1تھِسّلُنیکیوں 3:3 - کِتاب مُقدّس سرائیکی ترجمہ

³ تاں جو اِنہاں مُصیبتاں دے سببّوں کوئی گھبرا نہ ونجے، کیوں جو تُساں خود جانڑدے ہیوے جو اساں اِنہاں کیتے مقرر کیتے گئے ہیں۔

1تھِسّلُنیکیوں 3:3 Iomraidhean Croise

لُوقا 21:12

پر ایہ سبھ کُچھ تھیوݨ کنُوں پہلے او تُہاکُوں میڈے ناں دی وجہ کنُوں گرفتار کریسن تے ڈُکھ ڈیسن، تے عبادت خانیاں دیاں عدالتاں ءچ پیش کریسن، تے قید خانیاں ءچ سَٹویسن، تے بادشاہاں تے حاکماں دے سامنڑے پیش کریسن۔

یُوحنّا 16:2

لوک تُہاکُوں عبادت خانیاں ءچوں کڈھ ڈیسن، بلکہ او وقت آوݨ آلا ہے جو جیہڑا کوئی تُہاکُوں قتل کریسی او ایہ سمجھسی جو مَیں خُدا دی خدمت کریندا ہاں۔

یُوحنّا 16:33

مَیں تُہاڈے نال ایہ گالھیں اِیں واسطے کیتیاں ہِن جو تُساں میڈے ءچ اِطمینان پاؤ۔ دُنیا ءچ ڈُکھ چیندے ہیوے پر حوصلہ رکھو، مَیں دُنیا اُتے غالب آیا ہاں۔“

اعمال 14:22

تے شاگرداں دے دِلاں کُوں مضبوط کریندے تے ایہ نصیحت کریندے ہَن جو ”آپنڑے اِیمان اُتے قائم راہو“ تے آدھے ہَن ”ضرور ہے جو اساں بہُوں ساریاں مُصیبتاں سہہ تے خُدا دی بادشاہی ءچ داخل تھیؤں۔“

اعمال 2:25

کیوں جو داؤد اُوندے بارے ءچ آدھا ہے جو ’مَیں رب کُوں ہمیشاں آپنڑے سامنڑے ڈیدھا ریہا کیوں جو او میڈے سجے پاسُوں ہے تاں جو مَیں ہلایا نہ وَنجاں۔

اعمال 21:11

اُوں ساڈے کولھ آ تے پولُس دا کمر بند گِھدا تے اُوندے نال آپنڑے ہتھ پیر بَدھ تے آکھنڑ لگا، ”رُوح القُدس فرمیندے جو یروشلیم دے یہُودی اِیں کمر بند دے مالک کُوں اِینویں بَدھ تے غیر قوماں دے حوالے کر ڈیسن۔“

اعمال 21:13

پر پولُس جواب ڈِتا، ”تُساں ایہ کیا کریندے ہیوے؟ کیوں رو رو تے میڈا دل تُڑیندے ہیوے؟ مَیں یروشلیم ءچ خُداوند یسُوع دے ناں دی خاطر صرف بدھیجنڑ کیتے ای نئیں بلکہ مرݨ کیتے وی تیار ہاں۔“

اعمال 9:16

تے مَیں اُونکُوں ڈِکھا ڈیساں جو میڈے ناں دی خاطر اُونکُوں کتنا ڈُکھ جھلنڑا پوسی۔“

رومیوں 5:3

تے صرف اِیہو نئیں بلکہ اساں مُصیبتاں ءچ خوش تھیندے ہیں کیوں جو اساں جانڑدے ہیں جو مُصیبت نال صبر پیدا تھیندے۔

1کُرِنتھِیوں 15:58

اِیں کیتے میڈے عزیز بِھراؤ! مضبوط تے قائم راہو تے خُدا دی خدمت ءچ ہمیشاں جوش نال بھرے راہو کیوں جو تُساں جانڑدے ہیوے جو خُداوند کیتے تُہاڈی محنت بے فائدہ نئیں۔

