1تھِسّلُنیکیوں 1:10 - کِتاب مُقدّس سرائیکی ترجمہ

¹⁰ تے ایہ وی جو تُساں اُوندے پوتر دے اسمان کنُوں آوݨ دا اِنتظار کریندے ہیوے، یعنی یسُوع جِینکُوں خُدا مُردیاں ءچوں زندہ کیتا تے جیہڑا ساکُوں آوݨ آلے غضب کنُوں بچیندے۔

1تھِسّلُنیکیوں 1:10 Iomraidhean Croise

متّی 1:21

اُوندے پوتر جمسی تے تُوں اُوندا ناں یسُوع رکھیں کیوں جو اُوہو آپنڑے لوکاں کُوں اُنہاں دے گُناہاں تُوں نجات ڈیسی۔“

متّی 16:27

کیوں جو اِبنِ آدم آپنڑے باپ دے جلال ءچ آپنڑے فرشتیاں نال آسی۔ اُوں ویلے ہر ہِک کُوں اُوندے کماں دے مطابق اجر ڈیسی۔

متّی 16:28

مَیں تُہاکُوں سچ آدھا ہاں جو جیہڑے اِتھاں کھڑے ہِن اُنہاں ءچوں کُجھ ایجھے ہِن جو جئیں تئیں اِبنِ آدم کُوں اُوندی بادشاہی ءچ آندے ہوئے ڈیکھ نہ گِھنسن، ہرگز نہ مرسن۔“

متّی 3:7

پر جِیں ویلے اُوں بہُوں سارے فریسیاں تے صدوقیاں کُوں بپتسمہ کیتے آپنڑے کولھ آندے ڈِٹھا تاں اُنہاں کُوں آکھیا جو ”نانگ دے بالو! تُہاکُوں کئیں چتا ڈِتے جو آوݨ آلے قہر کنُوں بھجو؟

لُوقا 2:25

یروشلیم ءچ ہِک بندہ ہا جِیندا ناں شمعون ہا۔ او نیک تے خُدا ترس تے اِسرائیل دی نجات دا اِنتظار کریندا پِیا ہا تے رُوح القُدس اُوندے اُتے ہا۔

لُوقا 3:7

بس جیہڑے لوک یُوحنّا تُوں بپتسمہ گِھننڑ کیتے آندے ہَن او اُنہاں کُوں آدھا ہا، ”نانگ دے بالو! تُہاکُوں کئیں چتا ڈِتے جو آوݨ آلے قہر کنُوں بھجو؟

اعمال 1:11

تے آکھنڑ لگے ”گلیل دے مردو! تُساں کھڑے کھڑے اسمان دو کیوں ڈیدھے پئے ہیوے؟ اِیہو یسُوع جیہڑا تُہاڈے سامنڑے اسمان اُتے چا گِھدا گِیا ہے اِینویں ای ولا آسی جِینویں تُساں اُونکُوں اسمان دو ویندے ڈِٹھے۔“

اعمال 17:31

کیوں جو اُوں ہِک ڈینہہ مقرر کر ڈِتے جِیں ویلے او عدل نال ساری دُنیا دی عدالت اُوں بندے دے ذریعے کریسی جِینکُوں اُوں مقرر کیتا ہے۔ تے اُونکُوں مُردیاں ءچوں زندہ کر تے ایہ گالھ سارے اِنساناں اُتے ثابت کر ڈِتی ہے۔“

اعمال 2:24

پر خُدا اُونکُوں زندہ کر ڈِتا تے موت دے قبضے تُوں چُھڑایا کیوں جو ایہ ممکن نہ ہا جو او موت دے قبضہ ءچ راہندا۔

اعمال 2:32

خُدا یسُوع کُوں زندہ کیتا تے اساں سارے اِیں گالھ دے گواہ ہیں۔

اعمال 3:15

تُساں زندگی دے مالک کُوں قتل کر ڈِتا جِینکُوں خُدا مُردیاں ءچوں زندہ کیتا۔ اساں اِیندے گواہ ہیں۔

اعمال 3:21

پر یسُوع دا اسمان اُتے راہنڑ ضرور ہے جئیں تئیں او ساریاں چیزاں بحال نہ کر ڈِتیاں ونجنڑ جِنہاں دا ذِکر خُدا دُنیا دے شروع کنُوں آپنڑے پاک نبیاں دی زبانی کیتے۔

