1تھِسّلُنیکیوں 1:6 - کِتاب مُقدّس سرائیکی ترجمہ

⁶ بھانویں سخت مُصیبت آئی، وَل وی تُساں کلام کُوں رُوح القُدس دی ڈِتی ہوئی خوشی نال قبول کر تے ساڈے تے خُداوند دے نمونے اُتے چلنڑ آلے بنڑ گئے۔

1تھِسّلُنیکیوں 1:6 Iomraidhean Croise

متّی 16:24

اُوں ویلے یسُوع آپنڑے شاگرداں کُوں آکھیا، ”جے کوئی میڈی پیروی کرݨ چاہندے تاں او آپنڑی خُودی دا اِنکار کرے تے آپنڑی صلیب چا تے میڈے پِچُھوں تھی پووے۔

یُوحنّا 8:12

یسُوع ولا لوکاں نال کلام کریندے ہوئے آکھیا، ”دُنیا دا نُور مَیں ہاں، جیہڑا کوئی میڈی پیروی کریندے او کڈھائیں اندھارے ءچ نہ چلسی بلکہ اُوندے کولھ زندگی دا نُور ہوسی۔“

اعمال 13:52

پر شاگرد خوشی تے رُوح القُدس نال معمُور تھیندے ریہے۔

اعمال 5:41

بس رسُول عدالت ءچوں اِیں گالھ تُوں خوش تھی تے چلے گئے جو اساں یسُوع دے ناں دی خاطر بے عزت تھیوݨ دے لائق تاں تھئے۔

اعمال 9:31

بس پُورے یہُودیہ، گلیل تے سامریہ ءچ کلیسیا کُوں سکون تھی گِیا تے اُوندی ترقی تھیندی گئی۔ او خُداوند دے خوف ءچ زندگی گُزار تے، تے رُوح القُدس دی مدد نال گِنتری ءچ ودھدی ویندی ہئی۔

رومیوں 15:13

خُدا جیہڑا اُمید دا سرچشمہ ہے تُہاکُوں اِیمان رکھنڑ دے سببّوں ساری خوشی تے اِطمینان نال بھر ڈیوے تاں جو رُوح القُدس دی قُدرت نال تُہاڈی اُمید ودھدی ونجے۔

1کُرِنتھِیوں 11:1

تُساں میڈے نمونے اُتے ٹُرو جِینویں مَیں مسیح دے نمونے اُتے ٹُردا ہاں۔

1کُرِنتھِیوں 11:2

مَیں تُہاڈی تعریف کریندا ہاں جو تُساں ہر گالھ ءچ میکُوں یاد رکھیندے تے اُنہاں تعلیمات کُوں قائم رکھیندے ہیوے جیہڑیاں مَیں تُہاکُوں پُچائیاں۔

1کُرِنتھِیوں 4:16

بس مَیں تُہاڈی مِنت کریندا ہاں جو میڈے نمونے اُتے ٹُرو۔

2کُرِنتھِیوں 6:10

ڈُکھی ہیں پر ہمیشاں خوش راہندے ہیں، غریب ہیں پر بہُوں ساریاں کُوں دولت مند بنڑا ڈیندے ہیں، مسکین ہیں پر ساڈے کولھ سبھ کُجھ ہے۔

2کُرِنتھِیوں 8:5

تے صرف ساڈی اُمید دے مطابق ای نئیں ڈِتا بلکہ پہلے آپنڑے آپ کُوں خُداوند کیتے وقف کیتا تے وَل خُدا دی مرضی نال ساڈے کیتے وی۔

گلتِیوں 5:22

پر رُوح القُدس دا پھل محبت، خوشی، اِطمینان، صبر، مہربانی، نیکی، وفاداری،

اِفِسیوں 5:1

عزیز فرزند ہوندے ہوئے، خُدا دے نمونے اُتے چلو۔

فِلِپّیوں 3:17

بِھراؤ! تُساں سارے میڈے نمونے اُتے ٹُرو تے اُنہاں لوکاں اُتے غور کرو جیہڑے ساڈے ڈِتے ہوئے نمونہ اُتے ٹُردے ہِن۔

2تھِسّلُنیکیوں 1:4

اِیں واسطے اساں خُدا دیاں کلیسیاواں ءچ فخر نال تُہاڈا ذِکر کریندے ہیں جو ظلم تے مُصیبتاں سہوݨ دے باوجود تُساں بہُوں صبر نال آپنڑے اِیمان اُتے قائم ہیوے۔

2تھِسّلُنیکیوں 3:7

تُساں خود جانڑدے ہیوے جو تُہاکُوں ساڈے نمونے اُتے کِینویں چلنڑا چاہیدے، کیوں جو اساں تُہاڈے وچال آلسی نہ ہسے،

2تھِسّلُنیکیوں 3:9

اِیں واسطے نئیں جو ساڈا تُہاڈے اُتے کوئی حق نہ ہا بلکہ اِیں واسطے جو ایجھا نمونہ پیش کرُوں جیندے اُتے تُساں چل سگو۔

2 تِیمُتھِیُس 4:2

جو تُوں کلام دی تبلیغ کر، تے اِیندے کیتے چنگے ماڑے ویلے تیار رہ، بہُوں صبر نال تے تعلیم ڈیندے ہوئے لوکاں کُوں سمجھا، ملامت کر، تے نصیحت کر۔

عبرانیوں 10:34

تُساں قیدیاں نال ہمدردی کیتی تے آپنڑے مال دے لُٹے ونجنڑ کُوں وی خوشی نال قبول کیتا کیوں جو تُساں جانڑدے ہَوے جو ہِک بہتر تے ابدی ملکیت تُہاڈے کولھ ہے۔

1 پطرس 1:6

اِیہو وجہ ہے جو تُساں خوشی منیندے ہیوے، بھانویں جو کُجھ دیر کیتے طرحاں طرحاں دیاں ازمائیشاں دی وجہ کنُوں تُہاکُوں ڈُکھ برداشت کرنڑا پوندے،

1 پطرس 1:8

تُساں یسُوع کُوں نئیں ڈِٹھا وَل وی اُوندے نال محبت کریندے ہیوے۔ بھانویں تُساں اِیں وقت اُونکُوں نئیں ڈیدھے، وَل وی اُوندے اُتے اِیمان رکھیندے ہوئے ایجھی خوشی منیندے ہیوے جیہڑی بیان تُوں باہر تے جلال آلی ہے۔

1 پطرس 3:13

جے تُساں نیکی کرݨ دا جوش رکھیندے ہیوے تاں کوݨ تُہاکُوں نُقصان پُچیسی؟

3 یُوحنّا 1:11

میڈے عزیز! بُرائی دی نئیں بلکہ نیکی دی راہ اُتے ٹُر۔ نیکی کرݨ آلا خُدا تُوں ہے تے جیہڑا بُرائی کریندے، اُوں خُدا کُوں اصلُوں نئیں پچھانڑیا۔