1تھِسّلُنیکیوں 5:12 - کِتاب مُقدّس سرائیکی ترجمہ

¹² پیارے بِھراؤ! اساں تُہاکُوں درخاست کریندے ہیں جو جیہڑے تُہاڈے ءچ محنت کریندے ہِن تے خُداوند ءچ تُہاڈے راہنما ہِن تے تُہاکُوں نصیحت کریندے ہِن، اُنہاں دی قدر کرو۔

1تھِسّلُنیکیوں 5:12 Iomraidhean Croise

لُوقا 10:7

اُونہی گھر ءچ رہوائے تے جیہڑا کُجھ اُنہاں کنُوں مِلے کھاؤ پِیو کیوں جو مزدُور آپنڑی مزدُوری دا حقدار ہے، گھر گھر نہ پِھرائے۔

یُوحنّا 4:38

مَیں تُہاکُوں اُوں فصل کُوں کپنڑ کیتے بھیجیا جیندے اُتے تُساں محنت نئیں کیتی۔ بئیاں محنت کیتی تے تُساں اُنہاں دی محنت دے پھل ءچ شریک تھئے۔“

اعمال 20:28

بس آپنڑا تے آپنڑے سارے اِجڑ دا خیال رکھو جیندے تُساں رُوح القُدس دی طرفوں نگہبان مقرر کیتے گئے ہیوے تاں جو خُدا دی کلیسیا دی نگہبانی کرو، جِینکُوں اُوں آپنڑے پوتر دے خون نال مُل گِھدے۔

اعمال 20:35

مَیں تُہاکُوں ایہ سبھ کر تے ڈِکھایا جو اساں کِینویں محنت کر تے کمزوراں کُوں سنبھال سگدے ہیں۔ خُداوند یسُوع دے لفظاں کُوں یاد رکھو جو اُوں آکھیا، ’ڈیونڑا گِھننڑ کنُوں زیادہ مُبارک ہے‘۔“

رومیوں 16:12

ترُوفَینہ تے ترُوفوسہ کُوں سلام آکھو جیہڑیاں خُداوند کیتے محنت کریندیاں ہِن۔ میڈی عزیز پرسِس کُوں سلام آکھو جئیں خُداوند کیتے بہُوں محنت کیتی ہے۔

رومیوں 16:6

مریم کُوں سلام آکھو، جئیں تُہاڈے واسطے بہُوں محنت کیتی۔

1کُرِنتھِیوں 12:28

تے خُدا کلیسیا ءچ پہلے رسُول، ڈُوجھے نبی، تریجھے اُستاد، وَل معجزے ڈِکھاوݨ آلے، وَل شِفا ڈیوݨ دی نعمت آلے، مددگار، اِنتظام چلاوݨ آلے، تے طرحاں طرحاں دیاں زباناں بولنڑ آلے مقرر کیتے۔

1کُرِنتھِیوں 15:10

پر ہُنڑ مَیں جیہڑا کُجھ ہاں، خُدا دے فضل نال ہاں، تے او فضل جیہڑا اُوں میڈے اُتے کیتا او ضائع نئیں تھیّا کیوں جو مَیں ساریاں تُوں زیادہ محنت کیتی، بےشک ایہ محنت مَیں آپنڑی کوشش نال نئیں بلکہ خُدا دے فضل نال کیتی، جیہڑا میڈے اُتے ہا۔

1کُرِنتھِیوں 16:16

جو ایجھے لوکاں دے تابع راہو بلکہ ہر ہِک دے، جیہڑا اِیں کم تے محنت ءچ شریک ہے۔

1کُرِنتھِیوں 16:18

اُنہاں میڈی تے تُہاڈی رُوح کُوں تازہ کیتے۔ بس ایجھیاں دی قدر کیتا کرو۔

1کُرِنتھِیوں 3:9

کیوں جو اساں رَل تے خُدا دے کم کرݨ آلے ہیں تے تُساں خُدا دی کھیتی ہیوے۔ تے تُساں خُدا دا گھر وی ہیوے۔