اعمال 4:10

تاں تُساں تے ساری اِسرائیلی قوم ایہ جاݨ گِھنے جو یسُوع مسیح ناصری دے ناں نال جِینکُوں تُساں صلیب اُتے چڑھا ڈِتا تے جِینکُوں خُدا مُردیاں ءچوں زندہ کیتا، ایہ بندہ تُہاڈے سامنڑے تندرُست کھڑا ہے۔

رومیوں 1:4

پر پاکیزگی دی رُوح دے لحاظ نال مُردیاں ءچوں زندہ تھیوݨ دے سببّوں بہُوں قُدرت نال خُدا دا پوتر ثابت تھیّا۔ ایہ ساڈا خُداوند یسُوع المسیح ہے،

رومیوں 2:7

جیہڑے نیک کماں ءچ قائم رہ تے جلال، عزت تے ختم نہ ہووݨ آلی زندگی دے طالب ہِن اُنہاں کُوں ہمیشاں دی زندگی ڈیسی۔

رومیوں 4:25

او ساڈے گُناہاں کیتے موت دے حوالے کیتا گِیا تے ساکُوں راستباز بنڑاوݨ کیتے زندہ کیتا گِیا۔

رومیوں 8:34

کوݨ اُنہاں کُوں قصُوروار کھڑا سگدے؟ مسیح یسُوع جیہڑا مر گِیا تے زندہ وی تھی گِیا تے جیہڑا خُدا دے سجے پاسُوں موجود ہے، اُوہو ساڈی شفاعت وی کریندے۔

1کُرِنتھِیوں 1:7

ہُنڑ ساڈے خُداوند یسُوع مسیح دے ظاہر تھیوݨ دے اِنتظار ءچ راہندے ہوئے تُہاکُوں کہیں رُوحانی نعمت دی کمی نئیں۔

گلتِیوں 3:13

مسیح ساڈے کیتے لعنتی بنڑ تے ساکُوں شریعت دی لعنت کنُوں چُھڑا گِھدا کیوں جو لِکھیا ہے جو ”جیہڑا کوئی درخت اُتے لٹکایا گِیا او لعنتی ہے، “

فِلِپّیوں 3:20

پر ساڈی شہریت اسمان اُتے ہے تے اساں آپنڑے نجات ڈیوݨ آلے یعنی خُداوند یسُوع مسیح دے اُتھوں کنُوں واپس آوݨ دے اِنتظار ءچ ہیں۔

کلُسِّیوں 1:18

اُوہو بدن یعنی کلیسیا دا سر ہے۔ اُوہو مُنڈھ ہے تے مُردیاں ءچوں زندہ تھیوݨ آلیاں ءچوں پلوٹھا، تاں جو سارے گالھیں ءچ اُوندا درجہ پہلا ہووے۔

1تھِسّلُنیکیوں 1:7

اِینویں تُساں مَکِدُنیہ تے اَخیہ دے سبھ اِیمانداراں کیتے نمونہ بنڑ گئے۔

1تھِسّلُنیکیوں 2:16

کیوں جو او ساکُوں غیر قوماں کُوں خُدا دا کلام سُنڑاوݨ کنُوں روکیندے ہِن تاں جو او نجات نہ پاوݨ۔ اِینویں اُنہاں دے گُناہاں دا پیالہ بھریندا راہندے۔ پر آخر خُدا دا غضب اُنہاں اُتے نازل تھی گِیا۔

1تھِسّلُنیکیوں 2:7

اِیندے بجائے، جِینویں ہِک ماء آپنڑے بالاں دی نرمی نال ڈیکھ بھال کریندی ہے اُونویں ای اساں وی تُہاڈے وچال نرمی نال ریہے۔

1تھِسّلُنیکیوں 5:9

کیوں جو خُدا ساکُوں اِیں واسطے نئیں چُنڑیا جو ساڈے اُتے غضب نازل تھیوے بلکہ اِیں واسطے جو اساں آپنڑے خُداوند یسُوع مسیح دے وسیلے نال نجات حاصل کرُوں۔