1کُرِنتھِیوں 4:9

میکُوں تاں اِینویں لگدے جو خُدا اساں رسُولاں کُوں سبھ تُوں گھٹیا بنڑا تے اُنہاں جنگی قیدیاں وانگُوں پیش کیتے، جِنہاں کیتے موت مقرر تھی گئی ہے کیوں جو اساں پُوری دُنیا، فرشتیاں تے اِنساناں کیتے تماشا بنڑ گئے ہیں۔

اِفِسیوں 3:13

اِیں واسطے مَیں مِنت کریندا ہاں جو تُساں میڈی اِنہاں مُصیبتاں دی وجہ کنُوں جیہڑیاں مَیں تُہاڈی خاطر سہندا ہاں ہِمت نہ ہارو کیوں جو او تُہاڈے کیتے عزت دا سبب ہِن۔

فِلِپّیوں 1:28

تے ایہ وی جو تُساں کہیں گالھ ءچ وی آپنڑے مخالفاں کنُوں خوف زدہ نئیں۔ ایہ اُنہاں کیتے تاں ہلاکت دا نشان، پر تُہاڈے کیتے نجات دا نشان ہے تے ایہ خُدا دی طرفوں ہے۔

کلُسِّیوں 1:23

پر شرط ایہ ہے جو تُساں آپنڑے اِیمان دی بنیاد اُتے مضبوطی نال قائم راہو تے خوشخبری دی اُوں اُمید کُوں نہ چھوڑو جیہڑی تُہاکُوں خوشخبری سُنڑن نال مِلی ہے۔ خوشخبری دی تبلیغ اسمان دے تلے ساری مخلوقات ءچ کیتی گئی ہے تے مَیں پولُس اُوندا خادم بنڑیا۔

1تھِسّلُنیکیوں 5:9

کیوں جو خُدا ساکُوں اِیں واسطے نئیں چُنڑیا جو ساڈے اُتے غضب نازل تھیوے بلکہ اِیں واسطے جو اساں آپنڑے خُداوند یسُوع مسیح دے وسیلے نال نجات حاصل کرُوں۔

2تھِسّلُنیکیوں 1:4

اِیں واسطے اساں خُدا دیاں کلیسیاواں ءچ فخر نال تُہاڈا ذِکر کریندے ہیں جو ظلم تے مُصیبتاں سہوݨ دے باوجود تُساں بہُوں صبر نال آپنڑے اِیمان اُتے قائم ہیوے۔

2 تِیمُتھِیُس 1:8

اِیں واسطے تُوں ساڈے خُداوند دی گواہی ڈیوݨ تُوں نہ شرما، تے نہ میڈے تُوں جیہڑا اُوندی خاطر قیدی ہاں بلکہ خُدا دی قُدرت دی مدد نال میڈے نال خوشخبری دی خاطر ڈُکھ چا۔

1 پطرس 2:21

تُساں اِیں کیتے ای سڈے گئے ہیوے، کیوں جو مسیح تُہاڈے کیتے ڈُکھ چا تے ہِک نمونہ چھوڑ گِیا تاں جو تُساں اُوندے نقش ِ قدم اُتے ٹُرو۔

مُکاشفہ 2:10

جیہڑے ڈُکھ تیکُوں سہنڑے ہوسن اُنہاں کنُوں نہ ڈر۔ ڈیکھ ابلیس تیڈے لوکاں ءچوں کُجھ کُوں قید ءچ بند کراوݨ آلا ہے تاں جو تیکُوں ازماوے تے تُوں ڈاہ ہِک ڈینہہ تئیں مُصیبت چانویں۔ جان ڈیوݨ تئیں وفادار رہ تاں مَیں تیکُوں زندگی دا تاج ڈیساں۔

مُکاشفہ 2:13

”مَیں جانڑدا ہاں جو جِتھاں تُوں راہندیں اُتھاں شیطان دا تخت ہے، پر وَل وی تُوں میڈے ناں نال وفادار ریہا ہیں۔ تے اُنہاں ڈینہاں ءچ وی جِیں ویلے میڈا سچا گواہ اِنتپاس تیڈے شہر ءچ شہید کیتا گِیا جِتھاں شیطان راہندے، اُوں ویلے وی تَیں میڈے اُتے اِیمان رکھنڑ تُوں اِنکار نئیں کیتا۔