1تھِسّلُنیکیوں 3:7 - کِتاب مُقدّس سرائیکی ترجمہ

⁷ اِیں واسطے بِھراؤ! اساں آپنڑی ساری تنگی تے مُصیبت ءچ تُہاڈے اِیمان دی وجہ تُوں تُہاڈے بارے ءچ تسلی پاتی۔

1تھِسّلُنیکیوں 3:7 Iomraidhean Croise

2کُرِنتھِیوں 1:4

اُوہو ساڈیاں ساریاں مُصیبتاں ءچ ساکُوں تسلی ڈیندے تاں جو اساں اُوندی طرفوں مِلی ہوئی تسلی نال ڈُوجھیاں کُوں وی تسلی ڈے سگوں جیہڑے کہیں وی قِسم دی مُصیبت ءچ ہِن۔

2کُرِنتھِیوں 7:13

اِیں واسطے ساکُوں تسلی ہے۔ تے اِیں تسلی دے علاوہ طِطُس کُوں خوش ڈیکھ تے ساکُوں بئی وی خوشی تھئی کیوں جو تُساں ساریاں دے سببّوں اُوندی رُوح وَل تازہ تھی گئی۔

1تھِسّلُنیکیوں 3:6

پر ہُنڑ تِیمُتِھیُس تُہاڈے کولُھوں اِتھاں وَل آیا ہے تے تُہاڈے اِیمان تے محبت دے بارے ءچ چنگی خبر ڈِتی ہے۔ اُوں ڈسائے جو تُساں ہمیشاں ساکُوں پیار نال یاد کریندے ہیوے تے ساکُوں مِلنڑ دی ایجھی سِک رکھیندے ہیوے جِینویں اساں تُہاڈے کیتے رکھیندے ہیں۔

2 یُوحنّا 1:4

جِیں ویلے میکُوں پتہ چلیا جو تیڈے کُچھ فرزند باپ دے حُکم دے مطابق سچائی اُتے ٹُردے ریہے ہِن تاں میکُوں خوشی تھئی۔