1تھِسّلُنیکیوں 2:8 - کِتاب مُقدّس سرائیکی ترجمہ

⁸ تُہاڈے کیتے ساڈی محبت اِتنی ہئی جو اساں نہ صرف خُدا دی خوشخبری سُنڑاونڑ بلکہ تُہاکُوں آپنڑی جان ڈے ڈیوݨ تئیں راضی ہسے کیوں جو تُساں ساکُوں بہُوں عزیز ہَوے۔

1تھِسّلُنیکیوں 2:8 Iomraidhean Croise

لُوقا 7:2

اُوں ویلے رومی فوج دے کہیں صوبہ دار دا ہِک نوکر جیہڑا اُونکُوں عزیز ہا، بیماری کنُوں مرݨ دے قریب ہا۔

رومیوں 1:1

ایہ خط میں پولُس دی طرفوں ہے جیہڑا یسُوع مسیح دا خادم ہاں۔ میں رسُول ہووݨ کیتے سڈیا گِیا ہاں تے خُدا دی خوشخبری سُناوݨ کیتے مقرر کیتا گِیا ہاں۔

رومیوں 10:1

بِھراؤ! اِسرائیلی قوم کیتے میڈی دِلی خواہش تے خُدا کنُوں میڈی دُعا ہے جو او نجات پاوݨ۔

رومیوں 15:29

مَیں جانڑدا ہاں جو جِیں ویلے تُہاڈے کولھ آساں تاں مسیح دیاں ساریاں برکتاں گِھن تے آساں۔

2کُرِنتھِیوں 12:15

اِیں واسطے مَیں تُہاڈی خاطر بہُوں خوشی نال آپنڑا سبھ کُجھ خرچ کر ڈیساں بلکہ آپ وی خرچ تھی ویساں۔ جے مَیں تُہاڈے نال بہُوں محبت رکھاں تاں کیا تُساں میڈے نال گھٹ محبت رکھیسو؟

2کُرِنتھِیوں 6:1

اساں جیہڑے خُدا دے کم ءچ شریک ہیں تُہاڈی مِنت کریندے ہیں جو خُدا دے اُوں فضل کُوں جیہڑا تُہاڈے اُتے تھئے بے فائدہ نہ تھیوݨ ڈیؤں۔

گلتِیوں 4:19

میڈے بالو! تُہاڈے کیتے میکُوں ولا کنُوں بال جاوݨ وانگُوں دے درد لگے ہِن تے اُوں ویلے تئیں لگے راہسن، جئیں تئیں مسیح دی صورت تُہاڈے ءچ قائم نہ تھی ونجے۔

فِلِپّیوں 1:8

خُدا گواہ ہے جو میڈے دل ءچ تُہاڈے کیتے یسُوع مسیح جیہی محبت ہے تے مَیں تُساں ساریاں کُوں مِلنڑ دی سِک رکھیندا ہاں۔

فِلِپّیوں 2:17

جے تُہاڈی خدمت تے قُربانی اُتے جیہڑی اِیمان دی وجہ کنُوں ہے، میڈی جان وِیٹے ونجنڑ آلی نذر دے طور تے وِیٹی ونجے تاں وَل وی مَیں خوش ہاں تے تُساں ساریاں نال خوشی کریندا ہاں۔

فِلِپّیوں 2:20

کیوں جو میڈے کولھ اُوندے جِیہا بِیا کوئی نئیں جیہڑا سچے دل نال تُہاڈی فِکر کریندا ہووے۔

فِلِپّیوں 4:1

اِیں واسطے میڈے پیارے بِھراؤ، جِنہاں نال مِلنڑ دی مَیں سِک رکھیندا ہاں تے تُساں جیہڑے میڈی خوشی تے میڈا تاج ہیوے۔ میڈے عزیزو، خُداوند ءچ اِینویں ای قائم راہو۔

کلُسِّیوں 1:28

اساں مسیح دی تبلیغ کریندے ہیں تے کمال دانائی نال سارے لوکاں کُوں نصیحت کریندے تے تعلیم ڈیندے ہیں، تاں جو اساں ہر بندے کُوں مسیح ءچ رُوحانی طور تے بالغ بنڑا تے پیش کر سگوں۔

کلُسِّیوں 1:7

تُساں ایہ خوشخبری ساڈے نال خدمت کرݨ آلے پیارے بِھرا اِپفُردِتُس کنُوں سُنڑی جیہڑا تُہاڈی خاطر مسیح دا وفادار خادم ہے۔

کلُسِّیوں 4:12

اِپَفراس جیہڑا تُہاڈے ءچوں ہے تے مسیح یسُوع دا خادم ہے تُہاکُوں سلام آدھے۔ او بہُوں محنت نال تُہاڈے کیتے دُعا کریندے جو تُساں خُدا دی پُوری مرضی ءچ کامِل تے پُورے اعتقاد نال ثابت قدم راہو۔

فِلیمون 1:1

ایہ خط میں پولُس دی طرفوں ہے جیہڑا مسیح یسُوع دی خاطر قید ءچ ہاں تے بِھرا تِیمُتِھیُس دی طرفوں وی۔ ایہ خط فِلیمون دے ناں ہے جیہڑا ساڈا عزیز ہم خدمت ہے،

عبرانیوں 13:17

آپنڑے راہنماواں دے تابع دار تے فرمانبردار راہو کیوں جو او تُہاڈی رُوحانی نِگرانی کریندے ہِن، ایہ جانڑدے ہوئے جو اِیں خدمت دا حساب ڈیونڑا پوسی۔ اُنہاں دے فرمانبردار راہو تاں جو آپنڑا کم خوشی نال کرݨ نہ جو شکایت نال، کیوں جو اِیں صورت ءچ تُہاکُوں کوئی فائدہ نہ تھیسی۔

1 یُوحنّا 3:16

اساں محبت کُوں اِیں تُوں جانڑیا ہے جو یسُوع مسیح ساڈے کیتے آپنڑی جان قُربان کر ڈِتی۔ تے ساڈے اُتے وی ایہ فرض ہے جو اساں آپنڑے بِھرانواں کیتے آپنڑی جان قُربان کرُوں۔