1تھِسّلُنیکیوں 2:5 - کِتاب مُقدّس سرائیکی ترجمہ

⁵ تُساں جانڑدے ہیوے جو اساں کڈھائیں وی خوشامد نئیں کیتی تے نہ لالچ نال کلام کیتے، خُدا اِیندا گواہ ہے۔

1تھِسّلُنیکیوں 2:5 Iomraidhean Croise

متّی 22:16

بس اُنہاں آپنڑے شاگرداں کُوں ہیرودیس دے پیروکاراں نال اُوندے کولھ بھیجیا تے اُنہاں آکھیا، ”اُستاد! اساں جانڑدے ہیں جو تُساں سچے ہیوے تے سچائی نال خُدا دی راہ دی تعلیم ڈیندے ہیوے، تے کہیں دی پرواہ نئیں کریندے کیوں جو تُساں کہیں بندے دے طرفدار نئیں۔

متّی 23:13

منافق شریعت دے عالمو تے فریسیو، تُہاڈے اُتے افسوس۔ تُساں اسمان دی بادشاہی لوکاں کیتے بند کریندے ہیوے۔ نہ تاں آپ داخل تھیندے ہیوے تے نہ اُنہاں کُوں جیہڑے داخل تھیوݨ چاہندے ہِن داخل تھیوݨ ڈیندے ہیوے۔

اعمال 20:33

مَیں کہیں دے سونے، چاندی یا کپڑے دا لالچ نئیں کیتا۔

رومیوں 1:9

خُدا جیندی خدمت مَیں دل و جان نال اُوندے پوتر دی خوشخبری سُنڑا تے کریندا ہاں، میڈا گواہ ہے جو مَیں تُہاکُوں آپنڑیاں دُعاواں ءچ ہمیشاں یاد کریندا ہاں۔

رومیوں 16:18

کیوں جو ایجھے لوک ساڈے خُداوند مسیح دی نئیں بلکہ آپنڑے پیٹ دی خدمت کریندے ہِن۔ او آپنڑے مِٹھے تے خوشامد دے گالھیں نال اُنہاں لوکاں کُوں دوکھا ڈیندے ہِن، جیہڑے کُجھ نئیں جانڑدے۔

رومیوں 9:1

مَیں مسیح ءچ سچ آدھا ہاں، کُوڑ نئیں بُولیندا بلکہ میڈا ضمیر وی رُوح القُدس دے تابع تھی تے گواہی ڈیندے،

2کُرِنتھِیوں 12:17

جیہڑے لوکاں کُوں مَیں تُہاڈے کولھ بھیجیا، کیا میں اُنہاں دے ذریعے تُہاڈے کنُوں کوئی ناجائز فائدہ چاتے؟

2کُرِنتھِیوں 2:17

اساں اُنہاں اکثر لوکاں آلی کار نئیں جیہڑے پیسے کیتے خُدا دے کلام ءچ ملاوٹ کریندے ہِن بلکہ خُدا دی طرفوں تے اُونکُوں حاضر جاݨ تے مسیح ءچ سچے دل نال گالھ کریندے ہیں۔

2کُرِنتھِیوں 4:2

اساں شرم دے لُکے گالھیں کُوں چھوڑ ڈِتے۔ نہ اساں مکاری کریندے ہیں تے نہ ای خُدا دے کلام ءچ ملاوٹ کریندے ہیں۔ بلکہ سچائی کُوں ظاہر کر تے خُدا دے حضُور ہر بندے دے دل ءچ آپنڑے آپ کُوں نیک ظاہر کریندے ہیں۔

2کُرِنتھِیوں 7:2

ساکُوں آپنڑے دِلاں ءچ جاہ ڈیؤ۔ نہ اساں کہیں نال بے اِنصافی کیتی، نہ کہیں کُوں وِگاڑیا تے نہ کہیں کُوں دوکھا ڈِتے۔

گلتِیوں 1:20

جیہڑے گالھیں مَیں تُہاکُوں لِکھدا پِیا ہاں، خُدا گواہ ہے جو او کُوڑیاں نئیں۔

1تھِسّلُنیکیوں 2:10

تُساں وی گواہ ہیوے تے خُدا وی گواہ ہے جو تُساں اِیمان گِھن آوݨ آلیاں نال ساڈا چل چلنڑ کیجھا پاک، راست تے بے عیب ریہا۔

1 تِیمُتھِیُس 3:3

او شرابی تے مار کُٹائی کرݨ آلا نہ ہووے بلکہ نرم دل ہووے۔ او بحث کرݨ آلا تے پیسیاں دا لالچی نہ ہووے۔

1 تِیمُتھِیُس 3:8

اِینویں ای جماعت دا اِنتظام کرݨ آلیاں کُوں وی چاہیدے جو او سنجیدہ ہووݨ، ڈُو زباناں آلے، شرابی تے پیسے دے لالچی نہ ہووݨ۔

طِطُس 1:7

نگہبان کُوں خُدا دے لوکاں دا مُختار ہووݨ دے سببّوں بے اِلزام ہوونڑا چاہیدے۔ او ضِدی تے کوڑیل نہ ہووے، شرابی تے مار کُٹ کرݨ آلا نہ ہووے تے نہ ای پیسے دا لالچی ہووے۔

1 پطرس 5:2

تُساں خُدا دے اِجڑ دی نگہبانی کرو، جیہڑا تُہاڈے سپُرد کیتا گئے۔ ایہ خدمت مجبوری نال نئیں بلکہ خُدا دی مرضی دے مطابق خوشی نال، مال دولت دے لالچ کیتے نئیں بلکہ دِلی شوق نال کرو۔

2 پطرس 2:18

ایہ لوک غرور دیاں فضول گالھیں کریندے ہِن، تے بے ہُودہ جسمانی خواہشاں نال ایجھے لوکاں کُوں ورغلیندے ہِن جیہڑے گُمراہی ءچ راہوݨ آلیاں ءچوں ہُنڑیں ہُنڑیں بچ نِکلے ہِن۔

2 پطرس 2:3

لالچ دے سببّوں ایہ اُستاد فرضی گالھیں سُنڑا تے تُہاڈے تُوں ناجائز فائدہ چیسن۔ پر اُنہاں دی سزا دا حُکم بہُوں پہلے کنُوں تھی گئے، تے او سزا تیار ہے تے اُنہاں دی ہلاکت ءچ دیر نہ تھیسی۔

یہُوداہ 1:11

اِنہاں اُتے افسوس! کیوں جو ایہ قائن دے رستے اُتے ٹُرے تے بلعام وانگُوں پیسے دے لالچ ءچ لوکاں کُوں دوکھا ڈیندے ریہے تے قورح وانگُوں مخالفت کر تے ہلاک تھئے۔