1تھِسّلُنیکیوں 2:18 - کِتاب مُقدّس سرائیکی ترجمہ

¹⁸ اِیں واسطے اساں تُہاڈے کولھ آوݨ چاہندے ہسے خاص طور تے مَیں پولُس ولا ولا کوشش کیتی، پر شیطان ساکُوں روکی رکھیا۔

1تھِسّلُنیکیوں 2:18 Iomraidhean Croise

متّی 4:10

یسُوع اُونکُوں آکھیا، ”شیطان! دُور تھی وَنج، کیوں جو لِکھیا ہے جو ’تُوں رب آپنڑے خُدا کُوں سجدہ کر تے صرف اُوندی عبادت کر‘۔“

رومیوں 1:13

بِھراؤ، مَیں نئیں چاہندا جو تُساں اِیں گالھ کنُوں ناواقف راہو جو مَیں کئی پھیری تُہاڈے کولھ آوݨ دا اِرادہ کیتا، تاں جو جِینویں ڈُوجھیاں غیر قوماں ءچ میڈی خدمت پھل گِھن آئی، تُساں ءچ وی گِھن آوے، پر مَیں اَج تئیں رُکیا ریہا۔

رومیوں 15:22

اِیں سببّوں مَیں تُہاڈے کولھ آوݨ کنُوں حالی تئیں رُکیا ریہا۔

1کُرِنتھِیوں 16:21

مَیں پولُس، آپنڑے ہتھ نال سلام لِکھدا ہاں۔

فِلِپّیوں 4:16

جِیں ویلے مَیں تھِسّلُنِیکے شہر ءچ ہم تاں تُساں میڈیاں ضرورتاں کُوں پُورا کرݨ کیتے ہِک پھیری نئیں بلکہ کئی پھیری مدد کیتی۔

کلُسِّیوں 4:18

مَیں پولُس آپنڑے ہتھ نال تُہاکُوں سلام لِکھدا پِیا ہاں۔ میڈے زنجیراں کُوں یاد رکھائے۔ خُدا دا فضل تُہاڈے نال راہوے۔

2تھِسّلُنیکیوں 3:17

مَیں پولُس آپنڑے ہتھ نال ایہ سلام لِکھدا ہاں۔ ہر خط ءچ میڈا اِیہو نشان ہوندے جیہڑا مَیں ثبوت دے طور تے لِکھدا ہاں۔

فِلیمون 1:9

وَل وی میکُوں ایہ زیادہ پسند ہے جو مَیں تیکُوں محبت دی وجہ تُوں درخاست کراں۔ مَیں پولُس، جیہڑا بُڈھا تے اِیں ویلے مسیح یسُوع دی خاطر قیدی ہاں،

مُکاشفہ 2:10

جیہڑے ڈُکھ تیکُوں سہنڑے ہوسن اُنہاں کنُوں نہ ڈر۔ ڈیکھ ابلیس تیڈے لوکاں ءچوں کُجھ کُوں قید ءچ بند کراوݨ آلا ہے تاں جو تیکُوں ازماوے تے تُوں ڈاہ ہِک ڈینہہ تئیں مُصیبت چانویں۔ جان ڈیوݨ تئیں وفادار رہ تاں مَیں تیکُوں زندگی دا تاج ڈیساں۔