1 پطرس 4:14 - کِتاب مُقدّس سرائیکی ترجمہ

¹⁴ جے مسیح دے ناں دے سببّوں تُہاڈی بے عزتی کیتی ویندی ہے تاں تُساں مُبارک ہیوے کیوں جو خُدا دا جلالی رُوح القُدس تُہاڈے اُتے چھاں کیتی پئے۔

1 پطرس 4:14 Iomraidhean Croise

متّی 5:11

مُبارک ہوسو تُساں جِیں ویلے لوک تُہاکُوں میڈے سببّوں لعن طعن کریسن تے طرحاں طرحاں دے بُرے گالھیں تُہاڈے بارے ءچ نا حق اکھیسن۔

متّی 5:16

اِیں طرحاں تُہاڈی روشنی لوکاں دے سامنڑے چمکے تاں جو او تُہاڈے نیک کماں کُوں ڈیکھ تے تُہاڈے اسمانی باپ دی تمجید کرݨ۔

لُوقا 6:22

جِیں ویلے اِبنِ آدم دی وجہ کنُوں لوک تُہاڈے نال نفرت رکھیسن تے تُہاکُوں خارج کر ڈیسن تے لعن طعن کریسن تے تُہاڈی بدنامی کریسن تاں تُساں مُبارک ہوسو۔

یُوحنّا 15:21

پر او ایہ سبھ کُجھ میڈے ناں دی وجہ تُوں تُہاڈے نال کریسن کیوں جو او میڈے بھیجنڑ آلے کُوں نئیں جانڑدے۔

یُوحنّا 8:48

یہُودیاں جواب ءچ اُونکُوں آکھیا، ”کیا اساں ٹھیک نہ آدھے ہاسے جو تُوں سامری ہیں تے تیڈے ءچ بدرُوح ہے؟“

یُوحنّا 9:28

او اُونکُوں بُرا بھلا آکھنڑ لگے جو، ”تُوں ای اُوندا شاگرد ہوسیں، اساں تاں مُوسیٰ دے شاگرد ہیں۔

یُوحنّا 9:34

اُنہاں جواب ءچ آکھیا، ”تُوں تاں جمیّا ای گُناہ ءچ ہیں، تُوں ساکُوں کیا سکھیندیں؟“ تے اُنہاں اُونکُوں عبادت خانہ تُوں باہر کڈھ ڈِتا۔

اعمال 13:45

پر یہُودی اِتی بِھیڑ ڈیکھ تے حسد نال بھریج گئے تے پولُس دے گالھیں دی مخالفت کرݨ تے بُرا بھلا آکھنڑ لگے۔

اعمال 18:6

جِیں ویلے او پولُس دے خلاف تھی تے اُونکُوں بُرا بھلا آکھنڑ لگ پئے تاں اُوں آپنڑے کپڑے جھاڑ تے اُنہاں کُوں آکھیا، ”تُہاڈا خون تُہاڈی ای گردن اُتے ہووے۔ مَیں اِیندا ذمہ دار نئیں، ہُنڑ تُوں مَیں غیریہُودیاں کولھ ویساں۔“

اعمال 28:22

پر اساں تُہاڈے خیال جاننڑاں چاہندے ہیں۔ ایہ تاں ساکُوں معلوم ہے جو لوک ہر جاہ اِیں فرقہ دے خلاف گالھیں کریندے ہِن۔“

اعمال 5:41

بس رسُول عدالت ءچوں اِیں گالھ تُوں خوش تھی تے چلے گئے جو اساں یسُوع دے ناں دی خاطر بے عزت تھیوݨ دے لائق تاں تھئے۔

2کُرِنتھِیوں 12:10

اِیہو وجہ ہے جو مسیح دی خاطر میں کمزوری ءچ، بے عزتی ءچ، تکلیفاں ءچ، ستائے ونجنڑ ءچ، تے تنگی ءچ خوش ہاں کیوں جو جِیں ویلے مَیں کمزور ہوندا ہاں اُوں ویلے ای مَیں مضبوط ہوندا ہاں۔

2کُرِنتھِیوں 4:10

اساں آپنڑے بدن ءچ یسُوع دی موت چاتی ودے ہیں تاں جو یسُوع دی زندگی وی ساڈے بدن ءچوں ظاہر تھیوے۔

2کُرِنتھِیوں 4:16

اِیں واسطے اساں حوصلہ نئیں چھوڑیندے۔ بےشک اساں ظاہری طور تے ختم تھیندے ویندے ہیں، وَل وی اندر ای اندر ہر روز نویں بنڑدے ویندے ہیں۔

گلتِیوں 1:24

تے او میڈے سببّوں خُدا دی تمجید کریندیاں ہَن۔

عبرانیوں 11:26

اُوں مسیح دی خاطر بے عزت تھیوݨ کُوں مِصر دے خزانیاں کنُوں وڈی دولت سمجھیا کیوں جو اُوندی نِگاہ اجر اُتے لگی ہوئی ہئی۔

یعقُوب 1:12

مُبارک ہے او بندہ جیہڑا ازمائش ویلے ثابت قدم راہندے، کیوں جو کامیاب تھیوݨ اُتے اُونکُوں اِنعام ءچ زندگی دا او تاج مِلسی جِیندا وعدہ خُداوند آپنڑے سبھ پیار کرݨ آلیاں نال کیتے۔

یعقُوب 5:11

ڈیکھو، اساں صبر کرݨ آلیاں کُوں مُبارک آدھے ہیں۔ تُساں ایُّوب دے صبر دے بارے ءچ تاں سُنڑیا ای ہے تے ایہ وی جانڑدے ہیوے جو خُدا دی طرفوں اِیندا کیا انجام تھیّا، کیوں جو خُداوند وڈا رحم دل تے مہربان ہے۔

1 پطرس 2:12

غیر قوماں ءچ آپنڑا چال چلنڑ ایجھا نیک رکھو جو بیشک او تُہاڈے اُتے بدکار ہووݨ دے اِلزام لیندن پر تُہاڈے نیک کماں کُوں ڈیکھ تے عدالت دے ڈینہہ خُدا دی حمد کرݨ۔

1 پطرس 3:14

پر جے تُساں نیکی کرݨ پارُوں ڈُکھ چاؤ وی تاں تُساں مُبارک ہیوے۔ اُنہاں دیاں دھمکیاں تُوں نہ ڈرو تے نہ گھبراؤ۔

1 پطرس 3:16

تے آپنڑی نیّت صاف رکھو تاں جو تُہاڈے نیک چال چلنڑ دے بارے ءچ جیہڑا مسیح ءچ ہے، غلط بیانی کرݨ آلے آپنڑے اِلزام لاوݨ اُتے شرمندہ تھیوݨ۔

1 پطرس 4:16

پر جے کوئی مسیح دا بندہ ہووݨ دے سببّوں ڈُکھ چاوے تاں شرماوے نہ بلکہ خُدا دی تعریف کرے جو او اِیں ناں تُوں سڈیا ویندے۔

2 پطرس 2:2

بہُوں سارے لوک اُنہاں دی شہوت پرستی دی پیروی کریسن جیندے سببّوں سچائی دی راہ دی بدنامی تھیسی۔