2کُرِنتھِیوں 11:23

کیا او مسیح دے خادم ہِن؟ میں ایہ گالھ پاگل آلی کار کریندا پِیا ہاں۔ مَیں اُنہاں کنُوں زیادہ اُوندا خادم ہاں۔ مَیں اُنہاں کنُوں زیادہ محنت کیتی، زیادہ دفعہ قید تھیّا، زیادہ کوڑے کھادے، کئی پھیری موت دا سامنڑا کیتا۔

2کُرِنتھِیوں 5:9

بس بھانویں اساں اِیں بدن ءچ راہندے ہوؤں یا نئیں، ساڈا مقصد تاں اُونکُوں خوش کرݨ ہے۔

2کُرِنتھِیوں 6:1

اساں جیہڑے خُدا دے کم ءچ شریک ہیں تُہاڈی مِنت کریندے ہیں جو خُدا دے اُوں فضل کُوں جیہڑا تُہاڈے اُتے تھئے بے فائدہ نہ تھیوݨ ڈیؤں۔

گلتِیوں 4:11

میکُوں ڈر ہے جو جیہڑی محنت مَیں تُہاڈے اُتے کیتی ہے، کِتھائیں بے فائدہ نہ تھی ونجے۔

فِلِپّیوں 2:16

تے زندگی دا کلام پیش کریندے ہیوے تاں جو مسیح دے واپس آوݨ دے ڈینہہ میکُوں فخر ہووے جو نہ تاں میڈی بھج دھروک بیکار گئی تے نہ محنت بے فائدہ تھئی۔

فِلِپّیوں 2:19

میکُوں خُداوند یسُوع ءچ ایہ اُمید ہے جو تِیمُتِھیُس کُوں جلدی تُہاڈے کولھ بھیج ڈیساں تاں جو تُہاڈے بارے ءچ خبر سُنڑ تے میکُوں وی تسلی تھیوے۔

کلُسِّیوں 1:29

اِیں مقصد کیتے مَیں مسیح دی اُوں وڈی قُدرت نال سخت محنت کریندا ہاں، جیہڑی میڈے اُتے زور نال اثر کریندی ہے۔

1تھِسّلُنیکیوں 2:9

بِھراؤ! ساڈی او سخت محنت تُہاکُوں ضرور یاد آندی ہوسی۔ اساں خُدا دی خوشخبری سُنڑیندے ہوئے ڈینہہ رات آپنڑے ہتھاں نال کم کریندے ہسے تاں جو کہیں اُتے بھار نہ بنڑوں۔

1تھِسّلُنیکیوں 4:1

ہِک آخری گالھ ایہ ہے بِھراؤ، اساں تُہاکُوں سِکھایا ہے جو خُدا کُوں راضی کرݨ کیتے کِینویں زندگی گُزارنڑی چاہیدی ہے تے تُساں اِینویں کریندے وی ہیوے۔ ہُنڑ اساں خُداوند یسُوع ءچ تُہاڈی مِنت کریندے تے نصیحت کریندے ہیں جو اِینویں کرݨ ءچ مزید ترقی کرو۔

1تھِسّلُنیکیوں 5:14

بِھراؤ! اساں تُہاڈی مِنت کریندے ہیں جو آلسیاں کُوں سمجھاؤ، بے دِلاں کُوں ہِمت ڈیواؤ، کمزوراں دی مدد کرو تے سارے لوکاں نال صبر نال پیش آؤ۔

1 تِیمُتھِیُس 5:1

کہیں وڈی عُمر آلے کُوں نہ جِھڑک بلکہ اُونکُوں آپنڑا پِیُو سمجھ تے نصیحت کر، تے نینگراں کُوں بِھرا سمجھ تے،

1 تِیمُتھِیُس 5:20

پر گُناہ کرݨ آلیاں کُوں ساریاں دے سامنڑے ملامت کر تاں جو ڈُوجھیاں کیتے وی عِبرت ہووے۔

2 تِیمُتھِیُس 2:6

جیہڑا کِسان سخت محنت کریندے، سبھ توں پہلے اُونکُوں پیداوار دا حصہ مِلنڑا چاہیدے۔

طِطُس 1:3

پر ہُنڑ اُوں آپنڑے مقرر کیتے وقت اُتے آپنڑے کلام دی تبلیغ دے ذریعے اُونکُوں ظاہر کیتا۔ اِیں تبلیغ دا کم ساڈے نجات ڈیوݨ آلے خُدا دے حُکم نال میڈے سپُرد کیتا گئے۔

