1تھِسّلُنیکیوں 5:21 - کِتاب مُقدّس سرائیکی ترجمہ

²¹ بلکہ ہر گالھ کُوں ازماؤ۔ جیہڑی چنگی ہووے اُونکُوں پکڑی راہو۔

1تھِسّلُنیکیوں 5:21 Iomraidhean Croise

لُوقا 12:57

تُساں خود ای فیصلہ کیوں نئیں کر گِھندے جو ٹھیک کیا ہے؟

یُوحنّا 15:4

تُساں میڈے ءچ قائم راہو تے مَیں تُہاڈے ءچ قائم راہساں۔ جِینویں ٹاہنڑی جے انگُور دی ویل ءچ قائم نہ راہوے تاں آپنڑے آپ تُوں پھل نئیں ڈے سگدی، اُونویں ای تُساں وی جے میڈے ءچ قائم نہ راہو تاں پھل نئیں ڈے سگدے۔

یُوحنّا 8:31

بس یسُوع اُنہاں یہُودیاں کُوں جیہڑے اُوندے اُتے اِیمان گِھن آئے ہَن آکھیا جو ”جے تُساں میڈے کلام اُتے قائم راہسو تاں حقیقت ءچ میڈے شاگرد ہوسو،

اعمال 11:23

جِیں ویلے او اُتھاں پُجیا تاں لوکاں اُتے خُدا دا فضل ڈیکھ تے بہُوں خوش تھیّا تے اُنہاں سبھ کُوں نصیحت کیتی جو پُورے دل نال خُداوند دے وفادار بنڑے راہو۔

اعمال 14:22

تے شاگرداں دے دِلاں کُوں مضبوط کریندے تے ایہ نصیحت کریندے ہَن جو ”آپنڑے اِیمان اُتے قائم راہو“ تے آدھے ہَن ”ضرور ہے جو اساں بہُوں ساریاں مُصیبتاں سہہ تے خُدا دی بادشاہی ءچ داخل تھیؤں۔“

اعمال 17:11

ایہ لوک تھِسّلُنِیکے دے لوکاں کنُوں زیادہ چنگے ہَن کیوں جو اُنہاں پیغام کُوں بہُوں شوق نال قبول کیتا تے او ہر روز خُدا دے کلام دا مطالعہ کریندے ہَن جو واقعی ایہ گالھیں اِینویں ای ہِن یا نئیں۔

رومیوں 12:2

اِیں دُنیا دے طور طریقے اِختیار نہ کرو بلکہ سوچ نوِیں تھی ونجنڑ دے سببّوں تُساں وی بدل ونجو، تاں جو تُساں خُدا دی نیک، پسندیدہ تے کامِل مرضی کُوں تجربے نال جاݨ سگو۔

رومیوں 12:9

محبت ڈِکھاوے دی نہ ہووے۔ بُرائی کنُوں نفرت رکھو۔ نیکی کُوں پکڑی رکھو۔

1کُرِنتھِیوں 15:58

اِیں کیتے میڈے عزیز بِھراؤ! مضبوط تے قائم راہو تے خُدا دی خدمت ءچ ہمیشاں جوش نال بھرے راہو کیوں جو تُساں جانڑدے ہیوے جو خُداوند کیتے تُہاڈی محنت بے فائدہ نئیں۔

1کُرِنتھِیوں 2:11

اِنسان دے دل دے گالھیں کُوں کوݨ جاݨ سگدے، سوائے اُوندی آپنڑی رُوح دے جیہڑی اُوندے ءچ ہے۔ اِینویں ای خُدا دے رُوح القُدس دے سِوا کوئی خُدا دے دل دے گالھیں نئیں جاݨ سگدا۔

گلتِیوں 6:10

اِیں واسطے جئیں تئیں موقع مِلے اساں ساریاں نال نیکی کرُوں، خاص کر اہل ِ اِیمان نال۔

اِفِسیوں 5:10

تے تجربے نال معلوم کریندے راہو جو خُداوند کُوں کیا پسند ہے۔

فِلِپّیوں 1:10

تاں جو تُساں پچھاݨ سگو جو کیہڑے گالھیں چنگیاں ہِن تے تُساں مسیح دے واپس آوݨ دے ڈینہہ تئیں صاف دل تے بے عیب راہو،

