1 پطرس 3:7 - کِتاب مُقدّس سرائیکی ترجمہ

⁷ پائیو! تُساں وی آپنڑیاں ذالاں کُوں آپنڑے تُوں کمزور جاݨ تے اُنہاں دے نال سمجھداری نال زندگی گُزارو، تے اُنہاں کُوں زندگی دیاں نعمتاں ءچ برابر شریک جاݨ تے اُنہاں دی عزت کرو تاں جو تُہاڈیاں دُعاواں رُک نہ ونجنڑ۔

1 پطرس 3:7 Iomraidhean Croise

متّی 18:19

مَیں تُہاکُوں ولا آدھا ہاں جو جے تُہاڈے ءچوں ڈُو بندے زمین اُتے کہیں شے کیتے اِتفاق نال دُعا کریسن تاں او میڈے اسمانی باپ دی طرفوں اُنہاں کیتے تھی ویسی۔

1کُرِنتھِیوں 7:3

پایا آپنڑی ذال دا حق ادا کرے تے اُونویں ای ذال آپنڑے پئے دا۔

اِفِسیوں 3:6

او بھید ایہ ہے جو مسیح یسُوع ءچ غیر قوماں وی بنی اِسرائیل نال خوشخبری دے وسیلے میراث ءچ شریک ہِن تے ہِکو بدن دے اَنگ ہِن تے خُدا دے وعدہ ءچ شامل ہِن۔

اِفِسیوں 4:30

خُدا دے رُوح القُدس کُوں ناراض نہ کرو جیندے نال تُہاڈے اُتے مخلصی دے ڈینہہ کیتے مُہر کیتی گئی ہے۔

اِفِسیوں 5:33

بہرحال تُہاڈے ءچوں ہر پئے کُوں چاہیدے جو او آپنڑی ذال نال آپنڑے وانگُوں محبت رکھے تے ذال کُوں وی چاہیدے جو او آپنڑے پئے دی عزت کرے۔

اِفِسیوں 6:18

ہر ویلے رُوح القُدس ءچ ہر طرحاں نال دُعا تے مِنت کریندے راہو۔ تے اِیں مقصد کیتے جاگدے راہو تے سارے مُقدّساں کیتے ہر ویلے دُعا کریندے راہو۔

کلُسِّیوں 3:19

پایو، آپنڑیاں ذالاں نال محبت رکھو تے اُنہاں نال سختی نال پیش نہ آؤ۔

1تھِسّلُنیکیوں 4:4

تے تُہاڈے ءچوں ہر ہِک پاک تے باعزت طریقے نال آپنڑے جِسم کُوں قابو ءچ رکھنڑ جانڑے۔

طِطُس 3:7

تاں جو اساں اُوندے فضل دے طفیل راستباز کھڑائے ونجُوں تے اُوں ہمیشاں دی زندگی دے وارث بنڑوں جیندی اساں اُمید رکھیندے ہیں۔

عبرانیوں 1:14

کیا او سارے فرشتے خدمت گُزار رُوحاں نئیں، جیہڑیاں نجات پاوݨ آلیاں دی خدمت کیتے بھیجیاں ویندیاں ہِن؟

1 پطرس 3:1

ذالو! اِینویں ای تُساں وی آپنڑے پایاں دے تابع راہو۔ وَل بھانویں اُنہاں ءچوں کُجھ خُدا دے کلام کُوں نہ منیندے ہووݨ، او آپنڑی ذال دا چال چلنڑ ڈیکھ تے اِیمان دو آ ویسن۔ اُنہاں کُوں کُجھ آکھنڑ دی ضرورت نہ ہوسی،