1 پطرس 5:8 - کِتاب مُقدّس سرائیکی ترجمہ

⁸ ہوشیار تے خبردار راہو کیوں جو تُہاڈا دُشمنڑ ابلیس گجنڑ آلے ببرشیر وانگُوں گولھیندا ودے جو کہیں کُوں پھاڑ کھاوے۔

1 پطرس 5:8 Iomraidhean Croise

متّی 13:39

دُشمنڑ جئیں اُنہاں کُوں رہایا ابلیس ہے تے کٹائی دُنیا دا آخر ہے تے کٹائی کرݨ آلے فرشتے ہِن۔

متّی 24:42

بس جاگدے راہو کیوں جو تُساں نئیں جانڑدے جو تُہاڈا مالک کیہڑے ڈینہہ آسی۔

متّی 25:41

وَل او آپنڑے کھبے پاسے آلیاں کُوں اکھیسی، ’لعنتیو! میڈے سامنڑے کنُوں پرے تھی ونجو، تے اُوں ہمیشاں تئیں بلنڑ آلی بھاہ ءچ چلے ونجو جیہڑی ابلیس تے اُوندے فرشتیاں کیتے تیار کیتی گئی ہے۔

متّی 4:1

وَل رُوح القُدس یسُوع کُوں بیابان ءچ گِھن گِیا تاں جو او ابلیس تُوں ازمایا ونجے۔

متّی 4:11

وَل ابلیس اُوندے کنُوں چلیا گِیا تے فرشتے آ تے اُوندی خدمت کرݨ لگے۔

مرقس 4:15

راہ دے کنارے آلے دانڑے او لوک ہِن جیہڑے کلام سُنڑدے تاں ہِن پر شیطان فوراً کلام کُوں کڈھ تے گِھن ویندے جیہڑا اُنہاں دے دِلاں ءچ رہایا گِیا ہا۔

لُوقا 21:34

بس خبردار راہو، اِینویں نہ تھیوے جو تُہاڈے دل عیاشی تے شراب پِیوݨ تے اِیں زندگی دیاں فِکراں ءچ سُست تھی ونجنڑ تے او ڈینہہ تُہاڈے اُتے پھندے وانگُوں اچانک آ ونجے۔

لُوقا 21:36

بس ہر ویلے جاگدے تے دُعا کریندے راہو تاں جو تُہاکُوں اِنہاں سارے گالھیں کنُوں جیہڑیاں تھیوݨ آلیاں ہِن، بچنڑ تے اِبنِ آدم دے حضُور ءچ کھڑے تھیوݨ دی قُدرت ہووے۔“

لُوقا 22:31

شمعون! شمعون! ڈیکھ شیطان اِجازت منگی ہے جو تُہاکُوں دانڑیاں وانگُوں پھٹکے،

یُوحنّا 8:44

تُساں آپنڑے پِیُو ابلیس کنُوں ہیوے تے آپنڑے پِیُو دیاں خواہشاں کُوں پُورا کرݨ چاہندے ہیوے۔ او شروع کنُوں ای خونی ہے تے سچائی اُتے قائم نئیں ریہا کیوں جو اُوندے ءچ سچائی کائنی۔ جِیں ویلے او کُوڑ بُلیندا ہے تاں آپنڑی فطرت دے مطابق آدھے، کیوں جو او کُوڑا ہے بلکہ کُوڑاں دا پِیُو ہے۔

2کُرِنتھِیوں 2:11

اِینویں نہ تھیوے جو شیطان کُوں ساڈے تُوں فائدہ چاوݨ دا موقع مِل ونجے کیوں جو اساں اُوندیاں چالاں کُوں چنگی طرحاں جانڑدے ہیں۔

اِفِسیوں 4:27

تے ابلیس کُوں موقع نہ ڈیؤ۔

اِفِسیوں 6:11

خُدا دے ڈِتے ہوئے سارے ہتھیار تے حفاظتی لباس پا گِھنو تاں جو تُساں ابلیس دے منصوبیاں دا مُقابلہ کر سگو۔

1 تِیمُتھِیُس 2:15

پر اُونکُوں بال جمنڑ نال نجات مِلسی، پر شرط ایہ ہے جو او اِیمان، محبت، پاکیزگی تے پرہیزگاری نال زندگی گُزریندی راہوے۔

1 تِیمُتھِیُس 2:9

اِینویں ای عورتاں مناسب کپڑے پا تے آپنڑے آپ کُوں حیاداری تے پرہیزگاری نال سنوارݨ، نہ جو فیشن کر تے وال بنڑاوݨ نال تے نہ ای سونے دے زیور یا موتیاں یا قیمتی پُشاک نال۔

