1تھِسّلُنیکیوں 2:19 - کِتاب مُقدّس سرائیکی ترجمہ

¹⁹ آخر ساڈی اُمید تے خوشی تے فخر دا تاج کیا ہے؟ خُداوند یسُوع دے واپس آوݨ ویلے جڈاں اساں اُوندے سامنڑے پیش تھیسوں تاں ساڈی اُمید یا خوشی یا او تاج جیندے اُتے اساں فخر کریسوں، کیا او تُساں ای نئیں؟

1تھِسّلُنیکیوں 2:19 Iomraidhean Croise

متّی 16:27

کیوں جو اِبنِ آدم آپنڑے باپ دے جلال ءچ آپنڑے فرشتیاں نال آسی۔ اُوں ویلے ہر ہِک کُوں اُوندے کماں دے مطابق اجر ڈیسی۔

مرقس 8:38

کیوں جو جیہڑا کوئی اِیں زِنا کار تے گُنہگار قوم ءچ مَیں کنُوں تے میڈے کلام کنُوں شرمیسی، مَیں اِبنِ آدم وی جِیں ویلے آپنڑے باپ دے جلال ءچ پاک فرشتیاں نال آساں تاں اُوندے کنُوں شرمیساں۔“

یُوحنّا 21:22

یسُوع اُونکُوں آکھیا، ”جے مَیں چاہواں جو ایہ میڈے ولنڑ تئیں زندہ راہوے تاں اِیندے نال تیکُوں کیا؟ تُوں میڈے پِچُھوں ٹُر۔“

1کُرِنتھِیوں 15:23

پر ہر ہِک آپنڑی آپنڑی واری نال۔ سبھ تُوں پہلے مسیح جیہڑا پہلا پھل ہے، تے وَل مسیح دے آوݨ تے اُوندے لوک۔

1کُرِنتھِیوں 4:5

اِیں واسطے تُساں وقت کنُوں پہلے کہیں گالھ دا فیصلہ نہ کرو بلکہ خُداوند دے آوݨ دا انتظار کرو۔ جیہڑے گالھیں اندھارے ءچ لُکے ہوئے ہِن او اُنہاں کُوں روشنی ءچ گِھن آسی تے لوکاں دے دل دے منصوبے ظاہر کریسی۔ اُوں ویلے ہر ہِک دی تعریف خُدا دی طرفوں کیتی ویسی۔

2کُرِنتھِیوں 1:14

جِینویں تُہاکُوں ساڈی کُجھ سمجھ آ گئی ہے، تُساں آخر تئیں وی پُوری طرحاں سمجھ گِھنسو۔ وَل خُداوند یسُوع دے واپس آوݨ دے ڈینہہ جِینویں اساں تُہاڈے کیتے فخر دا سبب ہیں، اُونویں ای تُساں وی ساڈے کیتے فخر دا سبب ہوسو۔

فِلِپّیوں 2:16

تے زندگی دا کلام پیش کریندے ہیوے تاں جو مسیح دے واپس آوݨ دے ڈینہہ میکُوں فخر ہووے جو نہ تاں میڈی بھج دھروک بیکار گئی تے نہ محنت بے فائدہ تھئی۔

فِلِپّیوں 4:1

اِیں واسطے میڈے پیارے بِھراؤ، جِنہاں نال مِلنڑ دی مَیں سِک رکھیندا ہاں تے تُساں جیہڑے میڈی خوشی تے میڈا تاج ہیوے۔ میڈے عزیزو، خُداوند ءچ اِینویں ای قائم راہو۔

1تھِسّلُنیکیوں 2:20

یقیناً ساڈا جلال تے ساڈی خوشی تُساں ای تاں ہیوے۔

1تھِسّلُنیکیوں 3:13

او تُہاڈے دِلاں کُوں ایجھا مضبوط کرے جو جِیں ویلے ساڈا خُداوند یسُوع آپنڑے سارے مُقدّساں نال آوے تاں تُہاڈے دل ساڈے خُدا تے باپ دے سامنڑے پاک تے بے عیب ہووݨ۔

1تھِسّلُنیکیوں 4:15

اساں خُداوند دی طرفوں تُہاکُوں آدھے ہیں جو اساں جیہڑے زندہ ہیں تے خُداوند دے آوݨ تئیں باقی راہسوں، اُنہاں کنُوں پہلے ہرگز اُونکُوں نہ مِلسُوں جیہڑے پہلے سَم گئے ہِن۔

