1 پطرس 3:8 - کِتاب مُقدّس سرائیکی ترجمہ

⁸ آخری گالھ ایہ ہے جو تُساں سارے ہِک ڈُوجھے نال ہمدردی، برادرانہ محبت، رحم دِلی تے عاجزی نال راہو۔

1 پطرس 3:8 Iomraidhean Croise

متّی 18:33

کیا تیکُوں لازم نہ ہا جو جِینویں مَیں تیڈے اُتے رحم کیتے تُوں وی آپنڑے ساتھی اُتے رحم کریندا؟‘

لُوقا 10:33

پر ہِک سامری سفر کریندا کریندا اُتھاں آ گِیا تے اُونکُوں ڈیکھ تے اُوندے اُتے ترس کھادا۔

اعمال 2:1

جِیں ویلے عید ِ پِنتیکُست دا ڈینہہ آیا تاں او سارے ہِک جاہ تے جمع ہَن،

اعمال 27:3

ڈُوجھے ڈینہہ جِیں ویلے جہاز صیدا ءچ کھڑا تھیّا تاں یُولِیُس مہربانی کر تے پولُس کُوں دوستاں نال مُلاقات کرݨ دی اِجازت ڈے ڈِتی تاں جو اُوندی خدمت تھی سگے۔

اعمال 28:7

اُوں جاہ دے نیڑے جزیرہ دے حاکم پُبلِیُس دی جاگیر ہا۔ او ساڈا اِستقبال کر تے آپنڑے گھر گِھن گِیا تے ترے ڈینہہ تئیں ساڈی چنگی مہمان نوازی کیتی۔

اعمال 4:32

اِیمانداراں دی جماعت ہِک دل تے یک جان ہئی تے کہیں وی آپنڑے مال کُوں آپنڑا نہ آکھیا بلکہ اُنہاں دی ہر چیز سانجھی ہئی۔

رومیوں 12:10

برادرانہ محبت نال ہِک ڈُوجھے کُوں پیار کرو۔ آپنڑے کنُوں زیادہ ڈُوجھیاں دی عزت کرو۔

رومیوں 15:5

ہُنڑ صبر تے تسلی ڈیوݨ آلا خُدا تُہاکُوں مسیح یسُوع دے بندے ہوندے ہوئے آپس ءچ ہِک دل تھی تے راہوݨ دی توفیق ڈیوے۔

1کُرِنتھِیوں 1:10

بِھراؤ! مَیں آپنڑے خُداوند یسُوع المسیح دے ناں کنُوں تُہاڈی مِنت کریندا ہاں جو تُساں ہِک ڈُوجھے نال اِتفاق رکھو، تے تُہاڈے ءچ پارٹی بازی نہ ہووے، بلکہ تُساں سارے ہِک دل تے ہِک سوچ تھی تے ہِک مُٹھ راہو۔

1کُرِنتھِیوں 12:26

جے بدن دا ہِک اَنگ ڈُکھدے تاں سارے اَنگ اُوندے نال ڈُکھدے ہِن۔ تے جے ہِک اَنگ کُوں عزت مِلدی ہے تاں سارے اَنگ اُوندے نال خوشی منیندے ہِن۔

اِفِسیوں 4:2

یعنی کمال فروتنی، نرم دِلی تے صبر نال، محبت ءچ ہِک ڈُوجھے دی برداشت کرو۔

اِفِسیوں 4:31

ہر قِسم دی نفرت، قہر، تکرار، بدگوئی تے بُرائی کُوں آپنڑے ءچوں کڈھ ڈیؤ۔

اِفِسیوں 4:32

ہر ہِک نال مہربانی تے نرم دِلی نال پیش آؤ۔ جِینویں خُدا مسیح ءچ تُہاڈے قصُور معاف کیتے ہِن، تُساں وی ہِک ڈُوجھے دے قصُور معاف کرو۔

فِلِپّیوں 2:3

خود غرضی تے غیر مناسب فخر کنُوں دُور راہو بلکہ حلیمی نال ہِک ڈُوجھے کُوں آپنڑے تُوں چنگا سمجھو۔

فِلِپّیوں 3:16

بہرحال جِتھاں تئیں اساں پُج گئے ہیں، اُوندے مطابق زندگی گُزاروں۔

کلُسِّیوں 3:12

تُساں خُدا دے چُنڑے ہوئے، پاک تے عزیز لوک ہیوے، اِیں واسطے رحم، ہمدردی، فروتنی، نرمی تے صبر دے کپڑے پا گِھنو۔

عبرانیوں 13:1

برادرانہ محبت قائم رکھو۔

یعقُوب 2:13

کیوں جو جئیں رحم نئیں کیتا، اُوندا اِنصاف بغیر رحم دے کیتی ویسی پر رحم اِنصاف اُتے غالب آندے۔

یعقُوب 3:17

پر جیہڑی حِکمت اسمان کنُوں آندی ہے، اوّل تاں او پاک ہوندی ہے، وَل امن پسند، نرم مزاج تے تربیت قبول کرݨ آلی ہوندی ہے تے رحم تے چنگے کماں نال بھری ہوندی ہے۔ اُوندے ءچ طرفداری تے منافقت نئیں ہوندی۔

یعقُوب 5:11

ڈیکھو، اساں صبر کرݨ آلیاں کُوں مُبارک آدھے ہیں۔ تُساں ایُّوب دے صبر دے بارے ءچ تاں سُنڑیا ای ہے تے ایہ وی جانڑدے ہیوے جو خُدا دی طرفوں اِیندا کیا انجام تھیّا، کیوں جو خُداوند وڈا رحم دل تے مہربان ہے۔

1 پطرس 1:22

تُساں سچائی دے تابع تھی تے آپنڑے آپ کُوں پاک کیتے، جیندی وجہ کنُوں بِھرانواں ءچ سچی محبت پیدا تھئی۔ اِیں واسطے آپس ءچ دل و جان نال محبت رکھو۔

1 پطرس 2:17

سبھ دی عزت کرو، آپنڑے اِیماندار بِھرانواں نال محبت رکھو۔ خُدا تُوں ڈرو تے بادشاہ دی عزت کرو۔

1 پطرس 5:5

اِینویں ای نوجوانو، تُساں بزُرگاں دے تابع راہو تے عاجزی نال ہِک ڈُوجھے دی خدمت کریندے راہو کیوں جو ”خُدا مغرُوراں دی مُقابلہ کریندے پر عاجزی کرݨ آلیاں اُتے مہربانی کریندے۔“

2 پطرس 1:7

تے دینداری نال برادرانہ پیار تے برادرانہ پیار نال محبت ودھے۔

1 یُوحنّا 3:14

اساں جانڑدے ہیں جو اساں موت کنُوں نِکل تے زندگی ءچ داخل تھی گئے ہیں، کیوں جو اساں آپنڑے بِھرانواں نال محبت رکھیندے ہیں۔ جیہڑا کوئی محبت نئیں رکھیندا، او ہُنڑ تئیں موت دی حالت ءچ ہے۔