1تھِسّلُنیکیوں 4:16 - کِتاب مُقدّس سرائیکی ترجمہ

¹⁶ کیوں جو خُداوند خود وڈی اُچی اواز ءچ ہِک حُکم نال تے سردار فرشتہ دی اواز تے خُدا دے نرسِنگے دے وجائے ونجنڑ دے نال اسمان تُوں تلے لہہ آسی۔ تے پہلے تاں او جیہڑے مسیح ءچ مر گئے ہِن زندہ تھی ویسن۔

1تھِسّلُنیکیوں 4:16 Iomraidhean Croise

متّی 16:27

کیوں جو اِبنِ آدم آپنڑے باپ دے جلال ءچ آپنڑے فرشتیاں نال آسی۔ اُوں ویلے ہر ہِک کُوں اُوندے کماں دے مطابق اجر ڈیسی۔

متّی 16:28

مَیں تُہاکُوں سچ آدھا ہاں جو جیہڑے اِتھاں کھڑے ہِن اُنہاں ءچوں کُجھ ایجھے ہِن جو جئیں تئیں اِبنِ آدم کُوں اُوندی بادشاہی ءچ آندے ہوئے ڈیکھ نہ گِھنسن، ہرگز نہ مرسن۔“

متّی 25:31

جِیں ویلے اِبنِ آدم آپنڑے جلال ءچ آسی تے سارے فرشتے اُوندے نال آسن تاں او آپنڑے جلالی تخت اُتے بَہسی۔

متّی 26:64

یسُوع اُونکُوں آکھیا، ”تَیں خود ای آکھ ڈِتے۔ بلکہ مَیں تُہاکُوں آدھا ہاں جو اِیندے بعد تُساں اِبنِ آدم کُوں قادر ِ مُطلق دے سجے پاسُوں بیٹھا تے اسمان دے بدلاں اُتے آندا ڈیکھسو۔“

اعمال 1:11

تے آکھنڑ لگے ”گلیل دے مردو! تُساں کھڑے کھڑے اسمان دو کیوں ڈیدھے پئے ہیوے؟ اِیہو یسُوع جیہڑا تُہاڈے سامنڑے اسمان اُتے چا گِھدا گِیا ہے اِینویں ای ولا آسی جِینویں تُساں اُونکُوں اسمان دو ویندے ڈِٹھے۔“

1کُرِنتھِیوں 15:18

بلکہ جیہڑے مسیح اُتے اِیمان رکھیندے ہوئے سَم گئے ہِن او وی ہلاک تھئے۔

1کُرِنتھِیوں 15:20

پر حقیقت تاں ایہ ہے جو مسیح مُردیاں ءچوں زندہ تھی گئے تے او مُردیاں ءچوں زندہ تھیوݨ آلیاں ءچوں پہلا پھل ہے۔

1کُرِنتھِیوں 15:23

پر ہر ہِک آپنڑی آپنڑی واری نال۔ سبھ تُوں پہلے مسیح جیہڑا پہلا پھل ہے، تے وَل مسیح دے آوݨ تے اُوندے لوک۔

1تھِسّلُنیکیوں 1:10

تے ایہ وی جو تُساں اُوندے پوتر دے اسمان کنُوں آوݨ دا اِنتظار کریندے ہیوے، یعنی یسُوع جِینکُوں خُدا مُردیاں ءچوں زندہ کیتا تے جیہڑا ساکُوں آوݨ آلے غضب کنُوں بچیندے۔

1تھِسّلُنیکیوں 3:11

ہُنڑ ساڈا خُدا تے باپ خود، تے ساڈا خُداوند یسُوع تُہاڈے دو ساڈی راہنمائی کرے۔

2تھِسّلُنیکیوں 1:7

تے تُہاکُوں ڈُکھ چاوݨ آلیاں کُوں ساڈے نال ارام ڈیوے۔ ایہ اُوں ویلے ہوسی جِیں ویلے خُداوند یسُوع آپنڑے زورآور فرشتیاں دے نال بھڑکدی ہوئی بھاہ ءچ اسمان ءچوں ظاہر تھیسی۔

2تھِسّلُنیکیوں 2:1

بِھراؤ! اساں آپنڑے خُداوند یسُوع مسیح دی ڈُوجھی آمد تے اُوندے کولھ جمع تھیوݨ دے بارے ءچ تُہاکُوں ایہ درخاست کریندے ہیں،

2 پطرس 3:10

پر خُداوند دے واپس آوݨ دا ڈینہہ چور وانگُوں آ ویسی۔ اُوں ڈینہہ اسمان بہُوں خوفناک اواز نال غائب تھی ویسن، تے اسمان دیاں سبھ چیزاں بھاہ دی شِدت کنُوں پگھر ویسن تے زمین تے اُوندے اُتے دے سبھ کم ظاہر تھی ویسن۔

یہُوداہ 1:9

پر فرشتیاں دے سردار مِیکائیل وی مُوسیٰ دی لاش دے بارے ءچ ابلیس نال تکرار تے بحث کریندے ویلے لعن طعن کر تے اُوندے اُتے اِلزام لاوݨ دی جُرأت نہ کیتی بلکہ ایہ آکھیا جو ”خُداوند تیکُوں ملامت کرے۔“

مُکاشفہ 1:10

خُداوند دے ڈینہہ میں رُوح القُدس دے اثر ءچ آ گِیا ہم تے مَیں آپنڑے پِچُھوں نرسِنگے جیہی ہِک اواز سُنڑی،

مُکاشفہ 1:7

”ڈیکھو او بدلاں اُتے آوݨ آلا ہے تے ہر اکھ اُونکُوں ڈیکھسی جِنہاں اُونکُوں چھیدیا ہا او وی ڈیکھسن تے زمین دیاں سبھ قوماں اُوندے سببّوں دھاڑپِٹ کریسن ہا، اِینویں ای تھیوے۔ آمین۔“

مُکاشفہ 14:13

وَل مَیں اسمان کنُوں ہِک اواز کُوں ایہ آدھے ہوئے سُنڑیا، ”لِکھ! مُبارک ہِن او جیہڑے ہُنڑ کنُوں خُداوند ءچ مردے ہِن۔“ رُوح القُدس فرمیندے، ”ہا! او آپنڑی محنت تُوں چُھٹ تے ارام پیسن کیوں جو اُنہاں دے اعمال اُنہاں دے پِچُھوں پِچُھوں آ تے اُنہاں دے نال راہسن۔“

مُکاشفہ 8:13

جِیں ویلے مَیں وَل نِگاہ کیتی تاں ہِک بہُوں وڈا عقاب اسمان دے اَدھ ءچ اُڈدا ہویا ڈِٹھا تے اُونکُوں اُچی اواز نال ایہ آدھے سُنڑیا جو ”اُنہاں ترے فرشتیاں دے نرسِنگیاں دی اواز دے سببّوں، جِنہاں دا وجایا ونجنڑ باقی ہے، زمین دے راہوݨ آلیاں اُتے افسوس، افسوس، افسوس!“

مُکاشفہ 8:2

وَل مَیں اُنہاں ستّاں فرشتیاں کُوں ڈِٹھا جیہڑے خُدا دے سامنڑے کھڑے راہندے ہَن۔ اُنہاں کُوں سَت نرسِنگے ڈِتے گئے۔