فِلِپّیوں 3:16

بہرحال جِتھاں تئیں اساں پُج گئے ہیں، اُوندے مطابق زندگی گُزاروں۔

فِلِپّیوں 4:8

بِھراؤ، آخری گالھ ایہ ہے جو جِتّی گالھیں سچیاں ہِن، جِتّی گالھیں شرافت دیاں ہِن، جِتّی گالھیں اِنصاف دیاں ہِن، جِتّی گالھیں پاک ہِن تے جِتّی گالھیں سوہنڑیاں تے چنگیاں لگدیاں ہِن یعنی جِتّی گالھیں نیک تے تعریف دے لائق ہِن، اُنہاں اُتے غور کریندے راہو۔

1تھِسّلُنیکیوں 5:15

خبردار! کوئی بندہ کہیں نال بدی دے بدلے بدی نہ کرے بلکہ ہر حال ءچ آپس ءچ تے سبھ لوکاں نال نیکی کرݨ دی کوشش ءچ راہو۔

1تھِسّلُنیکیوں 5:22

ہر طرحاں دی بدی کنُوں دُور راہو۔

2تھِسّلُنیکیوں 2:15

اِیں واسطے بِھراؤ! ثابت قدم راہو تے اُنہاں تعلیمات اُتے قائم راہو جیہڑیاں تُساں ساڈی زبانی سُنڑیاں یا ساڈے خط دے ذریعے سِکھیاں۔

2 تِیمُتھِیُس 1:15

تُوں جانڑدا ہیں جو آسِیہ صوبے ءچ سارے لوکاں میکُوں چھوڑ ڈِتے۔ اُنہاں ءچ فُوگلُس تے ہرمُگِنیُس وی شامل ہِن۔

2 تِیمُتھِیُس 3:6

اِنہاں ءچ کُجھ ایجھے وی ہِن جیہڑے چُپ چپیتے گھراں ءچ وڑ آندے ہِن تے چھچھوری عورتاں کُوں آپنڑے قابو ءچ کر گِھندے ہِن جیہڑیاں گُناہاں ءچ دبیاں ہوندیاں ہِن تے طرحاں طرحاں دیاں بُریاں خواہشاں دے تابع راہندیاں ہِن۔

2 تِیمُتھِیُس 4:14

پِتّل دے برتن بنڑاوݨ آلے سکندر میکُوں بہُوں نُقصان پُچائے۔ خُداوند اُونکُوں اُوندے کماں دا بدلہ ڈیسی۔

عبرانیوں 10:23

اساں آپنڑی اُوں اُمید کُوں مضبوطی نال پکڑی رکھوں جِیندا اساں اِقرار کریندے ہیں کیوں جو جئیں وعدہ کیتے او وفادار ہے۔

1 یُوحنّا 4:1

عزیزو! تُساں ہر ہِک رُوح دا یقین نہ کرو بلکہ رُوحاں کُوں پرکھو جو او خُدا دی طرفوں ہِن یا نئیں۔ کیوں جو بہُوں سارے کُوڑے نبی دُنیا ءچ نِکل آئے ہِن۔

مُکاشفہ 2:2

”مَیں تیڈے کم، تیڈی محنت تے تیڈی ثابت قدمی کُوں جانڑدا ہاں۔ تے ایہ وی جانڑدا ہاں جو تُوں بدکاراں کُوں برداشت نئیں کر سگدا تے جیہڑے آپنڑے آپ کُوں رسُول آدھے ہِن پر ہِن نئیں، تَیں اُنہاں کُوں ازمائے تے کُوڑا ثابت کیتے۔

مُکاشفہ 2:25

سوائے اِیندے جو جیہڑا کُجھ تُہاڈے کولھ ہے، اُونکُوں میڈے آوݨ تئیں مضبوطی نال پکڑی رکھو۔

مُکاشفہ 3:11

ڈیکھ! مَیں جلدی آندا پِیا ہاں۔ جیہڑا کُجھ تیڈے کولھ ہے، اُونکُوں مضبوطی نال پکڑی رکھ تاں جو تیڈا تاج کوئی کَھس نہ گِھنے۔

مُکاشفہ 3:3

اِیں واسطے یاد کر جو جیہڑی تعلیم تَیں گِھدی تے سُنڑی ہئی، اُوندے اُتے قائم رہ تے توبہ کر گِھن۔ پر جے تُوں نیندر کنُوں نہ جاگسیں تاں مَیں چور وانگُوں آساں تے تیکُوں پتہ وی نہ ہوسی جو مَیں کیہڑے ویلے تَیں اُتے آ پوساں۔