1 پطرس 4:8 - کِتاب مُقدّس سرائیکی ترجمہ

⁸ سبھ تُوں اہم گالھ تاں ایہ ہے جو آپس ءچ گھاٹی محبت رکھو کیوں جو محبت بہُوں سارے گُناہاں اُتے پڑدہ پا ڈیندی ہے۔

1 پطرس 4:8 Iomraidhean Croise

1کُرِنتھِیوں 13:1

جے مَیں اِنساناں تے فرشتیاں دیاں زباناں بولاں پر محبت نہ رکھاں تاں مَیں صرف ٹن ٹن کریندا گھنٹا یا جھن جھن کریندی جھانجھ ہاں۔

1کُرِنتھِیوں 13:4

محبت صبر کریندی ہے تے مہربان ہے۔ محبت حسد نئیں کریندی، محبت شیخی نئیں مریندی تے غرور نئیں کریندی،

کلُسِّیوں 3:14

تے اُنہاں ساریاں خُوبیاں تُوں ودھ تے محبت کُوں پا گِھنو جیہڑی سبھ کُوں مکمل طور تے اتحاد ءچ بدھی رکھیندی ہے۔

1تھِسّلُنیکیوں 3:12

خُداوند کرے جو جِینویں ساکُوں تُہاڈے نال محبت ہے اُونویں ای تُہاڈی محبت وی آپس ءچ تے سبھ لوکاں نال ودھدی ونجے۔

2تھِسّلُنیکیوں 1:3

بِھراؤ! ساڈے اُتے فرض ہے جو ہر ویلے تُہاڈے کیتے خُدا دا شُکر کریندے راہوں۔ تے ایہ مناسب وی ہے کیوں جو تُساں اِیمان ءچ بہُوں ترقی کریندے پئے ہیوے تے تُہاڈی آپس دی محبت وی ودھدی ویندی ہے۔

1 تِیمُتھِیُس 1:5

میڈی اِیں نصیحت دا مقصد او محبت ہے جیہڑی پاک دِلی، نیک نیّتی تے حقیقی اِیمان نال پیدا تھیندی ہے۔

عبرانیوں 13:1

برادرانہ محبت قائم رکھو۔

یعقُوب 5:12

پر بِھراؤ! سبھ تُوں ودھ تے ایہ ہے جو قَسم نہ چاؤ، نہ اسمان دی، نہ زمین دی تے نہ کہیں بئی شے دی بلکہ ہاں دی جاہ ہاں آکھو تے نہ دی جاہ نہ۔ اِینویں نہ تھیوے جو تُساں سزا دے لائق کھڑائے ونجو۔

یعقُوب 5:20

تاں یاد رکھو جو گُنہگار کُوں گُمراہی کنُوں واپس گِھن آوݨ آلا، ہِک جان کُوں موت کنُوں بچیسی تے بہُوں سارے گُناہاں اُتے پڑدہ پیسی۔

1 پطرس 1:22

تُساں سچائی دے تابع تھی تے آپنڑے آپ کُوں پاک کیتے، جیندی وجہ کنُوں بِھرانواں ءچ سچی محبت پیدا تھئی۔ اِیں واسطے آپس ءچ دل و جان نال محبت رکھو۔

3 یُوحنّا 1:2

میڈے عزیز! مَیں ایہ دُعا کریندا ہاں جو تُوں ہر لحاظ نال ترقی کریں، تے جِینویں تُوں رُوحانی طور تے صحت مند ہیں، اُونویں ای جِسمانی طور تے وی صحت مند ہوویں۔