1تھِسّلُنیکیوں 3:6 - کِتاب مُقدّس سرائیکی ترجمہ

⁶ پر ہُنڑ تِیمُتِھیُس تُہاڈے کولُھوں اِتھاں وَل آیا ہے تے تُہاڈے اِیمان تے محبت دے بارے ءچ چنگی خبر ڈِتی ہے۔ اُوں ڈسائے جو تُساں ہمیشاں ساکُوں پیار نال یاد کریندے ہیوے تے ساکُوں مِلنڑ دی ایجھی سِک رکھیندے ہیوے جِینویں اساں تُہاڈے کیتے رکھیندے ہیں۔

1تھِسّلُنیکیوں 3:6 Iomraidhean Croise

اعمال 16:1

پولُس دِربے تے وَل لُسترہ ءچ وی پُجیا، جِتھاں تِیمُتِھیُس ناں دا ہِک شاگرد ہا۔ اُوندی ماء تاں یہُودی ہئی جیہڑی مسیح اُتے اِیمان گِھن آئی ہئی پر اُوندا پِیُو یُونانی ہا۔

اعمال 18:1

اِیندے بعد پولُس اتھینے ءچوں نِکل تے کُرِنتُھس چلیا گِیا

اعمال 18:5

جِیں ویلے سِیلاس تے تِیمُتِھیُس مَکِدُنیہ تُوں آئے تاں پولُس آپنڑا سارا وقت کلام دی تبلیغ کرݨ ءچ گُزارݨ لگا۔ او یہُودیاں دے سامنڑے گواہی ڈیندا ہا جو یسُوع ای المسیح ہے۔

1کُرِنتھِیوں 11:2

مَیں تُہاڈی تعریف کریندا ہاں جو تُساں ہر گالھ ءچ میکُوں یاد رکھیندے تے اُنہاں تعلیمات کُوں قائم رکھیندے ہیوے جیہڑیاں مَیں تُہاکُوں پُچائیاں۔

1کُرِنتھِیوں 13:13

بس اِیمان، اُمید تے محبت ایہ ترِیحو ہمیشاں قائم راہندن پر محبت اِنہاں ءچوں افضل ہے۔

گلتِیوں 5:6

کیوں جو مسیح یسُوع ءچ ہوندے ہوئے ختنہ کراوݨ یا نہ کراوݨ دی کوئی اہمیت نئیں۔ صرف او اِیمان اہم ہے جیہڑا محبت کرݨ نال ظاہر تھیندے۔

فِلِپّیوں 1:8

خُدا گواہ ہے جو میڈے دل ءچ تُہاڈے کیتے یسُوع مسیح جیہی محبت ہے تے مَیں تُساں ساریاں کُوں مِلنڑ دی سِک رکھیندا ہاں۔

کلُسِّیوں 1:4

کیوں جو اساں سُنڑیا ہے جو تُساں مسیح یسُوع اُتے اِیمان رکھیندے ہیوے تے سارے مُقدّساں نال محبت کریندے ہیوے۔

کلُسِّیوں 4:18

مَیں پولُس آپنڑے ہتھ نال تُہاکُوں سلام لِکھدا پِیا ہاں۔ میڈے زنجیراں کُوں یاد رکھائے۔ خُدا دا فضل تُہاڈے نال راہوے۔

1تھِسّلُنیکیوں 1:3

اساں تُہاڈے کم جیہڑے اِیمان دی وجہ کنُوں ہِن، تے تُہاڈی محنت جیہڑی محبت دا نتیجہ ہے، تے تُہاڈے صبر کُوں جیہڑا ساڈے خُداوند یسُوع المسیح اُتے اُمید رکھنڑ دے سببّوں تُہاڈے ءچ پیدا تھئے، آپنڑے خُدا تے باپ دی حضُوری ءچ یاد کریندے ہیں۔

1تھِسّلُنیکیوں 2:17

بِھراؤ! جِیں ویلے اساں تھوڑے عرصے کیتے تُہاڈے کنُوں اَنج تھئے ہسے، بےشک جِسمانی طور تے نہ جو دِلی طور تے، تاں تُہاڈے نال ولا مِلنڑ کیتے بہُوں بے چین ہسے۔

1تھِسّلُنیکیوں 2:9

بِھراؤ! ساڈی او سخت محنت تُہاکُوں ضرور یاد آندی ہوسی۔ اساں خُدا دی خوشخبری سُنڑیندے ہوئے ڈینہہ رات آپنڑے ہتھاں نال کم کریندے ہسے تاں جو کہیں اُتے بھار نہ بنڑوں۔

1تھِسّلُنیکیوں 3:7

اِیں واسطے بِھراؤ! اساں آپنڑی ساری تنگی تے مُصیبت ءچ تُہاڈے اِیمان دی وجہ تُوں تُہاڈے بارے ءچ تسلی پاتی۔

2تھِسّلُنیکیوں 1:3

بِھراؤ! ساڈے اُتے فرض ہے جو ہر ویلے تُہاڈے کیتے خُدا دا شُکر کریندے راہوں۔ تے ایہ مناسب وی ہے کیوں جو تُساں اِیمان ءچ بہُوں ترقی کریندے پئے ہیوے تے تُہاڈی آپس دی محبت وی ودھدی ویندی ہے۔

1 تِیمُتھِیُس 1:5

میڈی اِیں نصیحت دا مقصد او محبت ہے جیہڑی پاک دِلی، نیک نیّتی تے حقیقی اِیمان نال پیدا تھیندی ہے۔

2 تِیمُتھِیُس 1:3

مَیں خُدا دا شُکر ادا کریندا ہاں جیندی عبادت مَیں آپنڑے پِیُو ڈاڈے دی طرحاں نیک نیّتی نال کریندا ہاں، تے تیکُوں ڈینہہ رات آپنڑیاں دُعاواں ءچ یاد کریندا ہاں۔

فِلیمون 1:5

کیوں جو میں سُنڑدا ہاں جو تُوں خُداوند یسُوع مسیح اُتے اِیمان رکھیندیں تے خُدا دے سارے مُقدّساں کیتے محبت رکھیندیں۔

عبرانیوں 13:3

تُساں قیدیاں کُوں اِینویں یاد رکھو جِینویں جو تُساں خود اُنہاں دے نال قید ءچ ہیوے، تے جِنہاں دے نال بدسلُوکی کیتی ویندی ہے اُنہاں کُوں اِینویں یاد رکھو جِینویں جو تُساں خود آپنڑے بدن ءچ برداشت کریندے پئے ہیوے۔

عبرانیوں 13:7

آپنڑے راہنماواں کُوں یاد رکھو جِنہاں تُہاکُوں خُدا دا کلام سُنڑایا۔ اُنہاں دی زندگی دے انجام اُتے غور کرو تے اُنہاں دے اِیمان دے نمونے اُتے ٹُرو۔

1 یُوحنّا 3:23

تے اُوندا حُکم ایہ ہے جو اساں اُوندے پوتر یسُوع مسیح دے ناں اُتے اِیمان رکھوں تے اُوندے حُکم دے مطابق ہِک ڈُوجھے نال محبت رکھوں۔