1تھِسّلُنیکیوں 4:13 - کِتاب مُقدّس سرائیکی ترجمہ

¹³ بِھراؤ! اساں نئیں چاہندے جو تُساں اُنہاں اِیمانداراں دے حال دے بارے ءچ ناواقف راہو جیہڑے سَم گئے ہِن، تاں جو تُساں اُنہاں وانگُوں غم نہ کرو جِنہاں کُوں کوئی اُمید نئیں۔

1تھِسّلُنیکیوں 4:13 Iomraidhean Croise

متّی 27:52

تے قبراں کُھل گئیاں تے بہُوں سارے مُقدّس لوک جیہڑے مر گئے ہَن، زندہ تھی گئے۔

یُوحنّا 11:24

مَرتھا جواب ڈِتا، ”مَیں جانڑدی ہاں جو او قیامت آلے ڈینہہ زندہ تھی ویسی۔“

اعمال 13:36

کیوں جو داؤد تاں آپنڑے زمانہ ءچ خُدا دا مقصد پُورا کرݨ دے بعد موت دی نیندر سَم گِیا تے آپنڑے پِیُو ڈاڈا نال دفن تھیّا تے اُوندے سڑن دی نوبت آئی۔

اعمال 7:60

وَل اُوں گوڈے ٹیک تے وڈی اواز نال آکھیا جو ”اے خُداوند! ایہ گُناہ اِنہاں دے ذمہ نہ لا۔“ تے ایہ آکھ تے سَم گِیا۔

اعمال 8:2

کُجھ اِیماندار لوکاں ستِفُنس کُوں دفنایا تے اُوندے اُتے وڈا ماتم کیتا۔

رومیوں 1:13

بِھراؤ، مَیں نئیں چاہندا جو تُساں اِیں گالھ کنُوں ناواقف راہو جو مَیں کئی پھیری تُہاڈے کولھ آوݨ دا اِرادہ کیتا، تاں جو جِینویں ڈُوجھیاں غیر قوماں ءچ میڈی خدمت پھل گِھن آئی، تُساں ءچ وی گِھن آوے، پر مَیں اَج تئیں رُکیا ریہا۔

1کُرِنتھِیوں 10:1

بِھراؤ! مَیں تُہاکُوں یاد ڈیواوݨ چاہندا ہاں جو ساڈے پِیُو ڈاڈا کِینویں بدّل تلے ریہے تے سارے سمندر ءچوں تھی تے پار لنگھے۔

1کُرِنتھِیوں 12:1

بِھراؤ! مَیں نئیں چاہندا جو تُساں رُوحانی نعمتاں دے بارے ءچ بے خبر راہو۔

1کُرِنتھِیوں 15:6

اُوندے بعد او پنج سو تُوں زیادہ بِھرانواں کُوں ہِکو پھیری ڈِکھالی ڈِتا جِنہاں ءچوں اکثر ہُنڑ تئیں زندہ ہِن، پر کُجھ سَم گئے ہِن۔

2کُرِنتھِیوں 1:8

بِھراؤ! اساں نئیں چاہندے جو تُساں اُوں مُصیبت کنُوں بے خبر راہو جیہڑی آسِیہ ءچ ساڈے اُتے آئی۔ ایہ مُصیبت اِتنی شدید تے ساڈی برداشت کنُوں باہر ہئی جو اساں تاں زندگی کنُوں وی ہتھ دھو بیٹھے ہسے۔

اِفِسیوں 2:12

اُوں ویلے تُساں مسیح کنُوں جُدا، بنی اِسرائیل دے غیر شہری، اُنہاں نال کیتے ہوئے عہداں دے وعدیاں کنُوں اَݨسُوویں تے دُنیا ءچ نا اُمید تے خُدا کنُوں ناواقف ہَوے۔

اِفِسیوں 2:3

ہِک وقت ہا جِیں ویلے اساں وی اُنہاں ءچ شامل ہسے تے نفسانی خواہشاں ءچ زندگی گُزریندے تے دل تے دماغ دی ہر ہَوس کُوں پُورا کرݨ ءچ لگے راہندے ہسے۔ اساں ڈُوجھیاں وانگُوں فطرتی طور تے غضب دے حقدار ہسے۔

1تھِسّلُنیکیوں 4:14

کیوں جو جڈاں ساکُوں یقین ہے جو یسُوع مر گِیا تے ولا زندہ تھی گِیا، تاں ساکُوں اِیندا وی یقین ہے جو خُدا اُنہاں کُوں وی جیہڑے مسیحی ہوندے ہوئے سَم گئے ہِن، یسُوع نال ولا گِھن آسی۔

1تھِسّلُنیکیوں 4:15

اساں خُداوند دی طرفوں تُہاکُوں آدھے ہیں جو اساں جیہڑے زندہ ہیں تے خُداوند دے آوݨ تئیں باقی راہسوں، اُنہاں کنُوں پہلے ہرگز اُونکُوں نہ مِلسُوں جیہڑے پہلے سَم گئے ہِن۔

1تھِسّلُنیکیوں 5:10

مسیح ساڈی خاطر اِیں واسطے جان ڈِتی جو اساں اُوندے نال زندہ راہوں، بھانویں اُوندی آمد دے ڈینہہ موئے ہوؤں یا زندہ،

1تھِسّلُنیکیوں 5:6

اِیں واسطے اساں ڈُوجھیاں وانگُوں سُتے نہ راہوں بلکہ جاگدے تے ہوشیار راہوں۔

2 پطرس 3:4

تے اکھیسن، ”مسیح دے آوݨ دا وعدہ کِتھاں گِیا؟ ساڈے پِیُو ڈاڈا تاں مر گئے تے دُنیا دے خلق تھیوݨ تُوں ہُنڑ تئیں سبھ کُجھ اِینویں ای ہے۔“

2 پطرس 3:8

عزیزو! ہِک گالھ کڈھائیں نہ بُھلائے جو خُداوند دی نظر ءچ ہِک ڈینہہ ہزار سال تے ہزار سال ہِک ڈینہہ دے برابر ہِن۔