1 پطرس 5:10 - کِتاب مُقدّس سرائیکی ترجمہ

¹⁰ تُہاڈے تھوڑی دیر تئیں ڈُکھ چاوݨ تُوں بعد، خُدا جیہڑا سارے فضل دا مالک ہے تے جئیں مسیح دے ذریعے تُہاکُوں آپنڑے ابدی جلال ءچ شریک تھیوݨ کیتے سڈے، اُوہو خود تُہاکُوں کامِل، مضبوط، قائم تے زورآور کریسی۔

1 پطرس 5:10 Iomraidhean Croise

لُوقا 22:32

پر مَیں تیڈے کیتے دُعا کیتی جو تیڈا اِیمان ویندا نہ راہوے۔ تے جِیں ویلے تُوں رجُوع کریں تاں آپنڑے بِھرانواں کُوں مضبوط کریں۔“

رومیوں 15:13

خُدا جیہڑا اُمید دا سرچشمہ ہے تُہاکُوں اِیمان رکھنڑ دے سببّوں ساری خوشی تے اِطمینان نال بھر ڈیوے تاں جو رُوح القُدس دی قُدرت نال تُہاڈی اُمید ودھدی ونجے۔

رومیوں 15:5

ہُنڑ صبر تے تسلی ڈیوݨ آلا خُدا تُہاکُوں مسیح یسُوع دے بندے ہوندے ہوئے آپس ءچ ہِک دل تھی تے راہوݨ دی توفیق ڈیوے۔

رومیوں 16:25

خُدا دی تمجید ہووے جیہڑا تُہاکُوں میڈی خوشخبری یعنی یسُوع مسیح دی تبلیغ دے وسیلے مضبوط کر سگدا ہے، اُوں بھید دے مُکاشفہ دے مطابق جیہڑا ازل کنُوں لُکیا ریہا

رومیوں 9:11

تے اجنڑ تئیں نہ تاں چھوہر جائے ہَن تے نہ ای اُنہاں کُجھ نیکی یا بدی کیتی ہئی، خُدا رِبقہ کُوں آکھیا جو وڈا چھوٹے دی خدمت کریسی، تاں جو خُدا ایہ ظاہر کرے جو اُوندا مقصد قائم راہندے کیوں جو او آپنڑی مرضی نال لوکاں کُوں چُنڑدے نہ جو اُنہاں دے اعمال نال۔

رومیوں 9:24

یعنی ساڈے ذریعے جِنہاں کُوں اُوں نہ صرف یہُودیاں ءچوں بلکہ غیریہُودیاں ءچوں وی سڈیا۔

1کُرِنتھِیوں 1:10

بِھراؤ! مَیں آپنڑے خُداوند یسُوع المسیح دے ناں کنُوں تُہاڈی مِنت کریندا ہاں جو تُساں ہِک ڈُوجھے نال اِتفاق رکھو، تے تُہاڈے ءچ پارٹی بازی نہ ہووے، بلکہ تُساں سارے ہِک دل تے ہِک سوچ تھی تے ہِک مُٹھ راہو۔

1کُرِنتھِیوں 1:9

خُدا وفادار ہے جئیں تُہاکُوں آپنڑے پوتر، ساڈے خُداوند یسُوع مسیح دی شراکت کیتے سڈیا ہے۔

2کُرِنتھِیوں 13:11

غرض بِھراؤ! خوش راہو، کامِل بنڑدے ونجو، حوصلہ رکھو، ہِک سوچ رکھو، میل مِلاپ رکھو، وَل خُدا جیہڑا محبت تے سلامتی دا سرچشمہ ہے تُہاڈے نال راہسی۔

2کُرِنتھِیوں 4:17

ساڈی ایہ بہُوں عارضی تے ہلکی جیہی مُصیبت ساڈے کیتے ایجھا بھاری تے ابدی جلال پیدا کریندی پئی ہے۔

فِلِپّیوں 4:13

مَیں یسُوع المسیح دے وسیلے جیہڑا میکُوں طاقت ڈیندے، سبھ کُجھ کر سگدا ہاں۔

کلُسِّیوں 2:7

اُوندے ءچ جڑھ پکڑیندے تے تعمیر تھیندے ونجو تے جِینویں تُساں تعلیم گِھدی ہے اُونویں ای اِیمان ءچ مضبوط راہو تے خُدا دی بہُوں شُکرگزاری کیتا کرو۔

1تھِسّلُنیکیوں 2:12

اساں ہر ہِک کُوں نصیحت تے تسلی ڈیندے ریہے تے سمجھیندے ریہے جو تُساں خُدا دے لائق زندگی گُزارو، جئیں تُہاکُوں آپنڑی بادشاہی تے جلال ءچ شریک تھیوݨ کیتے سڈیا ہے۔

