1 پطرس 5:2 - کِتاب مُقدّس سرائیکی ترجمہ

² تُساں خُدا دے اِجڑ دی نگہبانی کرو، جیہڑا تُہاڈے سپُرد کیتا گئے۔ ایہ خدمت مجبوری نال نئیں بلکہ خُدا دی مرضی دے مطابق خوشی نال، مال دولت دے لالچ کیتے نئیں بلکہ دِلی شوق نال کرو۔

1 پطرس 5:2 Iomraidhean Croise

لُوقا 12:32

چھوٹے اِجڑ! نہ ڈر، کیوں جو تُہاڈے باپ کُوں پسند آیا جو تُہاکُوں بادشاہی ڈیوے۔

اعمال 20:29

مَیں ایہ جانڑدا ہاں جو میڈے ونجنڑ دے بعد پھاڑ ڈیوݨ آلے نہر تُہاڈے وچال آ ویسن تے اِجڑ کُوں نہ چُھڑیسن۔

اعمال 21:13

پر پولُس جواب ڈِتا، ”تُساں ایہ کیا کریندے ہیوے؟ کیوں رو رو تے میڈا دل تُڑیندے ہیوے؟ مَیں یروشلیم ءچ خُداوند یسُوع دے ناں دی خاطر صرف بدھیجنڑ کیتے ای نئیں بلکہ مرݨ کیتے وی تیار ہاں۔“

رومیوں 1:15

اِیں واسطے مَیں تُہاکُوں وی جیہڑے روم ءچ ہیوے خوشخبری سُنڑاوݨ دی بہُوں سِک رکھیندا ہاں۔

1کُرِنتھِیوں 9:7

کیہڑا سپاہی آپنڑے خرچے اُتے جنگ کریندے؟ کیہڑا کِسان انگُور دا باغ لا تے انگُور نئیں کھاندا؟ یا کیہڑا آجڑی آپنڑا اِجڑ چرا تے، اُوندا کھیر نئیں پِیندا؟

1 تِیمُتھِیُس 3:3

او شرابی تے مار کُٹائی کرݨ آلا نہ ہووے بلکہ نرم دل ہووے۔ او بحث کرݨ آلا تے پیسیاں دا لالچی نہ ہووے۔

1 تِیمُتھِیُس 3:8

اِینویں ای جماعت دا اِنتظام کرݨ آلیاں کُوں وی چاہیدے جو او سنجیدہ ہووݨ، ڈُو زباناں آلے، شرابی تے پیسے دے لالچی نہ ہووݨ۔

طِطُس 1:11

ایجھے لوکاں دا مُنہ بند کرݨ ضروری ہے، اِیں واسطے جو او ناجائز نفع دی خاطر غلط تعلیم سِکھا تے گھراں دے گھر برباد کر ڈیندے ہِن۔

طِطُس 1:7

نگہبان کُوں خُدا دے لوکاں دا مُختار ہووݨ دے سببّوں بے اِلزام ہوونڑا چاہیدے۔ او ضِدی تے کوڑیل نہ ہووے، شرابی تے مار کُٹ کرݨ آلا نہ ہووے تے نہ ای پیسے دا لالچی ہووے۔

طِطُس 2:14

مسیح آپنڑے آپ کُوں ساڈی خاطر ڈے ڈِتا تاں جو ساڈا فِدیہ ڈے تے ساکُوں ہر طرحاں دی بدکاری کنُوں چُھڑا گِھنے، تے ساکُوں پاک کر تے آپنڑے کیتے ہِک ایجھی اُمت بنڑا گِھنے جیہڑی نیک کم کرݨ ءچ سرگرم راہوے۔

طِطُس 3:1

لوکاں کُوں یاد ڈیوا جو او حاکماں تے اِختیار آلیاں دے تابع راہوݨ، اُنہاں دا حُکم مننڑ تے ہر نیک کم کُوں کرݨ کیتے تیار راہوݨ،

فِلیمون 1:14

پر تیڈی اِجازت دے بغیر مَیں کُجھ کرݨ نئیں چاہندا تاں جو تیڈا نیک کم مجبوری نال نئیں بلکہ خوشی نال ہووے۔

عبرانیوں 12:15

دھیان کرو جو کوئی بندہ خُدا دے فضل کنُوں محروم نہ رہ ونجے، اِینویں نہ تھیوے جو کوئی بندہ کڑوی جڑھ آلی کار پُھٹ تے تُہاکُوں تکلیف ڈیوے تے بہُوں سارے لوکاں کُوں وِگاڑ ڈیوے۔

2 پطرس 2:3

لالچ دے سببّوں ایہ اُستاد فرضی گالھیں سُنڑا تے تُہاڈے تُوں ناجائز فائدہ چیسن۔ پر اُنہاں دی سزا دا حُکم بہُوں پہلے کنُوں تھی گئے، تے او سزا تیار ہے تے اُنہاں دی ہلاکت ءچ دیر نہ تھیسی۔