1تھِسّلُنیکیوں 2:10 - کِتاب مُقدّس سرائیکی ترجمہ

¹⁰ تُساں وی گواہ ہیوے تے خُدا وی گواہ ہے جو تُساں اِیمان گِھن آوݨ آلیاں نال ساڈا چل چلنڑ کیجھا پاک، راست تے بے عیب ریہا۔

1تھِسّلُنیکیوں 2:10 Iomraidhean Croise

لُوقا 23:41

ساڈی سزا تاں جائز ہے کیوں جو اساں آپنڑے کماں دا بدلہ پیندے پئے ہیں پر اِیں کوئی ایجھا کم نئیں کیتا۔“

اعمال 20:18

جِیں ویلے او آئے تاں اُنہاں کُوں آکھیا، ”تُساں جانڑدے ہیوے جو جئیں ڈینہہ تُوں مَیں آسِیہ ءچ پیر رکھیا ہے میڈی زندگی تُہاڈے سامنڑے کیجھی لنگھدی پئی ہے۔

اعمال 20:26

اِیں واسطے اَج مَیں تُہاکُوں صاف آکھ ڈیندا ہاں جو مَیں تُہاڈے ءچوں کہیں دی ہلاکت دا ذمہ دار نئیں۔

اعمال 24:16

اِیں واسطے میڈی تاں اِیہو کوشش راہندی ہے جو خُدا تے اِنسان ڈوہائیں دے سامنڑے میڈی نیّت نیک راہوے۔

2کُرِنتھِیوں 1:12

ساکُوں آپنڑے ضمیر دی اِیں گواہی اُتے فخر ہے جو اساں دُنیا ءچ تے خاص طور تے تُہاڈے سامنڑے اُوں پاک دِلی تے سچائی نال زندگی گُزاری ہے جیہڑی خُدا دی طرفوں مِلدی ہے۔ ایہ ساڈی آپنڑی اِنسانی حِکمت نال نئیں بلکہ خُدا دے فضل نال تھئے۔

2کُرِنتھِیوں 11:11

آخر کیوں؟ کیا اِیں واسطے جو مَیں تُہاڈے نال محبت نئیں رکھیندا؟ خُدا جانڑدے جو مَیں تُہاڈے نال محبت رکھیندا ہاں۔

2کُرِنتھِیوں 11:31

خُداوند یسُوع دا خُدا تے باپ، جیندی ہمیشاں تئیں حمد تھیوے، جانڑدا ہے جو مَیں کُوڑ نئیں مریندا۔

2کُرِنتھِیوں 4:2

اساں شرم دے لُکے گالھیں کُوں چھوڑ ڈِتے۔ نہ اساں مکاری کریندے ہیں تے نہ ای خُدا دے کلام ءچ ملاوٹ کریندے ہیں۔ بلکہ سچائی کُوں ظاہر کر تے خُدا دے حضُور ہر بندے دے دل ءچ آپنڑے آپ کُوں نیک ظاہر کریندے ہیں۔

2کُرِنتھِیوں 5:11

اساں خُداوند دے خوف کُوں سامنڑے رکھ تے ڈُوجھیاں کُوں سمجھاوݨ دی کوشش کریندے ہیں۔ خُدا دے اگُوں ساڈی حقیقت ظاہر ہے تے میکُوں اُمید ہے جو تُساں وی ساکُوں چنگی طرحاں جانڑدے ہوسو۔

2کُرِنتھِیوں 7:2

ساکُوں آپنڑے دِلاں ءچ جاہ ڈیؤ۔ نہ اساں کہیں نال بے اِنصافی کیتی، نہ کہیں کُوں وِگاڑیا تے نہ کہیں کُوں دوکھا ڈِتے۔

1تھِسّلُنیکیوں 1:5

کیوں جو ساڈی خوشخبری صرف لفظاں نال نئیں بلکہ قُدرت، رُوح القُدس تے پُورے یقین نال تُہاڈے تئیں پُجی ہے۔ تُساں جانڑدے ہیوے جو اساں تُہاڈے وچال تُہاڈی خاطر کِینویں زندگی گُزریندے ہسے۔

1تھِسّلُنیکیوں 2:5

تُساں جانڑدے ہیوے جو اساں کڈھائیں وی خوشامد نئیں کیتی تے نہ لالچ نال کلام کیتے، خُدا اِیندا گواہ ہے۔

2تھِسّلُنیکیوں 3:7

تُساں خود جانڑدے ہیوے جو تُہاکُوں ساڈے نمونے اُتے کِینویں چلنڑا چاہیدے، کیوں جو اساں تُہاڈے وچال آلسی نہ ہسے،

1 تِیمُتھِیُس 4:12

کوئی وی تیڈی جوانی دی وجہ تُوں تیکُوں حقیر نہ سمجھے بلکہ تُوں کلام کرݨ، چال چلنڑ، محبت، اِیمان تے پاکیزگی ءچ اِیمانداراں کیتے نمونہ بنڑ۔

2 تِیمُتھِیُس 3:10

پر تُوں تعلیم ءچ، چال چلنڑ ءچ، مقصد ءچ، اِیمان ءچ، صبر ءچ، محبت ءچ، برداشت ءچ،

1 پطرس 5:3

تے جیہڑے لوک تُہاڈے سپُرد ہِن اُنہاں اُتے حُکم نہ چلاؤ بلکہ اِجڑ کیتے چنگا نمونہ بنڑو۔