2تھِسّلُنیکیوں 2:14

خُدا تُہاکُوں اِیں نجات کیتے ساڈی سُنڑائی ہوئی خوشخبری دے ذریعے سڈیا تاں جو تُساں ساڈے خُداوند یسُوع مسیح دے جلال ءچ شامل تھی ونجو۔

2تھِسّلُنیکیوں 2:17

تُہاڈے دِلاں کُوں تسلی بخشے تے ہر نیک کم تے کلام ءچ تُہاکُوں مضبوط کرے۔

2تھِسّلُنیکیوں 3:3

پر خُداوند وفادار ہے۔ او تُہاکُوں مضبوط کریسی تے شیطان کنُوں محفوظ رکھیسی۔

1 تِیمُتھِیُس 6:12

اِیمان دی چنگی کُشتی لڑ۔ ہمیشاں دی زندگی اُتے قبضہ کر گِھن جیندے کیتے تُوں سڈیا گِیا ہَویں، تے جِیندے بارے ءچ تَیں بہُوں سارے گواہاں دے سامنڑے چنگا اِقرار کیتا ہا۔

2 تِیمُتھِیُس 1:9

کیوں جو اُوں ساکُوں نجات ڈِتی ہے تے مُقدّس زندگی گُزارݨ کیتے سڈے۔ ایہ ساڈے اعمال دی وجہ کنُوں نئیں بلکہ اُوندے آپنڑے خاص اِرادے تے فضل دی وجہ تُوں ہے۔ ایہ فضل ساڈے اُتے مسیح یسُوع ءچ ازل کنُوں ای تھی گِیا ہئی،

2 تِیمُتھِیُس 2:10

اِیں واسطے مَیں خُدا دے چُنڑے ہوئے لوکاں دی خاطر سبھ کُچھ سہندا ہاں تاں جو او وی اُوں نجات کُوں جیہڑی مسیح یسُوع دے ذریعے مِلدی ہے، ابدی جلال سمیت حاصل کرݨ۔

عبرانیوں 9:15

اِیہو وجہ ہے جو مسیح نویں عہد دا درمیانی ہے تاں جو خُدا دی طرفوں سڈے گئے لوک وعدہ کیتی ہوئی ابدی میراث کُوں حاصل کر سگنڑ۔ ایہ صرف اِیں واسطے ممکن تھئے جو مسیح آپنڑی جان فِدیہ دے طور تے ڈے ڈِتی تاں جو اُنہاں کُوں اُنہاں گُناہاں دی سزا تُوں چُھڑاوے جیہڑے اُنہاں پہلے عہد دے دوران کیتے ہَن۔

1 پطرس 1:15

بلکہ جِینویں تُہاڈا سڈݨ آلا پاک ہے اُونویں ای تُساں وی آپنڑے سارے چال چلنڑ ءچ پاک بنڑو۔

1 پطرس 4:10

خُدا ہر ہِک کُوں کوئی نہ کوئی نعمت عطا کیتی ہے۔ اِیں واسطے اِنہاں مختلف نعمتاں کُوں خُدا دے چنگے مُختار آلی کار ہِک ڈُوجھے دی خدمت کرݨ ءچ اِستعمال کرو۔

1 پطرس 4:11

جے کوئی کُجھ بیان کرے تاں اِینویں کرے جِینویں خُدا اُوندے ذریعے کلام کریندا پئے۔ جے کوئی خدمت کرے تاں اُوں طاقت نال کرے جیہڑی خُدا ڈیندے تاں جو سبھ گالھیں ءچ یسُوع مسیح دے وسیلہ نال خُدا دا جلال ظاہر تھیوے۔ جلال تے سلطنت ہمیشاں تئیں اُوندا ای ہووے۔ آمین۔

2 پطرس 1:3

خُدا دی اِلٰہی قُدرت ساکُوں او سبھ چیزاں ڈِتیاں جیہڑیاں دیندار زندگی کیتے ضروری ہِن۔ تے ایہ ساکُوں اُوندی پچھاݨ دے وسیلے نال مِلیاں، جئیں ساکُوں آپنڑے جلال تے نیکی دے ذریعے سڈے۔

1 یُوحنّا 2:25

تے جیہڑا وعدہ اُوں ساڈے نال کیتے، او ہمیشاں دی زندگی ہے۔

یہُوداہ 1:24

ہُنڑ جیہڑا تُہاکُوں گُمراہی تُوں بچا سگدے تے آپنڑی جلال آلی حضُوری ءچ بہُوں وڈی خوشی نال بے عیب بنڑا تے پیش کر سگدے،