1تھِسّلُنیکیوں 4:5 - کِتاب مُقدّس سرائیکی ترجمہ

⁵ اُنہاں قوماں وانگُوں شہوت پرستی ءچ زندگی نہ گُزارو، جیہڑیاں خُدا کُوں نئیں جانڑدیاں۔

1تھِسّلُنیکیوں 4:5 Iomraidhean Croise

متّی 6:32

کیوں جو اِنہاں ساریاں چیزاں دی گولھ ءچ تاں غیر قوماں راہندیاں ہِن، پر تُہاڈا اسمانی باپ جانڑدے جو تُساں اِنہاں سبھ چیزاں دے مُتھاج ہیوے۔

لُوقا 12:30

کیوں جو اِنہاں ساریاں چیزاں دی گولھ ءچ تاں دُنیا دیاں قوماں راہندیاں ہِن۔ پر تُہاڈا باپ جانڑدے جو تُساں اِنہاں چیزاں دے مُتھاج ہیوے۔

اعمال 17:23

کیوں جو جِیں ویلے مَیں تُہاڈے شہر ءچ پِھردا پِیا ہم تاں میڈی نِگاہ تُہاڈے معبُوداں اُتے وی پئی۔ مَیں ڈِٹھا جو ہِک قُربان گاہ اُتے ایہ لِکھیا ہا ’نا معلوم خُدا کیتے۔‘ بس جِینکُوں تُساں بغیر جانڑدے ہوئے پُوجدے ہیوے، مَیں تُہاکُوں اُونہی دی خبر ڈیندا ہاں۔

رومیوں 1:24

اِیں واسطے خُدا وی اُنہاں دے دِلاں دیاں بُریاں خواہشاں دے مطابق اُنہاں کُوں ناپاکی ءچ چھوڑ ڈِتا تے نتیجے ءچ اُنہاں آپنڑے بدناں کُوں آپس ءچ بے حُرمت کیتا۔

رومیوں 1:26

اِیں واسطے خُدا اُنہاں کُوں شرمناک خواہشاں ءچ چھوڑ ڈِتا۔ اِتُھوں تئیں جو اُنہاں دیاں عورتاں آپنڑے فطرتی جنسی تعلقات کُوں غیر فطرتی تعلقات ءچ بدّل ڈِتا۔

رومیوں 1:28

تے جِینویں اُنہاں خُدا کُوں جاننڑاں پسند نہ کیتا، اِینویں ای خُدا وی اُنہاں کُوں گندے خیالاں دے حوالے کر ڈِتا جو نامناسب کم کرݨ۔

1کُرِنتھِیوں 1:21

کیوں جو خُدا آپنڑی حِکمت دے مطابق ایہ فیصلہ کیتے جو دُنیا آلے آپنڑی حِکمت نال خُدا کُوں نہ جانڑݨ بلکہ خُدا کُوں ایہ پسند آیا جو اِیں بیوقُوفی دے پیغام دے وسیلے نال جیندی اساں تبلیغ کریندے ہیں اِیمان گِھن آوݨ آلیاں کُوں نجات بخشے۔

1کُرِنتھِیوں 15:34

چنگی طرحاں ہوش ءچ آؤ تے گُناہ نہ کرو۔ کیجھی شرم دی گالھ ہے جو ہُنڑ وی تُہاڈے ءچوں کُجھ خُدا کُوں نئیں جانڑدے۔ ایہ میں تُہاکُوں شرم ڈیواوݨ کیتے آدھا ہاں۔

گلتِیوں 4:8

اِیں تُوں پہلے جِیں ویلے تُساں خُدا تُوں واقف نہ ہَوے تاں تُساں ایجھے معبُوداں دے غُلام ہَوے جیہڑے خُدا ہِن کائنی۔

اِفِسیوں 2:12

اُوں ویلے تُساں مسیح کنُوں جُدا، بنی اِسرائیل دے غیر شہری، اُنہاں نال کیتے ہوئے عہداں دے وعدیاں کنُوں اَݨسُوویں تے دُنیا ءچ نا اُمید تے خُدا کنُوں ناواقف ہَوے۔

کلُسِّیوں 3:5

بس تُساں آپنڑیاں دُنیاوی خواہشاں کُوں ختم کر ڈیؤ یعنی زِنا کاری، ناپاکی، شہوت پرستی، بُریاں خواہشاں تے لالچ کُوں جیہڑا بُت پرستی دے برابر ہے۔

2تھِسّلُنیکیوں 1:8

او اُنہاں کُوں سزا ڈیسی جیہڑے خُدا کُوں نئیں جانڑدے تے ساڈے خُداوند یسُوع دی خوشخبری کُوں نئیں منیندے۔

1 پطرس 4:3

تُساں پہلے ای آپنڑی زندگی دا بہُوں وقت اُوہو کرݨ ءچ گُزار ڈِتے جیہڑا غیر قوماں کُوں پسند ہے یعنی شہوت پرستی، بُریاں خواہشاں، شراب پِیوݨ، نچنڑ گاوݨ، نشے بازی تے بُت پرستی ءچ، جیہڑا بہُوں مکرُوہ کم ہے۔