1تھِسّلُنیکیوں 4:17 - کِتاب مُقدّس سرائیکی ترجمہ

¹⁷ وَل اساں جیہڑے باقی ہیں اُنہاں دے نال بدلاں اُتے چا گِھدے ویسوں تاں جو ہوا ءچ خُداوند دا اِستقبال کرُوں تے اِینویں ہمیشاں اُوندے نال راہسوں۔

1تھِسّلُنیکیوں 4:17 Iomraidhean Croise

متّی 26:64

یسُوع اُونکُوں آکھیا، ”تَیں خود ای آکھ ڈِتے۔ بلکہ مَیں تُہاکُوں آدھا ہاں جو اِیندے بعد تُساں اِبنِ آدم کُوں قادر ِ مُطلق دے سجے پاسُوں بیٹھا تے اسمان دے بدلاں اُتے آندا ڈیکھسو۔“

مرقس 14:62

یسُوع جواب ڈِتا، ”ہاں مَیں ہاں، تے تُساں اِبنِ آدم کُوں قادر ِ مُطلق دے سجے پاسُوں بیٹھا تے اسمان دے بدلاں اُتے آندا ڈیکھسو۔“

یُوحنّا 12:26

جے کوئی میڈی خدمت کرݨ چاہندے، اُونکُوں ضرور ہے جو میڈی پیروی کرے، تے جِتھاں مَیں ہاں اُتھاں میڈا خادم وی ہوسی۔ جے کوئی میڈی خدمت کرے تاں میڈا باپ اُوندی عزت کریسی۔

یُوحنّا 14:3

تے جے مَیں وَنج تے تُہاڈے کیتے جاہ تیار کراں تاں ولا آ تے تُہاکُوں آپنڑے نال گِھن ویساں تاں جو جِتھاں مَیں ہاں تُساں وی ہوو۔

یُوحنّا 17:24

باپ! مَیں چاہندا ہاں جو جِنہاں کُوں تَیں میڈے حوالے کیتے، او میڈے نال اُتھاں ہووݨ جِتھاں مَیں ہاں، تاں جو او اُوں جلال کُوں ڈیکھ سگنڑ جیہڑا تَیں میکُوں ڈِتے کیوں جو تَیں دُنیا دے بنڑݨ کنُوں وی پہلے ای میڈے نال محبت رکھی ہے۔

اعمال 1:9

ایہ آکھ تے او اُنہاں دے ڈیدھے ڈیدھے اُتے چا گِھدا گِیا تے بدّل اُونکُوں اُنہاں دے اکھیں کنُوں لُکا گِھدا۔

اعمال 8:39

جِیں ویلے او پانڑی ءچوں نِکل تے باہر آئے تاں خُداوند دا رُوح فِلپُس کُوں چا تے گِھن گِیا تے خوجے اُونکُوں ولا نہ ڈِٹھا۔ پر او خوشی کریندا ہویا آپنڑی منزل دو روانہ تھی گِیا۔

1کُرِنتھِیوں 15:52

تے ایہ ہِک دم اکھ جھمکدیاں ای تھی ویسی جِیں ویلے آخری نرسِنگا وجایا ویسی۔ کیوں جو نرسِنگا وجایا ویسی، تے مُردے غیرفانی جِسم دی حالت ءچ زندہ تھی ویسن تے اساں سارے بدل ویسوں۔

2کُرِنتھِیوں 5:8

ہا، ساکُوں حوصلہ ہے تے ایہ بدن چھوڑ تے خُداوند دے گھر ءچ راہونڑا ساکُوں زیادہ منظور ہے۔

فِلِپّیوں 1:23

مَیں اِنہاں ڈُوہائیں ءچ پھسیا پِیا ہاں۔ دل تاں چاہندے جو دُنیا کُوں چھوڑ تے مسیح دے کولھ وَنج راہاں کیوں جو ایہ زیادہ چنگا ہے۔

1تھِسّلُنیکیوں 3:13

او تُہاڈے دِلاں کُوں ایجھا مضبوط کرے جو جِیں ویلے ساڈا خُداوند یسُوع آپنڑے سارے مُقدّساں نال آوے تاں تُہاڈے دل ساڈے خُدا تے باپ دے سامنڑے پاک تے بے عیب ہووݨ۔

1تھِسّلُنیکیوں 4:15

اساں خُداوند دی طرفوں تُہاکُوں آدھے ہیں جو اساں جیہڑے زندہ ہیں تے خُداوند دے آوݨ تئیں باقی راہسوں، اُنہاں کنُوں پہلے ہرگز اُونکُوں نہ مِلسُوں جیہڑے پہلے سَم گئے ہِن۔

1تھِسّلُنیکیوں 4:18

اِیں واسطے تُساں اِنہاں گالھیں نال ہِک ڈُوجھے کُوں تسلی ڈِتا کرو۔

1تھِسّلُنیکیوں 5:10

مسیح ساڈی خاطر اِیں واسطے جان ڈِتی جو اساں اُوندے نال زندہ راہوں، بھانویں اُوندی آمد دے ڈینہہ موئے ہوؤں یا زندہ،

2 پطرس 3:13

پر اساں خُدا دے وعدے دے مطابق نویں اسمان تے نوِیں زمین دے اِنتظار ءچ ہیں جِتھاں راستبازی سکونت کریندی ہے۔

مُکاشفہ 1:7

”ڈیکھو او بدلاں اُتے آوݨ آلا ہے تے ہر اکھ اُونکُوں ڈیکھسی جِنہاں اُونکُوں چھیدیا ہا او وی ڈیکھسن تے زمین دیاں سبھ قوماں اُوندے سببّوں دھاڑپِٹ کریسن ہا، اِینویں ای تھیوے۔ آمین۔“

مُکاشفہ 11:12

وَل اُنہاں کُوں اسمان کنُوں ہِک اُچی اواز سُنڑائی ڈِتی جیہڑی ایہ آدھی پئی ہئی جو ”اِتھاں اُتے آ ونجو۔“ تے او بدلاں اُتے سوار تھی تے دُشمنڑاں دے ڈیدھے ڈیدھے اسمان اُتے چلے گئے۔

مُکاشفہ 12:5

اُوں عورت ہِک پوتر جمیا، ہِک ایجھے بال کُوں جیہڑا ”لُوہے دی سوٹی نال ساریاں قوماں اُتے حکُومت کرݨ کُوں ہا۔“ وَل اُوندے بال کُوں اُتھوں چا تے خُدا تے خُدا دے تخت دے کولھ پُچا ڈِتا گِیا۔