طِطُس 1:5

مَیں تیکُوں کریتے ءچ اِیں واسطے چھوڑ ڈِتا ہا تاں جو جیہڑا کم اُتھاں ادُھورا رہ گِیا ہا، تُوں اُونکُوں پُورا کر سگیں، تے ہر شہر ءچ بزُرگاں کُوں مقرر کریں جِینویں مَیں تیکُوں ہدایت ڈِتی ہئی۔

طِطُس 2:15

تُوں ایہ گالھیں سِکھا، تے پُورے اِختیار نال نصیحت تے تنبیہ کریندا رہ۔ کوئی وی تیکُوں حقیر نہ سمجھے۔

عبرانیوں 13:17

آپنڑے راہنماواں دے تابع دار تے فرمانبردار راہو کیوں جو او تُہاڈی رُوحانی نِگرانی کریندے ہِن، ایہ جانڑدے ہوئے جو اِیں خدمت دا حساب ڈیونڑا پوسی۔ اُنہاں دے فرمانبردار راہو تاں جو آپنڑا کم خوشی نال کرݨ نہ جو شکایت نال، کیوں جو اِیں صورت ءچ تُہاکُوں کوئی فائدہ نہ تھیسی۔

عبرانیوں 13:7

آپنڑے راہنماواں کُوں یاد رکھو جِنہاں تُہاکُوں خُدا دا کلام سُنڑایا۔ اُنہاں دی زندگی دے انجام اُتے غور کرو تے اُنہاں دے اِیمان دے نمونے اُتے ٹُرو۔

مُکاشفہ 1:20

او سَت تارے جیہڑے تَیں میڈے سجے ہتھ ءچ ڈِٹھے ہِن تے سونے دے سَت چراغ داناں دا راز ایہ ہے : او سَت تارے تاں سَت کلیسیاواں دے فرشتے ہِن تے سَت چراغ دان سَت کلیسیاواں ہِن۔“

مُکاشفہ 2:12

پِرگمُن دی کلیسیا دے فرشتہ کُوں لِکھ جو جیندے کولھ ڈُو دھاری تلوار ہے، او فرمیندے جو

مُکاشفہ 2:18

تھواتِیرہ دی کلیسیا دے فرشتہ کُوں لِکھ جو خُدا دا پوتر جیندے اکھیں بھاہ دے شعلہ وانگُوں تے جیندے پیر خالص پِتّل وانگُوں ہِن، ایہ فرمیندے جو

مُکاشفہ 2:3

تے تُوں صبر کریندا ہیں تے میڈے ناں دی خاطر مُصیبت برداشت کریندے کریندے نئیں تھکدا۔

مُکاشفہ 2:8

سمُرنہ دی کلیسیا دے فرشتہ کُوں ایہ لِکھ جو جیہڑا اوّل تے آخر ہے تے جیہڑا مر گِیا ہا تے ولا زندہ تھی گئے، او فرمیندے جو

مُکاشفہ 3:1

سردِیس دی کلیسیا دے فرشتہ کُوں لِکھ جو جیندے کولھ خُدا دیاں سَت رُوحاں تے سَت تارے ہِن، او ایہ فرمیندے جو ”مَیں تیڈے کماں کُوں جانڑدا ہاں۔ تُوں زندہ اکھویندا ہیں، پر ہیں مُردہ۔

مُکاشفہ 3:14

لَودِیکیہ دی کلیسیا دے فرشتہ کُوں لِکھ جو جیہڑا آمین ہے تے وفادار تے سچا گواہ تے جیندے وسیلے خُدا سبھ کُجھ بنڑائے، اُوہو ایہ فرمیندے جو

مُکاشفہ 3:7

فِلدِلفیہ دی کلیسیا دے فرشتہ کُوں لِکھ جو جیہڑا قدُّوس تے سچا ہے تے داؤد دی کُنجی رکھیندے، جیندے کھولے ہوئے کُوں کوئی بند نئیں کر سگدا تے جیندے بند کیتے ہوئے کُوں کوئی کھول نئیں سگدا، اُوہو ایہ فرمیندے جو