1 پطرس 5:3 - کِتاب مُقدّس سرائیکی ترجمہ

³ تے جیہڑے لوک تُہاڈے سپُرد ہِن اُنہاں اُتے حُکم نہ چلاؤ بلکہ اِجڑ کیتے چنگا نمونہ بنڑو۔

1 پطرس 5:3 Iomraidhean Croise

یُوحنّا 13:15

کیوں جو مَیں تُہاکُوں ہِک نمونہ ڈِتے جو جِینویں مَیں کیتے، تُساں وی اُونویں ای کرو۔

اعمال 20:28

بس آپنڑا تے آپنڑے سارے اِجڑ دا خیال رکھو جیندے تُساں رُوح القُدس دی طرفوں نگہبان مقرر کیتے گئے ہیوے تاں جو خُدا دی کلیسیا دی نگہبانی کرو، جِینکُوں اُوں آپنڑے پوتر دے خون نال مُل گِھدے۔

1کُرِنتھِیوں 11:11

وَل وی خُداوند ءچ عورت کُوں مرد دی تے مرد کُوں عورت دی ضرورت ہے۔

1کُرِنتھِیوں 3:5

آخر اپُلّوس کیا ہے تے پولُس کیا ہے؟ ایہ صرف خادم ہِن جِنہاں دے وسیلے تُساں اِیمان گِھن آئے تے اساں ڈُوہائیں اُوہو کم کیتا جیہڑا خُداوند ساڈے کیتے علیحدہ علیحدہ مقرر کیتا۔

1کُرِنتھِیوں 3:9

کیوں جو اساں رَل تے خُدا دے کم کرݨ آلے ہیں تے تُساں خُدا دی کھیتی ہیوے۔ تے تُساں خُدا دا گھر وی ہیوے۔

2کُرِنتھِیوں 1:24

میڈا ایہ مقصد نئیں جو اساں اِیمان دے بارے ءچ تُہاڈے اُتے حُکم چلاؤں، بلکہ تُہاڈی خوشی کیتے تُہاڈے مددگار ہیں، کیوں جو تُساں آپنڑے اِیمان اُتے مضبوطی نال قائم راہندے ہیوے۔

2کُرِنتھِیوں 4:5

کیوں جو اساں آپنڑی نئیں بلکہ مسیح یسُوع دی تبلیغ کریندے ہیں جو اُوہو خُداوند ہے تے آپنڑے بارے ءچ ایہ آدھے ہیں جو یسُوع دی خاطر اساں تُہاڈی خدمت کرݨ آلے ہیں۔

فِلِپّیوں 3:17

بِھراؤ! تُساں سارے میڈے نمونے اُتے ٹُرو تے اُنہاں لوکاں اُتے غور کرو جیہڑے ساڈے ڈِتے ہوئے نمونہ اُتے ٹُردے ہِن۔

فِلِپّیوں 4:9

جیہڑا کُجھ تُساں میں تُوں سِکھیا، حاصل کیتا، سُنڑیا تے میڈے ءچ ڈِٹھا، اُوندے اُتے عمل کریندے راہو۔ تے خُدا جیہڑا اِطمینان دا چشمہ ہے تُہاڈے نال راہسی۔

1تھِسّلُنیکیوں 1:7

اِینویں تُساں مَکِدُنیہ تے اَخیہ دے سبھ اِیمانداراں کیتے نمونہ بنڑ گئے۔

2تھِسّلُنیکیوں 3:9

اِیں واسطے نئیں جو ساڈا تُہاڈے اُتے کوئی حق نہ ہا بلکہ اِیں واسطے جو ایجھا نمونہ پیش کرُوں جیندے اُتے تُساں چل سگو۔

1 تِیمُتھِیُس 4:12

کوئی وی تیڈی جوانی دی وجہ تُوں تیکُوں حقیر نہ سمجھے بلکہ تُوں کلام کرݨ، چال چلنڑ، محبت، اِیمان تے پاکیزگی ءچ اِیمانداراں کیتے نمونہ بنڑ۔

طِطُس 2:7

تُوں خود سارے گالھیں ءچ نیک کم کر تے اُنہاں کیتے نمونہ بنڑ۔ تیڈی تعلیم ءچ صاف دِلی تے شرافت نظر آوے،

1 پطرس 2:9

پر تُساں ہِک چُنڑی ہوئی نسل، شاہی کاہِن، مُقدّس قوم تے ایجھی اُمت ہیوے جیہڑی خُدا دی خاص ملکیت ہے، تاں جو تُساں اُوندے خُوبیاں دا اعلان کرو جئیں تُہاکُوں اندھارے ءچوں آپنڑی حیران کرݨ آلی روشنی ءچ سڈیا ہے۔