1 پطرس 5:4 - کِتاب مُقدّس سرائیکی ترجمہ

⁴ وَل جِیں ویلے سردار آجڑی ظاہر تھیسی تاں تُساں اِنعام ءچ ایجھا تاج پیسو جِیندا جلال کڈھائیں ختم نہ تھیسی۔

1 پطرس 5:4 Iomraidhean Croise

یُوحنّا 10:11

چنگا آجڑی مَیں ہاں۔ چنگا آجڑی آپنڑیاں بھیڈاں کیتے جان ڈیندے۔

1کُرِنتھِیوں 9:25

مُقابلہ ءچ حصہ گِھننڑ آلے ہر طرحاں دا پرہیز کریندے ہِن۔ او لوک ہِک مُرجھاوݨ آلا ہار حاصل کرݨ کیتے اِینویں کریندے ہِن، پر اساں اُوں ہار کیتے اِینویں کریندے ہیں جیہڑا کڈھائیں نہ مُرجھیسی۔

2 تِیمُتھِیُس 4:8

ہُنڑ راستبازی دا تاج میڈے کیتے رکھیا ہے۔ ایہ تاج خُداوند جیہڑا عادل مُنصف ہے میکُوں آپنڑے واپس آوݨ دے ڈینہہ ڈیسی۔ تے نہ صرف میکُوں بلکہ اُنہاں ساریاں کُوں وی جِنہاں اُوندے ظاہر تھیوݨ دی سِک رکھی ہے۔

عبرانیوں 13:20

اِطمینان دا خُدا جئیں اُوں ابدی عہد قائم کرݨ آلے خون دے ذریعے بھیڈاں دے عظیم آجڑی یعنی ساڈے خُداوند یسُوع کُوں مُردیاں ءچوں زندہ کیتا،

یعقُوب 1:12

مُبارک ہے او بندہ جیہڑا ازمائش ویلے ثابت قدم راہندے، کیوں جو کامیاب تھیوݨ اُتے اُونکُوں اِنعام ءچ زندگی دا او تاج مِلسی جِیندا وعدہ خُداوند آپنڑے سبھ پیار کرݨ آلیاں نال کیتے۔

1 پطرس 1:4

یعنی ہِک نہ ختم تھیوݨ آلی، بے داغ تے لازوال میراث جیہڑی خُدا دی طرفوں ساڈے کیتے اسمان اُتے محفوظ ہے۔

1 پطرس 2:25

پہلے تُساں بھیڈاں وانگُوں آوارہ پِھردے ہَوے پر ہُنڑ آپنڑیاں جاناں دے آجڑی تے نگہبان دے کولھ واپس آ گئے ہیوے۔

1 پطرس 5:2

تُساں خُدا دے اِجڑ دی نگہبانی کرو، جیہڑا تُہاڈے سپُرد کیتا گئے۔ ایہ خدمت مجبوری نال نئیں بلکہ خُدا دی مرضی دے مطابق خوشی نال، مال دولت دے لالچ کیتے نئیں بلکہ دِلی شوق نال کرو۔

1 یُوحنّا 3:2

عزیزو! اساں اِیں ویلے خُدا دے فرزند ہیں پر اجنڑ تئیں ایہ ظاہر نئیں تھیّا جو بِیا کیا کُجھ ہوسُوں۔ پر اِتنا جانڑدے ہیں جو جِیں ویلے یسُوع ظاہر تھیسی تاں اساں اُوندے وانگُوں ہوسُوں کیوں جو اساں اُونکُوں اُونویں ای ڈیکھسوں جِینویں او اصل ءچ ہے۔

مُکاشفہ 1:7

”ڈیکھو او بدلاں اُتے آوݨ آلا ہے تے ہر اکھ اُونکُوں ڈیکھسی جِنہاں اُونکُوں چھیدیا ہا او وی ڈیکھسن تے زمین دیاں سبھ قوماں اُوندے سببّوں دھاڑپِٹ کریسن ہا، اِینویں ای تھیوے۔ آمین۔“

مُکاشفہ 2:10

جیہڑے ڈُکھ تیکُوں سہنڑے ہوسن اُنہاں کنُوں نہ ڈر۔ ڈیکھ ابلیس تیڈے لوکاں ءچوں کُجھ کُوں قید ءچ بند کراوݨ آلا ہے تاں جو تیکُوں ازماوے تے تُوں ڈاہ ہِک ڈینہہ تئیں مُصیبت چانویں۔ جان ڈیوݨ تئیں وفادار رہ تاں مَیں تیکُوں زندگی دا تاج ڈیساں۔

مُکاشفہ 3:11

ڈیکھ! مَیں جلدی آندا پِیا ہاں۔ جیہڑا کُجھ تیڈے کولھ ہے، اُونکُوں مضبوطی نال پکڑی رکھ تاں جو تیڈا تاج کوئی کَھس نہ گِھنے۔