1تھِسّلُنیکیوں 4:6 - کِتاب مُقدّس سرائیکی ترجمہ

⁶ تے اِیں معاملے ءچ کوئی وی آپنڑے بِھرا کُوں دوکھا نہ ڈیوے یا اُوندے نال زیادتی نہ کرے۔ خُداوند ایجھے کم کرݨ آلیاں کُوں سزا ڈیسی جِینویں جو اساں تُہاکُوں پہلے ای ڈسا تے خبردار کر ڈِتے۔

1تھِسّلُنیکیوں 4:6 Iomraidhean Croise

مرقس 10:19

تُوں حُکماں کُوں تاں جانڑدا ہیں جو ’خون نہ کر، زِنا نہ کر، چوری نہ کر، کُوڑی گواہی نہ ڈے، فریب نہ کر، آپنڑے ماء پِیُو دی عزت کر‘۔“

لُوقا 12:5

پر مَیں تُہاکُوں چِتا ڈیندا ہاں جو کئیں کنُوں ڈرنڑا چاہیدے۔ اُوں کنُوں ڈرو جِینکُوں جان کنُوں مارݨ دے بعد دوزخ ءچ سَٹ ڈیوݨ دا اِختیار ہے۔ ہاں! مَیں تُہاکُوں آدھا ہاں جو اُونہی کنُوں ڈرو۔

لُوقا 16:28

کیوں جو میڈے پنج بِھرا ہِن تاں جو او اُنہاں دے سامنڑے اِنہاں گالھیں دی گواہی ڈیوے، اِینویں نہ تھیوے جو او وی اِیں عذاب آلی جاہ ءچ آ ونجنڑ۔‘

رومیوں 1:18

پر خُدا دا قہر اُنہاں لوکاں دی ساری بے دینی تے بدکاری اُتے اسمان کنُوں ظاہر تھیندے جیہڑے سچائی کُوں آپنڑی بدکاری نال دبا ڈیندے ہِن۔

رومیوں 12:19

عزیزو! بدلہ نہ گِھنو بلکہ خُدا دے غضب کُوں موقع ڈیؤ کیوں جو لِکھیا ہے جو ”رب فرمیندے، اِنتقام گِھننڑ میڈا کم ہے، بدلہ مَیں ای گِھنساں۔“

رومیوں 13:4

حاکم تیڈی بھلائی کیتے خُدا دا خادم ہے۔ پر جے تُوں غلط کم کریں تاں ڈر کیوں جو اُوندے ہتھ ءچ تلوار اِینویں نئیں ڈِتی گئی۔ او خُدا دا خادم ہے تے ہر مُجرم کُوں سزا ڈے تے خُدا دا غضب ظاہر کریندے۔

2کُرِنتھِیوں 7:11

بس ڈیکھو، او ڈُکھ جیہڑا خُدا دے مقصد دے مطابق ہا، اُوں تُہاڈے ءچ کتنا جوش، آپنڑا دفاع کرݨ دا کِتنا شوق، کِتنی ناراضگی، کِتنا ڈر، کِتنی سِک تے کِتنی غیرت پیدا کر ڈِتی تے سزا ڈیوݨ دی کِتنی تیاری۔ تُساں ہر لحاظ نال ثابت کر ڈِتے جو تُساں اِیں معاملے ءچ بے قصُور ہیوے۔

گلتِیوں 5:21

بُغض، نشہ بازی، نچنڑ ٹپنڑ تے اِنہاں جِیہے بئے کم۔ اِنہاں گالھیں دے بارے ءچ مَیں پہلے تُہاکُوں آکھیا ہا تے ہُنڑ ولا آدھا ہاں، جو ایجھے کم کرݨ آلے خُدا دی بادشاہی دے وارث نہ ہوسن۔

اِفِسیوں 4:17

اِیں واسطے مَیں آدھا ہاں بلکہ خُداوند یسُوع ءچ چتیندا ہاں جو اگُوں تُوں تُساں غیر قوماں وانگُوں جیہڑیاں آپنڑے بےکار خیالاں دے مطابق چلدیاں ہِن، زندگی نہ گُزارو۔

اِفِسیوں 4:28

چوری کرݨ آلا اگُوں تے چوری نہ کرے بلکہ آپنڑے ہتھاں نال محنت کر تے کوئی چنگا کم کرے تاں جو مُتھاجاں دی مدد کرݨ کیتے اُوندے کولھ کُجھ ہووے۔

اِفِسیوں 5:6

کوئی تُہاکُوں فضول گالھیں نال دوکھا نہ ڈیوے، کیوں جو اِنہاں گالھیں دے سببّوں نافرماناں اُتے خُدا دا غضب نازل تھیندے۔

1تھِسّلُنیکیوں 2:11

تُساں جانڑدے ہیوے جو جِیہا سلوک ہِک پِیُو آپنڑے بالاں نال کریندے، اُونویں ای اساں وی تُہاڈے نال کریندے ریہے۔

2تھِسّلُنیکیوں 1:8

او اُنہاں کُوں سزا ڈیسی جیہڑے خُدا کُوں نئیں جانڑدے تے ساڈے خُداوند یسُوع دی خوشخبری کُوں نئیں منیندے۔

عبرانیوں 13:4

شادی کرݨ سبھ لوکاں ءچ عزت دی گالھ سمجھی ونجے تے میاں بیوی دا رشتہ بے داغ راہوے، کیوں جو خُدا حرام کاراں تے زِنا کاراں دی عدالت کریسی۔

عبرانیوں 2:6

بلکہ کلام ءچ کِتھائیں ایہ آکھیا گِیا ہے جو ”اِنسان کیا چیز ہے جو تُوں اُوندا خیال رکھیں؟ یا آدم زاد کیا ہے جو تُوں اُوندی فِکر کریں؟

یعقُوب 2:6

پر تُساں غریب دی بے عزتی کیتی۔ کیا دولت مند ای تُہاڈے اُتے ظلم نئیں کریندے تے تُہاکُوں عدالتاں ءچ گِھیل تے نئیں گِھن ویندے؟

یعقُوب 5:4

ڈیکھو! جیہڑی مزدُوری تُساں آپنڑے کھیتاں ءچ کم کرݨ آلیاں کُوں نئیں ڈِتی، او تُہاڈے خلاف چیخدی پئی ہے تے فصل کپنڑ آلیاں دی فریاد لشکراں دے رب دے کَناں تئیں پُج گئی ہے۔