1تھِسّلُنیکیوں 3:11 - کِتاب مُقدّس سرائیکی ترجمہ

¹¹ ہُنڑ ساڈا خُدا تے باپ خود، تے ساڈا خُداوند یسُوع تُہاڈے دو ساڈی راہنمائی کرے۔

1تھِسّلُنیکیوں 3:11 Iomraidhean Croise

متّی 6:14

جے تُساں لوکاں دے قصُور معاف کریسو تاں تُہاڈا اسمانی باپ وی تُہاکُوں معاف کریسی۔

متّی 6:18

تاں جو بندہ نئیں بلکہ تیڈا اسمانی باپ جیہڑا نظر کنُوں لُکیا ہے، تیکُوں روزہ دار جانڑے۔ اِیں صورت ءچ تیڈا باپ جیہڑا نظر کنُوں لُکے ہوئے کم ڈیدھے، تیکُوں اجر ڈیسی۔

متّی 6:26

پکھیں کُوں ڈیکھو جیہڑے نہ تاں رہیندے ہِن نہ کپیندے ہِن نہ گوداماں ءچ جمع کریندے ہِن، وَل وی تُہاڈا اسمانی باپ اُنہاں کُوں کھویندے۔ کیا تُہاڈی قدر اُنہاں کنُوں زیادہ نئیں؟

متّی 6:32

کیوں جو اِنہاں ساریاں چیزاں دی گولھ ءچ تاں غیر قوماں راہندیاں ہِن، پر تُہاڈا اسمانی باپ جانڑدے جو تُساں اِنہاں سبھ چیزاں دے مُتھاج ہیوے۔

متّی 6:4

تاں جو تیڈی خیرات لُکی راہوے۔ وَل تیڈا باپ جیہڑا لُکے ہوئے کم ڈیدھے، تیکُوں اجر ڈیسی۔

متّی 6:6

بلکہ جِیں ویلے تُوں دُعا کریں تاں آپنڑی کوٹھڑی ءچ وَنج، تے دروازہ بند کر تے آپنڑے اسمانی باپ کنُوں جیہڑا نظر کنُوں لُکیا ہے دُعا کر۔ وَل تیڈا باپ جیہڑا تیڈے لُکے ہوئے کم ڈیدھے تیکُوں اجر ڈیسی۔

مرقس 1:3

بیابان ءچ ہکل ڈیوݨ آلے دی اواز آندی ہے جو ’رب کیتے راہ تیار کرو۔ اُوندے کیتے رستے سِدھے بنڑاؤ‘۔“

لُوقا 12:30

کیوں جو اِنہاں ساریاں چیزاں دی گولھ ءچ تاں دُنیا دیاں قوماں راہندیاں ہِن۔ پر تُہاڈا باپ جانڑدے جو تُساں اِنہاں چیزاں دے مُتھاج ہیوے۔

لُوقا 12:32

چھوٹے اِجڑ! نہ ڈر، کیوں جو تُہاڈے باپ کُوں پسند آیا جو تُہاکُوں بادشاہی ڈیوے۔

یُوحنّا 20:17

یسُوع اُونکُوں آکھیا، ”میکُوں پکڑی نہ رکھ کیوں جو مَیں حالی تئیں باپ دے کولھ اُتے نئیں گِیا، بلکہ وَنج تے میڈے بِھرانواں کُوں ڈسا جو مَیں آپنڑے باپ تے آپنڑے خُدا دے کولھ ویندا ہاں جیہڑا تُہاڈا وی باپ تے خُدا ہے۔“

رومیوں 1:3

آپنڑے پوتر دے بارے ءچ کیتا، جیہڑا جِسمانی لحاظ نال تاں داؤد دی نسل ءچوں ہا،

2کُرِنتھِیوں 6:18

تے تُہاڈا باپ ہوساں تے تُساں میڈے پوتر دِھیاں ہوسو۔ ایہ قول رب قادر مُطلق دا ہے۔“

گلتِیوں 1:4

یسُوع آپنڑے آپ کُوں ساڈے گُناہاں کیتے قُربان کر ڈِتا تاں جو او ساکُوں ساڈے خُدا تے باپ دی مرضی دے مطابق اِیں موجودہ بُرے زمانے کنُوں بچا گِھنے۔

کلُسِّیوں 1:2

ایہ اُنہاں مُقدّساں یعنی مسیح ءچ وفادار بِھرانواں دے ناں ہے جیہڑے کلُسے شہر ءچ ہِن۔ ساڈے خُدا باپ دی طرفوں تُہاکُوں فضل تے اِطمینان حاصل تھیندا راہوے۔

1تھِسّلُنیکیوں 3:13

او تُہاڈے دِلاں کُوں ایجھا مضبوط کرے جو جِیں ویلے ساڈا خُداوند یسُوع آپنڑے سارے مُقدّساں نال آوے تاں تُہاڈے دل ساڈے خُدا تے باپ دے سامنڑے پاک تے بے عیب ہووݨ۔

1تھِسّلُنیکیوں 4:16

کیوں جو خُداوند خود وڈی اُچی اواز ءچ ہِک حُکم نال تے سردار فرشتہ دی اواز تے خُدا دے نرسِنگے دے وجائے ونجنڑ دے نال اسمان تُوں تلے لہہ آسی۔ تے پہلے تاں او جیہڑے مسیح ءچ مر گئے ہِن زندہ تھی ویسن۔

1تھِسّلُنیکیوں 5:23

خُدا جیہڑا اِطمینان دا سر چشمہ ہے آپ ای تُہاکُوں مکمل طور تے پاک کرے۔ تے تُہاڈی رُوح، جان تے تُہاڈے جِسم خُداوند یسُوع مسیح دے آوݨ تئیں بے عیب تے محفوظ راہوݨ۔

2تھِسّلُنیکیوں 2:16

ہُنڑ ساڈا خُداوند یسُوع مسیح خود تے ساڈا باپ خُدا جئیں ساڈے نال محبت رکھی تے آپنڑے فضل نال ابدی تسلی تے چنگی اُمید بخشی،

2تھِسّلُنیکیوں 3:16

ہُنڑ خُداوند جیہڑا اِطمینان دا چشمہ ہے خود تُہاکُوں ہمیشاں تے ہر حالت ءچ اِطمینان بخشے۔ خُداوند تُساں سبھ نال راہوے۔

2تھِسّلُنیکیوں 3:5

خُداوند تُہاڈے دِلاں کُوں خُدا دی محبت تے آپنڑے صبر کُوں جانڑن دی ہدایت ڈیوے۔

1 یُوحنّا 3:1

ڈیکھو باپ ساڈے نال کیجھی محبت کیتی ہے جو اساں خُدا دے فرزند اکھویندے ہیں۔ تے اساں واقعی ہیں وی۔ دُنیا ساکُوں اِیں واسطے نئیں جانڑدی جو اِیں اُونکُوں وی نہ جانڑیا۔

مُکاشفہ 21:3

تے مَیں تخت ءچوں کہیں کُوں اُچی اواز نال ایہ آدھے سُنڑیا جو ”ڈیکھ خُدا دی سکونت گاہ ہُنڑ اِنساناں دے وچال ہے تے او اُنہاں نال سکونت کریسی۔ او اُوندے لوک ہوسن تے خُدا خود اُنہاں نال راہسی تے اُنہاں دا خُدا ہوسی۔