1 پطرس 5:14 - کِتاب مُقدّس سرائیکی ترجمہ

¹⁴ ہِک ڈُوجھے کُوں پاک بوسے نال سلام آکھو۔ تُساں ساریاں کُوں جیہڑے مسیح ءچ ہیوے، اِطمینان حاصل تھیندا راہوے۔

1 پطرس 5:14 Iomraidhean Croise

متّی 5:47

تے جے تُساں صرف آپنڑے ای بِھرانواں کُوں سلام کرو تاں کیہڑی وڈی گالھ کریندے ہیوے؟ کیا غیر قوماں دے لوک وی اِینویں نئیں کریندے؟

یُوحنّا 14:27

مَیں تُہاکُوں اِطمینان ڈِتی ویندا ہاں، آپنڑا اِطمینان تُہاکُوں ڈیندا ہاں۔ ایہ ایجھا اِطمینان نئیں جیہڑا دُنیا ڈیندی ہے۔ تُہاڈا دل نہ گھبراوے تے نہ ڈرے۔

یُوحنّا 16:33

مَیں تُہاڈے نال ایہ گالھیں اِیں واسطے کیتیاں ہِن جو تُساں میڈے ءچ اِطمینان پاؤ۔ دُنیا ءچ ڈُکھ چیندے ہیوے پر حوصلہ رکھو، مَیں دُنیا اُتے غالب آیا ہاں۔“

یُوحنّا 20:19

وَل اُوں ڈینہہ جیہڑا ہفتے دا پہلا ڈینہہ ہا، شام دے وقت جِیں ویلے شاگرد ہِک جاہ جمع ہَن تے یہُودیاں دے ڈر کنُوں دروازے بند ہَن، یسُوع آ تے اُنہاں دے وچال آ کھڑا تھیّا تے آکھیا، ”تُہاڈی سلامتی ہووے۔“

یُوحنّا 20:26

اَٹھ ڈینہہ بعد یسُوع دے شاگرد ہِک پھیری ولا گھر دے اندر ہَن تے توما وی اُنہاں دے نال ہا۔ دروازے بند ہَن، پر یسُوع آ تے اُنہاں دے وچال کھڑا تھی گِیا تے آکھیا، ”تُہاڈی سلامتی ہووے!“

رومیوں 1:7

ایہ خط اُنہاں سارے خُدا دے پیاریاں دے ناں ہے جیہڑے روم ءچ ہِن تے مُقدّس تھیوݨ کیتے سڈے گئے ہِن۔ ساڈے باپ خُدا تے خُداوند یسُوع المسیح دی طرفوں تُہاکُوں فضل تے اِطمینان حاصل تھیندا راہوے۔

رومیوں 16:16

آپس ءچ پاک بوسہ گِھن تے ہِک ڈُوجھے کُوں سلام کرو۔ مسیح دیاں ساریاں کلیسیاواں تُہاکُوں سلام آدھیاں ہِن۔

رومیوں 8:1

اِیں واسطے جیہڑے مسیح یسُوع ءچ ہِن، ہُنڑ اُنہاں اُتے سزا دا حُکم نئیں۔

1کُرِنتھِیوں 1:30

پر ایہ خُدا دی طرفوں ہے جو تُساں مسیح یسُوع ءچ ہیوے جیہڑا ساڈے کیتے حِکمت بنڑیا یعنی راستبازی، پاکیزگی تے مخلصی۔

1کُرِنتھِیوں 16:20

سارے بِھرا تُہاکُوں سلام آدھے ہِن۔ پاک بوسہ گِھن تے ہِک بئے کُوں سلام آکھو۔

2کُرِنتھِیوں 13:12

پاک بوسہ نال ہِک ڈُوجھے کُوں سلام آکھو۔

2کُرِنتھِیوں 5:17

اِیں واسطے جے کوئی مسیح ءچ ہے تاں او نوِیں مخلوق ہے۔ پُرانڑی زندگی ویندی ریہی، ڈیکھو نوِیں زندگی شروع تھی گئی ہے۔

اِفِسیوں 6:23

خُدا باپ تے خُداوند یسُوع مسیح دی طرفوں تُساں بِھرانواں کُوں اِیمان دے نال اِطمینان تے محبت حاصل تھیوے

1تھِسّلُنیکیوں 5:26

سارے بِھرانواں کُوں پاک بوسیاں نال میڈا سلام آکھو۔

1 پطرس 1:2

خُدا باپ تُہاکُوں ازلی علم دے مطابق چُنڑ گِھدا تے اُوندے رُوح تُہاکُوں مخصوص تے مُقدّس کیتا۔ نتیجے ءچ تُساں یسُوع مسیح دی فرمانبرداری کریندے ہیوے تے اُوندے چِھنڈکے گئے خون نال پاک صاف تھی گئے ہیوے۔ تُہاکُوں ڈھیر سارا فضل تے اِطمینان حاصل تھیندا راہوے۔

3 یُوحنّا 1:14

بلکہ مَیں اُمید رکھیندا ہاں جو تیڈے کولھ جلدی آساں تے وَل اساں آمنڑے سامنڑے گالھیں کریسوں۔