2 تِیمُتھِیُس 4:1

مَیں خُدا تے یسُوع مسیح کُوں جیہڑا زندیاں تے مُردیاں دی عدالت کریسی، گواہ بنڑا تے مسیح دے ظہور تے بادشاہی دی یاد ڈیوا تے تیکُوں تاکید کریندا ہاں،

طِطُس 2:13

تے نال نال اُوں مُبارک اُمید یعنی آپنڑے عظیم خُدا تے نجات ڈیوݨ آلے یسُوع مسیح دے جلال ظاہر تھیوݨ دے اِنتظار ءچ راہوں۔

عبرانیوں 10:27

وَل صرف خُدا دی عدالت دا خوفناک اِنتظار تے بھڑکدی ہوئی بھاہ باقی ہے جیہڑی خُدا دے دُشمنڑاں کُوں کھا ویسی۔

عبرانیوں 9:28

اُونویں ای مسیح وی بہُوں سارے لوکاں دے گُناہ آپنڑے سر اُتے چاوݨ کیتے ہِکے پھیری قُربان تھیّا۔ تے او ڈُوجھی پھیری گُناہ چاوݨ کیتے نئیں بلکہ اُنہاں لوکاں کُوں نجات ڈیوݨ کیتے ڈِکھالی ڈیسی جیہڑے اُوندے اِنتظار ءچ ہِن۔

1 پطرس 1:21

تُساں مسیح دے وسیلے نال خُدا اُتے اِیمان گِھن آئے ہیوے، جئیں اُونکُوں مُردیاں ءچوں زندہ کیتا تے جلال بخشیا تاں جو تُہاڈا اِیمان تے تُہاڈی اُمید خُدا اُتے ہووے۔

1 پطرس 1:3

ساڈے خُداوند یسُوع مسیح دے خُدا تے باپ دی حمد تھیوے۔ اُوں یسُوع مسیح کُوں مُردیاں ءچوں زندہ کر تے آپنڑی وڈی رحمت نال ساکُوں نویں سرے تُوں پیدا کیتا، تے ہُنڑ ساکُوں ہِک زندہ اُمید مِلی ہے

1 پطرس 2:21

تُساں اِیں کیتے ای سڈے گئے ہیوے، کیوں جو مسیح تُہاڈے کیتے ڈُکھ چا تے ہِک نمونہ چھوڑ گِیا تاں جو تُساں اُوندے نقش ِ قدم اُتے ٹُرو۔

1 پطرس 3:18

کیوں جو مسیح جیہڑا راستباز ہا، بدکاراں دے گُناہاں دی خاطر ہمیشاں کیتے ہِکے پھیری ڈُکھ چاتا تاں جو ساکُوں خُدا تئیں پُچا ڈیوے۔ او جِسم دے اعتبار نال تاں ماریا گِیا پر رُوح دے اعتبار نال زندہ کیتا گِیا۔

2 پطرس 3:12

خُدا دے اُوں ڈینہہ دے بہُوں مُشتاق تے اِنتظار ءچ راہونڑا چاہیدے جو او جلد آسی۔ اُوں ڈینہہ اسمان بھاہ نال سڑ تے برباد تھی ویسی تے اسمان دیاں سبھ چیزاں بھاہ دی شِدت کنُوں پگھر ویسن۔

2 پطرس 3:14

بس عزیزو، کیوں جو تُساں اِنہاں گالھیں دے اِنتظار ءچ ہیوے، اِیں واسطے پُوری کوشش کرو جو تُساں خُدا دے نال صُلح ءچ اُوندے نزدیک بے داغ تے بے اِلزام تے ثابت تھیؤ۔

مُکاشفہ 1:18

مَیں او ہاں جیہڑا زندہ راہندا ہاں۔ مَیں مر گِیا ہم پر ڈیکھ ہُنڑ مَیں ہمیشاں کیتے زندہ ہاں۔ موت تے عالم ِ ارواح دیاں چابیاں میڈے کولھ ہِن۔

مُکاشفہ 1:7

”ڈیکھو او بدلاں اُتے آوݨ آلا ہے تے ہر اکھ اُونکُوں ڈیکھسی جِنہاں اُونکُوں چھیدیا ہا او وی ڈیکھسن تے زمین دیاں سبھ قوماں اُوندے سببّوں دھاڑپِٹ کریسن ہا، اِینویں ای تھیوے۔ آمین۔“