1تھِسّلُنیکیوں 5:23

خُدا جیہڑا اِطمینان دا سر چشمہ ہے آپ ای تُہاکُوں مکمل طور تے پاک کرے۔ تے تُہاڈی رُوح، جان تے تُہاڈے جِسم خُداوند یسُوع مسیح دے آوݨ تئیں بے عیب تے محفوظ راہوݨ۔

2تھِسّلُنیکیوں 1:4

اِیں واسطے اساں خُدا دیاں کلیسیاواں ءچ فخر نال تُہاڈا ذِکر کریندے ہیں جو ظلم تے مُصیبتاں سہوݨ دے باوجود تُساں بہُوں صبر نال آپنڑے اِیمان اُتے قائم ہیوے۔

2تھِسّلُنیکیوں 1:7

تے تُہاکُوں ڈُکھ چاوݨ آلیاں کُوں ساڈے نال ارام ڈیوے۔ ایہ اُوں ویلے ہوسی جِیں ویلے خُداوند یسُوع آپنڑے زورآور فرشتیاں دے نال بھڑکدی ہوئی بھاہ ءچ اسمان ءچوں ظاہر تھیسی۔

2تھِسّلُنیکیوں 2:1

بِھراؤ! اساں آپنڑے خُداوند یسُوع مسیح دی ڈُوجھی آمد تے اُوندے کولھ جمع تھیوݨ دے بارے ءچ تُہاکُوں ایہ درخاست کریندے ہیں،

طِطُس 2:13

تے نال نال اُوں مُبارک اُمید یعنی آپنڑے عظیم خُدا تے نجات ڈیوݨ آلے یسُوع مسیح دے جلال ظاہر تھیوݨ دے اِنتظار ءچ راہوں۔

یعقُوب 5:7

اِیں کیتے بِھراؤ! خُداوند دے آوݨ تئیں صبر کرو۔ کِسان کُوں ڈیکھو، جیہڑا زمین ءچوں قیمتی پیداوار حاصل کرݨ کیتے خزاں تے بہار دے مینہ دا صبر نال اِنتظار کریندے۔

یعقُوب 5:8

تُساں وی صبر کرو تے دِلاں کُوں مضبوط رکھو کیوں جو خُداوند دی آمد نیڑے ہے۔

1 پطرس 5:4

وَل جِیں ویلے سردار آجڑی ظاہر تھیسی تاں تُساں اِنعام ءچ ایجھا تاج پیسو جِیندا جلال کڈھائیں ختم نہ تھیسی۔

2 پطرس 1:16

کیوں جو جِیں ویلے اساں تُہاکُوں آپنڑے خُداوند یسُوع مسیح دی قُدرت تے واپس آوݨ دے بارے ءچ ڈسایا ہا تاں اساں چالاکی نال گھڑیاں کہانڑیاں دی پیروی نہ کیتی ہئی بلکہ اساں اُوندی عظمت دے اکھیں ڈِٹھے گواہ ہسے۔

2 پطرس 3:4

تے اکھیسن، ”مسیح دے آوݨ دا وعدہ کِتھاں گِیا؟ ساڈے پِیُو ڈاڈا تاں مر گئے تے دُنیا دے خلق تھیوݨ تُوں ہُنڑ تئیں سبھ کُجھ اِینویں ای ہے۔“

1 یُوحنّا 2:28

ہُنڑ پیارے بالو! مسیح ءچ قائم راہو تاں جو جِیں ویلے او ظاہر تھیوے تاں ساکُوں اعتماد ہووے تے اُوندے آوݨ اُتے اساں اُوندے سامنڑے شرمندہ نہ تھیؤں۔

یہُوداہ 1:24

ہُنڑ جیہڑا تُہاکُوں گُمراہی تُوں بچا سگدے تے آپنڑی جلال آلی حضُوری ءچ بہُوں وڈی خوشی نال بے عیب بنڑا تے پیش کر سگدے،

مُکاشفہ 1:7

”ڈیکھو او بدلاں اُتے آوݨ آلا ہے تے ہر اکھ اُونکُوں ڈیکھسی جِنہاں اُونکُوں چھیدیا ہا او وی ڈیکھسن تے زمین دیاں سبھ قوماں اُوندے سببّوں دھاڑپِٹ کریسن ہا، اِینویں ای تھیوے۔ آمین۔“

مُکاشفہ 22:12

”ڈیکھ، مَیں جلدی آوݨ آلا ہاں۔ تے ہر ہِک دے کم دے مطابق ڈیوݨ کیتے اجر میڈے کولھ ہے۔