1 تِیمُتھِیُس 3:11

اُنہاں دی ذالاں کُوں وی چاہیدے جو او سنجیدہ ہووݨ، ڈُوجھیاں کُوں بدنام کرݨ آلیاں نہ ہووݨ بلکہ پرہیز گار تے ہر گالھ ءچ اِیماندار ہووݨ۔

1 تِیمُتھِیُس 3:2

اِیں واسطے نگہبان کُوں چاہیدے جو او بے اِلزام، ہِک ذال دا پایا، پرہیزگار، مُتّقی، شریف، مہمان نواز تے تعلیم ڈیوݨ دے قابل ہووے۔

2 تِیمُتھِیُس 4:17

پر خُداوند میڈا مددگار ہئی، تے اُوں میکُوں طاقت ڈِتی تاں جو میڈے وسیلے اُوندا پیغام پُوری طرحاں سُنڑایا ونجے تے سارے غیر قوماں آلے اُونکُوں سُنڑݨ۔ تے اِینویں مَیں شیر دے مُنہ کنُوں چُھڑایا گِیا۔

طِطُس 1:8

بلکہ مہمان نواز، بھلائی نال محبت کرݨ آلا، مُتّقی، اِنصاف پسند، پاک تے آپنڑے نفس اُتے قابو رکھنڑ آلا ہووے۔

طِطُس 2:12

او فضل ساکُوں تربیت ڈیندے جو اساں بے دینی تے دُنیاوی خواہشاں کُوں چھوڑ تے اِیں موجودہ جہان ءچ پرہیزگاری، راستبازی، تے دینداری نال زندگی گُزاروں،

طِطُس 2:2

بزُرگ مرداں کُوں سِکھا جو او پرہیزگار، شریف تے مُتّقی ہووݨ تے اِیمان رکھنڑ ءچ تے محبت تے صبر کرݨ ءچ مضبوط ہووݨ۔

طِطُس 2:4

تاں جو او جوان عورتاں کُوں سمجھا سگنڑ جو او آپنڑے پایاں تے بالاں کُوں پیار کرݨ،

طِطُس 2:6

اِینویں ای جوان مرداں کُوں وی نصیحت کر جو او مُتّقی بنڑݨ۔

یعقُوب 4:7

اِیں واسطے خُدا دے تابع راہو۔ ابلیس دا مُقابلہ کرو تاں او تُہاڈے کنُوں بھج ویسی۔

1 پطرس 1:13

اِیں واسطے ذہنی طور تے تیار تے ہوشیار تھی ونجو تے اُوں فضل اُتے پُوری اُمید رکھو جیہڑا یسُوع مسیح دے ظہور ویلے تُہاڈے اُتے تھیسی۔

1 پطرس 4:7

سبھ چیزاں دے خاتمے دا وقت نیڑے ہے۔ اِیں واسطے دُعا کرݨ کیتے سنجیدہ تے ہوشیار راہو۔

مُکاشفہ 12:10

وَل مَیں اسمان کنُوں ہِک اُچی اواز سُنڑی جیہڑی ایہ آدھی پئی ہئی جو ”ہُنڑ ساڈے خُدا دی نجات، قُدرت تے بادشاہی تے اُوندے مسیح دا اِختیار ظاہر تھئے کیوں جو ساڈے بِھرانواں اُتے اِلزام لاوݨ آلا جیہڑا ڈینہہ رات خُدا دے حضُور اُنہاں اُتے اِلزام لیندا راہندے، تلے سَٹ ڈِتا گئے۔

مُکاشفہ 12:12

اِیں واسطے اسمانو تے اُنہاں ءچ راہنڑ آلیو، خوشی مناؤ۔ پر زمین تے سمندر ءچ راہنڑ آلیو، تُہاڈے اُتے افسوس، کیوں جو ابلیس تُہاڈے کولھ تلے سَٹ ڈِتا گئے۔ او بہُوں قہر ءچ ہے کیوں جو او جانڑدے جو اُوندے کولھ بہُوں گھٹ وقت ہے۔“

مُکاشفہ 12:9

تے او وڈا اژدہا یعنی اُوہو پُرانڑا نانگ جِیندا ناں ابلیس تے شیطان ہے تے جیہڑا ساری دُنیا کُوں گُمراہ کریندے، او تے اُوندے فرشتے وی زمین اُتے سَٹ ڈِتے گئے۔

مُکاشفہ 20:10

تے ابلیس، جئیں اُنہاں کُوں گُمراہ کیتا ہا، گندھک تے بھاہ دی جھیل ءچ سٹیا گِیا جِتھاں او حیوان تے کُوڑا نبی وی ہئی تے او ڈینہہ رات ہمیشاں تئیں عذاب ءچ راہسن۔

مُکاشفہ 20:2

اُوں اژدہے یعنی اُوں پُرانڑے نانگ کُوں جیہڑا ابلیس تے شیطان ہے، پکڑیا تے ہِک ہزار سال کیتے بَدھ ڈِتا۔