1 پطرس 5:13 - کِتاب مُقدّس سرائیکی ترجمہ

¹³ بابل دی کلیسیا جیہڑی تُہاڈے وانگُوں چُنڑی ہوئی ہے تُہاکُوں سلام آدھی ہے۔ میڈا پوتر مرقس وی تُہاکُوں سلام آدھے۔

1 پطرس 5:13 Iomraidhean Croise

اعمال 12:12

جِیں ویلے پطرس ایہ جاݨ گِھدا تاں مریم دے گھر گِیا جیہڑی اُوں یُوحنّا دی ماء ہئی جیہڑا مرقس اکھویندے۔ اُتھاں بہُوں سارے لوک جمع تھی تے دُعا کریندے پئے ہَن۔

اعمال 12:25

تے برنباس تے ساؤل آپنڑی خدمت پُوری کر تے یُوحنّا کُوں جیہڑا مرقس اکھویندے، نال گِھن تے یروشلیم تُوں واپس آئے۔

اعمال 15:37

برنباس، یُوحنّا کُوں جیہڑا مرقس اکھویندا ہے، نال گِھننڑ چاہندا ہا۔

اعمال 15:39

بس اُنہاں ءچ ایجھی تکرار تھئی جو او ہِک بئے کنُوں اَنج تھی گئے۔ برنباس مرقس کُوں گِھن تے جہاز ءچ کُپرُس روانہ تھیّا۔

کلُسِّیوں 4:10

ارِسترخُس جیہڑا میڈے نال قید ءچ ہے تے مرقس جیہڑا برنباس دا رشتے دار ہے، تُہاکُوں سلام آدھے۔ تُہاکُوں مرقس کیتے ہدایت ڈِتی گئی ہے جو جے او تُہاڈے کولھ آوے تاں اُونکُوں خوشی نال قبول کرائے۔

فِلیمون 1:24

تے مرقس، ارِسترخُس، دیماس تے لُوقا وی جیہڑے میڈے نال خدمت کریندے ہِن، تیکُوں سلام آدھے ہِن۔

2 یُوحنّا 1:1

ایہ خط مَیں بزُرگ دی طرفوں، خُدا دی اُوں چُنڑی ہوئی بی بی تے اُوندے فرزنداں دے ناں ہے جِنہاں نال نہ صرف مَیں بلکہ او سارے جیہڑے سچائی کنُوں واقف ہِن، سچی محبت رکھیندے ہِن،

2 یُوحنّا 1:13

خُدا دی چُنڑی ہوئی تیڈی بھینڑ دے فرزند، تیکُوں سلام آدھے ہِن۔

مُکاشفہ 17:5

اُوندے متھے اُتے ایہ راز آلا ناں لِکھیا ہا، ”عظیم شہر بابل، سبھ طوائفاں تے زمین دیاں مکرُوہ چیزاں دی ماء۔“

مُکاشفہ 18:2

اُوں اُچی اواز ءچ ہکل ڈے تے آکھیا، ”ڈھے پِیا! عظیم شہر بابل ڈھے پِیا! او بدرُوحاں دا گھر بنڑ گِیا تے ہر بدرُوح دے راہنڑ دی جاہ تے ہر ناپاک تے مکرُوہ پکھیاں دے ٹِکنڑ دی جاہ تھی گِیا۔