساں بے دینی تے دُنیاوی خواہشاں کُوں چھوڑ تے اِیں موجودہ جہان ءچ پرہیزگاری، راستبازی، تے دینداری نال زندگی گُزاروں،

طِطُس 2:6

اِینویں ای جوان مرداں کُوں وی نصیحت کر جو او مُتّقی بنڑݨ۔

1 پطرس 1:13

اِیں واسطے ذہنی طور تے تیار تے ہوشیار تھی ونجو تے اُوں فضل اُتے پُوری اُمید رکھو جیہڑا یسُوع مسیح دے ظہور ویلے تُہاڈے اُتے تھیسی۔

1 پطرس 4:7

سبھ چیزاں دے خاتمے دا وقت نیڑے ہے۔ اِیں واسطے دُعا کرݨ کیتے سنجیدہ تے ہوشیار راہو۔

1 پطرس 5:8

ہوشیار تے خبردار راہو کیوں جو تُہاڈا دُشمنڑ ابلیس گجنڑ آلے ببرشیر وانگُوں گولھیندا ودے جو کہیں کُوں پھاڑ کھاوے۔

مُکاشفہ 16:15

”ڈیکھو! مَیں چور وانگُوں آندا پِیا ہاں مُبارک ہے او جیہڑا جاگدا راہندے تے آپنڑی پُشاک کُوں حفاظت نال رکھیندے۔ اِینویں نہ تھیوے جو او ننگا پِھرے تے لوک اُوندا ننگا پن ڈیکھنڑ۔“

مُکاشفہ 3:2

نیندر کنُوں جاگ تے جیہڑا باقی ہے تے مرݨ آلا ہے، اُونکُوں مضبوط کر گِھن، کیوں جو مَیں تیڈے کم خُدا دی نِگاہ ءچ مکمل نئیں ڈِٹھے۔